بعد ساعات أنفتح الباب، دخل مارفعت راسي ولا شي ولا حجيت كلمة نفس ماطلعت، دخل للحمام وطلع طفى گلوب الغرفة راح تمدد، كمت على كيفي، طفر حيل سحبني من صدر الدشداشه انشكت كعدني بحضنه همس..
- احجيي
التزمت بالصمت، مشت اديه لوجهي..
- احجي ليار
- متردين بنتج؟.
دفعني للجرباية، سحب الغطى غطاني وايده التفت لبطني، اشم ريحته وريحة الجكاير، ضل يتنفس بوجهي،..
- زهور يم ام عدي
- أيهاب
- شكو؟.
- متندمة رجعتلك
- حقج حتى تبقين تكـ* براحتج ويه أبن عمج.
- أني خاينة أكتلني يلا
- مرت عمج شعدها وياج وتبليج هيج؟
- ناس متخاف الله تصدك بيهم وتجذبني اني الي نسيت شسويت بيه ورجعتلك ولا يوم علمت علي يكرهك دوم اذكره بيك وانته تجازيني وتتهمني بالخيانة.
ضليت ساكته، باسني براسي، مستحيييل هوه مو يعتبرني خاينة المن يبوس؟، المن حاضني، مستحيل لو مصدك بأنو أني خاينته جان هسة يمكن گتلني أيهاب واعرفه، بس شنـٰو اليريد يوصله؟.
- مرتضى شسويتله
- بالتعذيب
غمضت عيوني أصبر روحي شسوي مادري، حسيت هاي خطة منه حتى يلزم لزمة على مرتضى، لازم اتواصل ويه مرت عمي واعرف السالفة..
- أيهاب اكدر اجيب علي يمي
هز راسه، كمت منه رحت دكيت باب زهراء، محد جاوب فتحته لكيت زهراء نايمة وعلي بضهرها وحسن حاضنته..
اخذت علي وطلعت، خليته يم أيهاب، ونزلت اشوف مهاوي، سمعت أصوات، جانت اشبه بصوت رجال بس الصوت يجي ويروح..
نغزني كلبي، بس أني مهاوي اخليها يم ام عدي، رحت امشي لغرفة الحجية فتحت الباب بسرعة طفرت بوجهي مهى فزت باوعتلها شعرها مخربط وضعها ماعجبني وعيونها تروح وتجي، شفت الخوف بعيونها، كامت من وكفت دشداشتها نزلت يعني جانت مرفوعه خفت من هاي السالفة..
اجت يمي لفت اديها على أكتافي، باوعت لفراشها يمها مخده ثانية، هزيتها من اكتافها..
- أحجييي منو جان هنااا
هزت راسها بـ ماكو..
- احجيلي حبيبتي كليلي والله اذا هذا فاروق ديسوي هيج بيج أكتلة كليلي ليش تضمين عني
هزت راسها بـ لاا..
- تمام، وييين أم عدي؟.
أشرتلي مادري، طلعت ادور عليها شفت ام عدي بالأستقبال وزهور على رجليها تنوم بيها،
- خالة كومي نامي
هية فزت بوجهي..
- يمة خرعتيني
- كومي خالة سودة عليه تعبتج
- لا يمة بس خطية زهورة ممتونة وجابها ألي ابو علي
هزيت راسي بـ أي، سحبتها لحضني بستها، تتنفس بوجهي بستها بخدودها، كامت ام عدي يم مهى اتطمنت، درت وجهي طلع من الحمام الحقير بدون فانيله درت وجهي كال..
بارت 44 + النهايه
Start from the beginning
