احبيني أن تجرأتِ

بارت 39

- لتخافين أبنج مابي شي، انصدمنة والله السيارة مجعوصة جعص وبس أبو علي متأذي وحالته خطرة بسَہ علي ماشا ءلله ولا شخط

ضليت أبتسم كتلها..
- ويِنہ اخذتوه

- يم عمامهم بقى

- جيبووووه ولج رياااام شبييج تغيرتي

ضلت ساكتة سحبت مهى وصعدت فوك بدلت باوعت للمكص على الميز سحبت نفس باوعت لشعري واصل لكتافي ..

كصصته واني اباوع لنفسي، اذا ما اخبلك يا أيهاب يا نذل، صار نفس الولد حكيت عيني دخلت شعره بيها رحت كعدت على الجربايه ومهى صافنة علية مبتسمه جنها انعجبت بشعري..

اجت نامت حضنتني، ضليت ساكته وأفكر بأبني لكمة ما أكلت جعت ومتت جوع بسَہ ما أكلت..

أيهاب معقولة اندعم معقولة يموت ۿِيج ربي استجاب دعائي، حسيت بذنب وخفت من الله، سحبت نفس هدئت روحي..
اسبوعين كاملات أيهاب مموجود وريام والحجية دوم بالمستشفى قليل يجون للبيت والله ينطي زهراء هية تسويلنه أكل وتعتني بجهال ريام وبمهى..

أني حالتي بالضيم أبني بعيد عني ومادري منو اليعتني بي منو اليوكله هم يبجي عليه، كلبي مثل الجمرة وشكد ماكول واحجي محد راح يفهمني أو يحس بشعوري..

اتذكره واتذكر كلماته، اما..
تعبت طاقتي خلصت لكن أرجع اوكف على رجليه وعندي أمل اتخلص منه ومن عائلته..

بقيت ألم فلس على فلس واحطهم جوه ملابسي وحتى فكرت بذهبي كله أبيعة..

سمعت هوسة وصياح، حطيت شال على ࢪاسي نزلت ثلاث بايات باوعتلهم متجعين وأيهاب كاعد على القنفة شكد ماوصف حالته يبقى قليل متغيير ضعفان وراسه ملفوف اديه ملفوفات بالمختصر كلشي بجسمه لافيه..

نزلت باوعتله أبتسملي همست..
- الحمدلله على السلامة

أشرلي بأيده اروح، زياد طلع والحجية كعدت بلأرض والبنات راحن للمطبخ، رحتله سحبني من أيدي كعدت يمه أشرلي أتقرب، تقربت حضني بخفة وراسه بركبتي غمضت عيوني همست..
- حبيبي سلامتك

باوعلي أبتسملي كال بصدمة..
- لياري

- ها ﮼حبيبي

- شصار؟، أني تخبلت لو أنتي

لفيت اديه على ضهره..
- لا بسَہ أحبك

ضل حاضني همس..
- مشتاقلج، ليش ماجيتني

- جنت مريضة

- شنـٰو بيج بنيتي

- فلاونزة

- شربتي علاج

- لا طبت بدون علاج

- تردين أبنج
سحبت شالي على اكتافي ضل يباوع لشعري..
- شسويتي بشعرج؟

- ماعجبك؟

- ليااااار

- على كيفك لا تموت