*بجانب ابرار*
مرة زي شهر م̷ـــِْن ما المدرسة فتحت، وطبعا البناية ديك كملوها و طلعت سوبر ماركت كبييييييير ، هو بصراحة م شبهنا ولا شبه حلتنا لَـگِنْ تغيير رهيب كلو كلو حسيت حلتنا دى بقت زى المهندسين مهندسين 🐸♥️ وبخصوص انى عاوزة اعرف الشغال فى السوبر ماركت دا ياهو الود المزة داك ولا واحد تاني 😂🙈
المهم يوم الجمعة كدة وقت الضهر الشمس كانت حاااارة وملل فظيع قلت الاحسن استحم واسوق معاي مودة نمش للسوبر ماركت دا🌚♥️ اها مشيت استحميت ولبست توب امى لونو اصفر فِيَھ صفقات شجر بنية توب حلااتو كدة.،🌚♥️ وعندى روج عبد الواحد لونو شنو زاتو م مفهوم كبدي على لحمى كدة اللهم دخلت اصبعي الصغير جوا عسي ولعل انى اشيل منو الحاجة التصبغ لي شلاليفي دى🌚💔، اهاا عملتو وشلت جل اخوى وكبيتو كلو فى شعري جلبطتو تمااااام لمن حسيت راسي بقا تقيل وبعدا م̷ـــِْن قدام حالف الا يطير م عندو حسنة كلو كلو 🐸💔 اها مشيت شفت نفسي فى المرايا منظري كان عامل زى الخلاعة 🌚💔 بي طرف التوب مسحت الروج وشلت لي قلوس وعملتو فى شلاليفي🐸 ومشيت للصالة لقيتهم كلهم قاعدين وبيتفرجو فى التلفزيون، ، قلت لحبوبة اححححم رايك فينى بالله م بقيت عروس؟😌
قالت لي: مالك قال بقيتى ضعيفووونى كدى؟ ما قال بتاكلي؟؟
امى قالت: والله ي يمة غلبنى الاسوي ليها. م بتاكل نهائي شوفيها بقت زرقا وشينا كيف
مديت بوزى نظام زعلت ، مصعب تم الناقصة وقال : قشي زيت الملاح دا م̷ـــِْن خشمك شين شنا
م̷ـــِْن الزعل لبست لي اى نعال م̷ـــِْن بلد ومشيت لمودة وفرغت غضبي كلو فى الباب 🐸💔💔🔪
مودة فتحت الباب ومن شعرها الطاير وريالتها المتصبغة فى وشها دا عرفت انها كانت نايمة😂🐸💔 قالت لي: يا طييير ياا بجم الباب دا لْـۆ دقيتيه براحة مالو شغلتك زاتو
قلت ليها سيبك م̷ـــِْن الكلام الكتير والفحي توبك وارحكى معاي للسوبر ماركت الجديد دا
عاينت فينى باخر نفس وقفلت الباب فى وشي ومشت، قلت ليها بصوت عالي:حاشتري اندومى ان كنتى عاوزة تاكلى معاي تع،، م كملت جملتى لقيتها واقفة جنبي ولافحة ليها توب كيفن كيفن 🌚💔 قالت لي:مادام الموضوع فِيَھ اندومى ارحكى توالي يا صحيبتى🐸♥️ قلت ليها: مصلحنجية خلاس🌚💔 ارح ارح م نتاخر
_____🔐🖤_________🔐🖤____🔐🖤
يتبع....
