ضحية عنيد ♡

الجزء السابع والتامن 💕

داوود اخد ابنه ودفنه في سينا من غير عزا من غير ما ينزل دمعه واحده من عنيه ولكن كان بيفضل جنب تربته بالايام ما بيتحركش

ابو فراج : ايه الاخبار
الراجل اللي بيوصله الاخبار : والله يا ابو فراج انت دماغك سم .. داوود اللي الكل كان بيحلف بيه بقي في دنيا تانيه خالص مبقاش هو داوود اللي الناس تعرفه بقي اللي يشوفه يصعب عليه ..
لا وكمان الظباط كلهم اللي تحتيه بقوا خايفين جداا منك لا تعمل في أهلهم اللي عملته في يونس ابن داوود

ابو فراج : انا كان ممكن انشن علي داوود وياخد رصاصه ويروح فيها بس ساعتها الظباط اللي معاه هيعملوا بطل وكل واحد فيهم يقولك ياريت ابقي زيه وانول الشهاده الناس دي ما بتخافش علي نفسها لكن يخافوا علي أهلهم عشان كده انا اتعمدت اموت ابنه عشان كل واحد فيهم لو فكر يعمل حاجه ويقف قدامي يحط ابنه قدام عنيه الاول

الراجل اللي معاه : مش قولتلك دماغك دي ايييييه الماااظ يا ابو فراج
بقلمي مآآهي آآحمد
ابو فراج : طيب اسمعني كويس عايزك تعرفلي اخبار داوود أول بأول بيعمل ايه بيروح فين بيكلم مين لو حكمت تعرفلي بيدخل الحمام أمتي تقولي انت فاهم
الراجل اللي معاه: وليه مهتم بيه اوي كده يا ابو فراج داوود خلاص انتهي
ابو فراج : اللي زي داوود ده مش هيسكت الا لما ينتقم ولو فاق من اللي هو فيه محدش هيقدر عليه ولازم نبقي مستعدين لي في اي لحظه
الراجل اللي معاه : انت تؤمر يا ابو فراج

داوود وقتها زي ما يكون حد جايب سكينه ودبحه بيها مكانش بيتكلم مع حد ولا بيشوف حد القائد بتاعه اداله اجازه عشان يقدر يستجمع قوته ويرجع يقف علي رجليه من تاني

بقلمي مآآهي آآحمد

داوود رجع بيته فعلا ولقي داليدا في البيت مستنياه

داوود : انتي بتعملي ايه هنا
بثينه : سيبها دلوقتي ياداوود بلاش تيجوا علي بعض في اكتر وقت انتوا محتاجين بعض فيه

داوود : اسكتي انتي خالص يابثينه
داوود : ( بص لداليدا ومسكها من دراعها وقلها  ) بقولك بتعملي ايه هنا ؟
داوود : أنا .. انا .. عارفه اني غلطت بس .. انا مكنتش اعرف ان كل ده هيحصل

داليدا كانت بتعيط ومن كتر عياطها مكنتش قادره تاخد نفسها

داوود صوته كان مسمع الفيلا كلها .. الخدامين والعساكر كلهم كانوا سامعين اللي بيحصل

داوود : انتي السبب في موت يونس انتي اللي قتلتيه مش ابو فراج
داليدا : وليه ماتقولش أن انت اللي قتلته بشغلتك دي انت اصلا مكانش ينفع تتجوز ولا تبني بيت وعيله وتخلف ابن يهددوك بيه كل شويه بالقتل انت ما ينفعش يبقي في حد غالي عليك عشان انت لازم تعيش لوحدك وتموت لوحدك
بقلمي مآآهي آآحمد
داوود : انتي انانيه حتي غلطك مش عايزه تعترفي بيه

داليدا : انا لو كنت غلط في يوم فعلط لما اتجوزت واحد زيك ياداوود احنا اصلا علاقتنا كلها غلط من الاول مكانش ينفع نكمل
داوود : قصدك ايه ياداليدا
داليدا : قصدي اني عايزه أطلق ياداوود طلقني انا مش عايزه اعيش معاك