احبيني أن تجرأتِ

بارت 40

#احبيني أن تجرأتِ

#الكاتبة رسل

#البارت الـ 40 ..

، ، ، ، ، ، ، ، ، ، ، ، ، ، ، ، ، ، ، ،

حسيت ملتمين عليه فتحت عيوني شفته أيهاب حاضني دفعته وكمت..

- يمة حبابة خل نرجع ماريد أضل

باوعلي راح كعد على القنفه..
- ماكو رجعة للبصرة لحد ما أعقد عليها

- أعقد وحطها ببيت وحدها مو يمي خوووش

كامت الحجية اجت يمي همست..
- يريد يقهرج مايسويهة

- يمة هوه سوه كلشي بقت على هاي والله ما أهتم ولا أريده

أيهاب :- أي بس علي ماتربيه ﭑنتي

ام ايهاب :- شو أنته مدري شلون تحجي؟، الفرخ يبقى يم امه لا أنته تبعده عنهة ولا غيرك

أيهاب :- والتقرير؟
- نكعه وأشرب مايه

- سولفيها لخوالج حجية

ليار :- أيهاب طلقة براسك وأرتاح والله وأخلص الناس منك وأخذ أبني وأعيش وياه

- خيالج واسع بابا

ام ايهاب :- رجعنه وأنته ضل حتى لو تتزوج عمك هم عادي مالنه شغل بيك بس رجعنه

طلع تلفونه من جيبه..
- تمام رجعوا بس علي يبقى ويه أمه

باوعت لمروه نزلوا دموعي رحت يمه همست..
- أيهاب أني امه مو هية أني

- ـلا لياري هية أمه

- أنته مخبل والله لازم تتعالج والله

- يلا ولي روحي رجعي للبصرة

- وأبني أبقية يمك أنته؟

- أني ابوه وهذيج أمه

- أني امه وانته لا شيء لأن من يكبر راح يدري بعمايلك
- أي بله شتكليله أبوك اتزوج

- ياريت بس على الزواج ياريت

- بت الخرة شمسويلج قابل نـ* ابوج

ضليت ساكتة وعيوني تباوعله أخذت علي ورحت للغرفة صفنت على حضي لحكتني ريام والحجية وزهراء ومهى والحجية تصبر بية وزهراء ساكتة..

ريام :- يمة خلي نرجع

- لمن غراضجن

- وأبو علي

- كل هاي السنوات ساكتة بس كافي مليت

البنات لموا الغراض دألبس عباتي واطلع صار بوجهي..

- روحي ويِن ماتردين بس علي يبقى

- متعوفنييي مو تريد تتزوج خلاااص اتزوج

- أني كايلج رايدج؟، كتلج ولي وروحي بس علي يبقى

ام أيهاب :- شنييي علي يبقى شو ماتعرف تحجييي أبنها هذاااا ماتتحرك وابنها موجود هنانة