إجرام أمنيـة النجاة
بقلـم: نبـا الزبيـدي
[قراءة ممتعـه]
____________________________________
فزيت على صوته فتحت عيوني اباوع للجامه طالعه الشمس وهو صاف السياره على مكان ماعرفه اللتفتت مرعوبه على مكان بنتي شفته كاعده مفتحه عيونه ، تنفست براحه باوعت للرجال شفته يباوع عليه من شافني صحصحت كال
- يلا كعدي صحصحي رضعي بنتج جوعانه علما اجيب ريوك واجي .
هزيت راسي اي نزل قفل السياره عليه وصار يتمشى لمكان معين طلعت الحليب والترمز وصرت اسويله حليب، تقربت عليه ابتعدت من لكيته مسويته على روحه طلعت حفاضات بسرعه وكلينس مرطب
نزعتله ملابسه وصرت انضفه واني ساده خشمي من الريحه من قهري كلت
ملاك: بربج انتي شماكله حتى كل هل ......
لبسته حفاضه وغيرتله ملابسه وكل هذا اني خايفه
احس نفسي كلشي ما اعرف اسوي گوه مسيطره عليه ، واخيراً خلصت عزلت الملابس الوصخه على صفحه ، نزلت كلشي بأرضيه السياره ، مددت رجلي اريد اگمطه حطيته على رجلي وصرت اكمطه خلصت وهيه تبجي جوعانه خليته بالجنطه ماريد اعوده على حضني ، واطيته الممه تشرب ايد شايله الممه وايد اعزل الهوسه السويته زحمه من الرجال
شويه واجه بأيده صينية كلاصين چاي وماعون كيمر عرب وصمونتين حطه بالمكان اليصير يم السايق مدري شسمه بس يحطون بي اشيائهم
وأشرلي أكـُل ويا
ملاك: زحمتك .
- لا ولو تدللين ، يلا اكلي اكلي وراج رضاعه .
ملاك: باوعت لسُكينه ، وكلت بتعب خطيه ما تهنت بحياته من اول يوم جبته أفتريت بيه بالشوارع ،
باوعلي وكال
- چا شوكت جبتيه ؟
باوعت عليه وكلت
ملاك : قبل يومين .
فتح عينه بتعجب
- لا ولله .
ملاك: من صدمة الحقيقه جَبته .
- الله اكبر لا حول ولا قوة الا بالله، اكلي اكلي
الله موجود .
مديت ايدي اخذت كلاص الجاي وصرنه ناكل سوه
من خلصنه اخذ الصينيه ونزل متوجه لنفس المكان
من رجع صعد ديشغل السياره كلتله
ملاك: اكُـلك، رفع عيونه يباوعلي من الجامه رافع تك حاجب .
ملاك: أحنه وين رايحين؟؟
- لديرتي بالبصـره .
فتحت عيوني بصدمه
- بالبصره .
YOU ARE READING
إجرام أمنية النجاة
Mystery / Thrillerذئب متوحش وشابـةً حسناء صغيره ، ليجمع القدر بينهم بظروف مختلفه تماماً، لتكون نفوسهم مرتبطاً معاً فلا يستطيع أحد ان يعيش دون آلاخـر!!
