احبيني أن تجرأتِ

بارت 26

- طلع مني؟.

أشرلي براسه كلتله واني أعكد حواجبي بألم..
- حباب اخذني منا لعبت روحي

باسني بكصتي..
- رايحين بنيتيِ

طب السيد وابنه گايده من ايده..
كعد كال..
- ما تستاهلها انتة

- شني؟.

- ماكو شخص عاقل ياخذ مرته لبيوت مهدمة ويخليها ويه الشياطين

- شكد تطلب؟.

- ما اطلب انة من اهل الله، بس عقابك كلش چبير بعدين تطيح على وجهك وتذكر كلامي
- شرايد هسة انتة؟.

- اخذها وحافض عليها بعدهة صغيره كلبي حاسني، خاف الله بيهه وراك موت وگبر وحساب اكعد ويه نفسك وطلع هاي البنية من عيشتكَ

كام أيهاب رفع شعره بأيده عض شفته طلعت غمازته يهدي بروحه، سحبني من أيدي طلع من جيبه مية ألف خلاهن بأيده كله..
- ماريد الفلوس، يروح فلس يجي فلس بس هذا عملي بعدين اواجه الله بي انته بيمن تواجهه

شمر الفلوس بوجهه خطيه طك عيون السيد بلفلوس سحبني من أيدي دخت لزمت أيده مخلاني أحجي شالني صعدنه بالسيارة باوعلي..
- هسة شلونج؟

- أحسن

تمنيت اشوف منضري وهما يطيبوني ضليت صافنة باوعتله..
- ليش مصورتني اريد اشوف روحي

- لو تشوفين شصار بيج ترحين تكتلين روحج

- ليش

- بابا شي موزين مو حلوَ وجهج أنكلب صوتج تغير
- وانتة بقيت يمي

- يمج وحاضنج ماعفتج
- ليش الواحد يكدر يعوف بنيته؟.
- حاطج على كلبي تضربين تخرمشين وماتاركتج.

بجيت..
- حباب اني تعبانة خل نعوف الماضي كافي والله احس حموت عن قريب

- خلاص سكتي محلولة

- بعد متاخذني للبيوت؟.

- ههههههه التوبة وحك الله، بعد رجلج ماتطخ هيح أماكن
- بس العقل بويييية العقل من اعصب ماعرفج

- أي عفية صير حباب

ضربني بخفة على فخذي..
- سمعاً وطاعاً ماما ليارة

- ماما شنو

- ۿِيج ماماتي

ضل يضحك وهوه يسوق وغمازته طلعت، رجعلي الكشن كلي..
- نامي بابا أرتاحي شصار بيج
- عفية خلنروح لكربلاء، امنيتي اروح

- تعبتي هواي خليهه الأسبوع الجاي نروح كلنه

- والله؟.

- وداعت عيونج

مديت جسمي غمضت عيوني مدلي أيده حطها على كصتي ..
- عبالي مرضتي يـَروحي

سكتت كال..
- شتردين أجيبلج