احبيني أن تجرأتِ

بارت 32

- وين وديته

- انتي مو مال تربين ليار بعدج

- راح أتسودن أيهااااااااب حرراااام عليييك

- بابا غير كلة علمودج لتخلين الطفل يكرهج تصرفاتج مو حلوة

- شبيهن تصرفاتي شمسوية أني

- مثل المخبلة

- صدك تحجي مابية شي والله

- باجر الصبح نروح للدكتورة أحسن

- دكتورة شنو مابية شي

- دكتورة نفسانية

بلعت ريكي..
- لاااااا لااااااا

تقرب يمي نزلو دموعي حط أيده على دفعتها وبجيت كلتلة بحركة كلب..
- ـلاا أيهااااب راح تسودني والله مابية شيييي ونبي وروح امييي عليييك الله حبااااااب بجاه ألامام عليييييي
- - يـَروحي أنتي ليش خايفة باجر أخذج وأفرج ونجيب علاوي ويانة

بللت شفايفي كلتله..
- ليش تخبلني ليش تضحكهم علية مابية شي أني!.

- عبالي بكلبك رحمة ولو شويه بس ياريت الكلب حجرة جا ماحنيتلهم، شلكيت وياك غير الظيم والحسرة، شفت الألم والقهرة عساك بحضك وبختك روح أيهاب مسلمتك بيد ابو اليتامة ميقصر ومايردني..

ضل صافن بعيوني بلع ريكة مسح وجهة بثنين أديه رفع أيده يريد يحركها ماتحركت أستغفر الله ورجع ناام، كلتلة..

- ربي يشوفك أيهاب، أحس كل ماتحرمني من علي كل مايزييد حسابك عند رب العالمين، اذا ماكتبلي الله العمر واشوفك محتار وحزين فـ كاتبلي بالأخرة وحتى لو اخذت أبني مني بلأخرة يمي واضمة بحضني وانتي بجهنم واني حاضنتة لعلي.

ضل ساكت ويبلع بريكة، تمددت على القنفة، والله مهاوي أخذلج حقج والله اخلييييه فاروق يتختخ بالسجن يامهاوي عمت عيني علييج استغلج لأن متحجين لو لأن ماعندج اهل اوف بس الصبر يا الله تعلم بحالي انتة ماراح أضعف واريد أخذ حقي بأيدي وبعدين أفتخر بنفسي..

نمت واني أعصر بالكبوس فزيت كل قوتي شفت أيهاب ماكو كمت ركض نزلت صارت بوجهي مهى وجهه ليمونة وعيونهاا حمر طلع وراها فاروق هية حضنتني وبجت انصدمت شبيهاا باوعت لفاروق عدل شعره وطلع ..
سحبت مهى على صفحة أشرتلي أغتصبها ..
ضليت أفتح بعيوني وأسدهم..

دخل أيهاب باوعلي سحب مهى من ايدها للديوانية ردت اروح وياهم كال..
- أبقي ليااار خل احجي وياهاا

- أيهاااااب والله لو تخوفهااا

- ترة العب النعال على راسج حيوانة

دخل للديوانية وسدو الباب، كعدت على القنفة كعد كبالها ورث جكارته كال بهدوء

- شسوالج فاروق؟

ضلت تبلع بريكها كال وهوه يطلع الدخان من حلكة..
- شوفي بوية لتخافين خوش!، مايكدر يسويلج شي، شايفة هذا سلاحي