#احبيني أن تجرأتِ
#الكاتبة رسل
#البارت السابع عشر
، ، ، ، ، ، ، ، ، ، ، ، ، ، ، ، ، ، ، ،
ريام ..
اسلوب ليار ويانه وغلطها ع ابو علي كرهني بيهة مو كرهته وانما شلت بكلبي .
لليل كاعدين دخل ابو علي .. صاحته امي
- خير حجيه
ام ايهاب :- انته تالي عمر تزوجتلك زعطوطه لسانها شطوله وفوكها تتبله عليك
ايهاب :- احجي من الاخير خييير ؟
ام ايهاب :- الحيوانه هاي التتسمه ليار الله يكرفها ، تكول عنك مو زلمه وخاطفها وعود نايم وياها غصب
ايهاب :- اي شكو بيهة ؟
ام ايهاب :- يمه شو بس وياها ۿِيج متهاون ؟
ريام ..
اباوع لأبو علي گب ناار بس ميحب يبين النه .. ماخذ الأمور بهداوه بس من توصل حدها بعد منعرفه .
ام ايهاب :- جا عادي تكول نايم وياها غصب
عض شفته..
- حجيه دخيل الكعبه دكافي شهرتينه نايم ونايم، قابل كحـ* ونايم وياها هيه مرتي حلالي
ام ايهاب :- يا يمه عبيب شبيك
ايهاب :- اااه جنبيتج ام العيب توج نايم ونايم
فر سويجه على ايده ومشه ركضتله..
- خويه ماكالت ۿِيج خطيه علكيفك وياهاَ
- هيه كايلتلج من قبل ها
- شنو؟.
- كايلتلج خطفني؟.
- لاا لاا يمته خويه ماكالت
بلسويج ضل يضرب بصدري بخفة ويكول..
- كلشي ولا الجذب ريام!، تعرفيني من تطك براسي
- خويه كالت بس خطفني وسكتت ماحجت شي وداعت جهاليِ
- اي حضري روحج بعد ماتشوفيها مو أمان
راد يصعد الدرج لزمت ايده..
- خويه خطيه والله تكسر خاطري ليش ۿِيج وياها
ندار عليه ..
- سامعه بهذا المثل!
- شنو
- اليجي من أيده الله يزيده؟.
- بس
- لا تضلين تبسبسين عليه، روحي لازمهة بلكوه شعره وحده واتخبل
ريام ..
شفته صعد وبس الصيااح نسمع ..
ضليت واكفه وكلبي يدك قوي صاحتني امي نزلت حضرت فراشها ونومت الجهال وبالي كله يمها..
……………
ليار ..
طلع راسي من الباينو خليت اديه عليه .. حجيت بلهثه ..
- شمسويه ونبي حموت وخر
همس بذاني ..
-وتسألين شمسويه؟ .
غط راسي مرة الثانيه حسيت طلعت روحي طلع راسي همس..
- اله اضوكچ المر صبري.
