رواية ملكة المالك (متوقفة موقتا )

الفصل العاشر

لو استطعت إعادة أول لقاء جمعني بالبعض , لأبتسمت لهم فقط وأكملت طريقي دون أن ألتفت
(كنا فين الفصل الي فات يا ترى 🤔)
اكيد طبعا انتي مش هتوافقي ليليان انتي مش بتردي ليه
انا موافقة
انتي اتجننتي ازاي توافقي على حاجة زي دي
علشان انا هاخد مقابل
وايه هو يا ترى
هشرط عليهم يرجعولي شركات بابا الله يرحمه
بس
يا ماما دي فرصتي اخد حق بابا أنتي جربتي انك متبقيش قادرة تاخدي حقك علشان مجتلكيش فرصة انا بقى جاتلي الفرصة ليه مستغلهاش
هنا سرحت نهال في الماضي فهي لم تستطع الاخذ بقأرها من قاتل زوجها و لا ضياع ابنتها و اخيرا موت هبة
عندك حق يا ليليان لازم تستغلي الفرصة
خلاص انا بكرة هكلم استاذ حازم
اتكلي على الله بس يا ليليان خدي بالك
حاضر هاخد بالي
عودة إلى خطوبة مراد و هدير
نظف مالك ملابسه المتسخة و غيرت تاليا فستانها بفستان آخر من عند هدير
حصل خير يا جماعة يالا نلبس الدبل كان
هذا صوت مراد وبالفعل بدأ يلبس مراد هدير الشبكة باهظة الثمن و ينظر لها بحب و عشق
أما مالك و تاليا فكانا يتجنبان النظر لبعضهما
قال مراد
عقبالك يا مالك عقبالك يا انسة تاليا
تلقائيا نظر مالك إلى تاليا التى نظرت له في نفس الوقت و تلاقت الاعين و شعر الانتان بنفس الاحساس كهرباء سرت في جسدههما و ابعدا انظارهما فورا
هل يوجد ما يسمى حب من اول نظرة و هل يدومح هذا ما سنعرفه باقي الفصول

اما في منزل عائلة الجارحي

واد يا رائد ما تنادي اخوك يقعد معانا شوية

هيفضل يقول ورايا أمتحانات و لازم اذاكر و أجيب مجموع و ادخل الكلية الي نفسي فيها مع انه بابا كان هيشغله في الشركة معانا بس هو غاوي تعب

في نفس اللحظة نزل ايهم للدور السفلي ليسأل عن بعض الاقلام

لا مش غاوي تعب بس انا عايز ادخل كلية طب بمجهودي مش بالكوسة والواسطة

ههههه ماشي يا بتاع المجهود بكرة نشوف

اما ايهم فتنهد بضيق و صعد الي غرفته مرة أخرى

اما في منزل هدير

انتهى الحفل حاملا ذكريات جميلة و بهجة و سعادة و رحل جميع الحضور تاركين هدير و اسرتها و مراد معا بعد كتب الكتاب والاتفاق على اقامة الزفاف بعد اسبوع خرجت اسرة هدير تاركين هدير و مراد بمفردهما فهما الان زوجان أي لا حاجة لوجودهم معهما

ياه اخيرا بقيتي مراتي

للدرجادي السجادة عجباكي ممكن اجبلك واحدة زيها في هنا

نظرت هدير لمراد باستغراب

نعم

ما هو انتي من ساعة كتب الكتاب وانتي باصة في الارض امال لو مكنتيش لزقالي من واحنا صغيرين

ايه لزقالي دي طيب طلقني بقى

اطلقك ايه بس هو انا لحقت اتجوزك اصلا بقولك ايه ما تجيبي بوسة
نعععععم يا روح امك
فكرة انتي مراتي يعني عادي