احبيني أن تجرأتِ

بارت 24

- عمو طاح

- عمو منو

- أيهاب

نفتح الباب ماحسيت غير نزل راسه كال بصياح..
- صييييري ورة الباب
صرت وره الباب وهوه صعد فوك باوعت الباب مفتوح والحرس من بعيد كاعدين بين الزرع ويسولفون،

باوعت للحجية فزت هيه وريام رحت يمهم أرجف، كالت الحجية ..
- شبيج يمة شنو هلصياح

- عمو عمو طاح

- ياااا اسم الله ولييييدي شبي

كعدت ريام تجر بحجابها زهراء نايمة عليه ماوخرت دفعتها وكالت..
- وسم جلبتي بشيلتي امداج
- نوب ماتندفع برميل

ريام :- زياد صعدله؟

ليار :- أي

ريام :- ضلو ضلو ابو علي مايقبل

ليار :- بس دم دم

ريام :- شنوو لياررررر

- أيهاب شاخطته طلقة

كعدت على حيلها ام أيهاب دكت على رجليها رادت تصعد ماكدرت صاحت...
- ولك زيااااااااااد شصارر
صاح زياد..
- ماكو شي يمة شغله بسيطه ابو علي تعبان وفقد الوعي

- نزله نزله خل ناخذه للمستشفه

زياد :- ـلا مايحتاج حجية

ريام لزمت ايدي..
- شسويتي ليار شسويتي

- ماسويت والله العظيم هوه طاح من وحده

- منين الدم

- طلقة شاخطته والنبي

- اخوييي يمة

ركضت فوك واني اخذت حجاب زهراء من راسها وهية نايمة وحجت مبين نومها ثكيل احتركنه وهيه ماكاعدة..
- ليار العصعص.

استغليت الفرصة كفختها على راسها عكدت حواجبها بألم، جريت شعرها وركضت فوك..
شفته خالينه على الجرباية باوعلي زياد خزرني اجه يمي..

- لييش كلتي لأهله طلقة شاخطته بعد مايفكج

ريام :- اهله ومن حقنه نعرف، وترة الموضوع انكشف اخوي يشتغل وية الأحزاب ها؟
- ـلا ام احمد يا احزاب صلي على محمد شهلحجي

كلتلهم..
- متكعدون فاروق؟

ريام طلعت كعدت فاروق كعد عين مفتوحة وعين مسدودة باوعلي كال لزياد..
- أطلع زياد، متشوف النسوان واكفة

- خوية والله مادري شصارلي ركضت بدون وعي

- اطلع اطلع

طلع كال فاروق..
- وانتن هم طلعن

طلعنه اني وريام هوه سد الباب وقفله ماعرف شيسوي كالت ريام..

- دوم ۿِيج اخواني دوم غامضين ومايحجون

باوعتلي كالت وهية تلزم أيدي..
- شبيج ترجفين؟.

- مابية

- جا شبيج خية منو يمج
- خاف يموت