الموووهم خشيت الفصل ولقيتهم معلقين جدول الحصص فى الباب،، لقيت انو عندنا الحصة السادسة انجليزي فرررحت فرحة ي نااااس😍 بس فرحتي م تمت لانو الحصة السابعة كيميا🌚💔💔 الموووهم نقلت جدول الحصص بورا كراسي و بدت الحصص،،، حصة ورا حصة لعند ما جات الحصة السادسة يلى كلنا كنا منتظرنها بفارغ الصبر🐸🔥 قبل ما الاستاز يجي الفصل كان جايط شديد،، بيجاي اتنين بيردحن فى بعض وبهناك بنات واقعات فى الارض بيتشاكلن ويمعطن فى شعيرات بعض،، (انا دي غايتو لْـۆ كنت معاهم فضيحة ساي، شعر اليسلو لي ويجرو لي مافي كلو كلو 🌚💔)

وبهناك فلانة بتلوك فى اللبان وبتتشارك ضحكات الرقاصات مع زميلتها🐸. وبهناك فلانة عاملة فيها نضيفة وحريفة خاتة المعقم فى الكنبة وماسكة المنديل المعطر بتسمح بيه يدينها وبتعاين للفصل بقرف، وبهناك فلانة البيبي هير دا ملحساه لعند حواجبينها ومركبة سماعات وشغالة بتلفونها وبهناك البنات العاملات فيها مجتهدات وبيراجعن لبعض وبيجاي شلة متلمة وبتتونس بكواريك🐸
شميت لي ريحت عطر رجالية طول ركبت فوق الكنبة وقلت ليهم:اوووستااز سام جاااا وقفو هرجة( اتقول صوت ضابط بيرص فى عساكرو م صوت بت بتكلم بنات فصل 🐸💔) فعلا ما هى الا دقيقة واستاز سام فتح الباب ودخل.🌚💕(قولو ماشاء الله م تسحرو لي حاسة الشم العندي🌞)
المووهم سلم علينا بابتسامة وثقة ووش بشوش احيي كل بنات الفصل انبرشو فيهو😒 اكان عليا اشيلو وادخلو فى صندوق واقفلو بي مفتاح ويبقى لي انا بس😍 المهم بقا يعرفنا على نفسو وقال لينا انو هو خريج السنة الفاتت وكان قاري لغات ودى اول مرة يدرس فى مدرسة لانو زمان كان بيعمل حصص فى اليوتيوب ويقري انولاين المووهم بعد ما كمل م̷ـــِْن تعريف نفسو اتكل على الطاولة وربّع يدينو و عضلاتو ظهرت😍 احيي مصاريني🌚♥️♥️ وقال لينا الًيوم بما انو اول يوم فما حاديكم حصة عاوز اتعرف عليكم المهم بقو.بالدور اى واحدة تقوم وتعرف نفسها وتقوم البعدها، لعند ما جا دوري وانا كنت متكية بكوعينى فى الكنبة وخاتة يدينى على خدودى وسرحانة فيهو 😂🐸♥️ دعاء كانت قاعدة جنبي لكزتنى وقالت لي دورك عرفي على نفسك. استاز سام ضحك بخفة وعاين لي ابتسم وقال : انتى م محتاجة تعرفي على نفسك لاننا سبقا واتعرفنا ولا كيف😂؟
ضحكت بخجل وقلت ليه فعلا😂🌚♥️ وطبعا بنات الفصل الغيرة كانت حتقتلهم، المهم بعد م انتهينا م̷ـــِْن التعريف بقا يدينا نصايح عن القراية والمثابرة وما ادراك وانا بس بعاين ليهو وكل ما عينو تجى على عينى ببتسم ليهو وبعمل فيها روحي خجلانة وحركات البنات دي وهو بيعمل فيها م ملاحظ الكلب يصبر لي 🌚💕
بعد مدة الجرس رن. وتتت الحصة انتهت 🥺💔💔 قلت بصوت عالي بدون م اركز: لااااع هي متين بدت!!
بنات الفصل بقو يضحكو فينى استاز سام زاتو ضحك لَـگِنْ م عَلـــَّق شال شنطتو وشال قَلــبي معاهو ومشا النجس الكلب عامل فيها م مركز لحركاتى😂😍♥️
المهم شوية كدة والاستازة الفقر دى جات يلا مش الناس بتخش م̷ـــِْن الباب برجلينها؟ يلا استازتنا دي بتخش ببطنها وحات اللّه يوم التجى بتخلعنا خلعة 😂🐸💔💔 بتحب الازعاج حب شديد يعنى لو قدامها طريق فيهو درج وطريق فاضي حتمشي بالطريق الفيهو درج تدفرو كرررج كجججج وتمشي الله يازاها ياخ🐸💔💔
المهم بدت الحصة وبدا الكلام الكتير ويا استازة اشرحي الحتة دى ويا استازة انا م فاهمة ياخ كلامهم كتير جانى وجع راس م̷ـــِْن نقتهم دي.🙂🔪 لعند ما خلصنا شرح بدينا فى الكتابة وهي بالقطية العاملاها فى راسها دا بتخلي الناس يكتبو؟ ياخ راسها دا مالي السبورة كلها، ومع السخانة واصوات البنات ووجع الراس فاض بي وقلت ليها: يا استازة ممكن تزحي راسك دا🐸
البنات بقو يكتمو فى الضحكة باليلا ويمين ولحسن الحظ انها م ركزت معاي والا الوقت دا كان بكف واحد م̷ـــِْن يدها السجقية(اى والله يدها سجقية وما تسالونى كيف.🌚) كان حتوصلني لحدود تشاد لَـگِنْ اللّـه ستر🐸👋
_____🔐🖤_________🔐🖤____🔐🖤
يتبعع...
