على صفنتي وجان جهال عمر العصابه
شگو العلاگه نثروها بالگاع هبطتهم واحجي
_يا دنيين النفس هم الي يشوفكم يگول هذول محسرين على لگمتهم وانتو بلعتو نص ثروة عمر وعثمان
_عوذه نهبوها
مدري شلون حصلتلي نستلايه وجبس
...
دموع :حليت من الدوام
لگيت ابويه بره مرتاج عالسياره يبتسم ويفر بسبحته استغربت البارحه وجهه ما يگصه السيف
وصلت يمه وسلمت _شلونك يابه
نفخ برتياح وحواطني
عساف :نشكر الله ازهي بالنصر
دموع :عساك دوم تزهي بالنصر
ضحك ومسح لحيته دحگت عالبناويت متلمات گباله مثل عادتهن كلهن يغارن عبن ابويه يجي يوميه ياخذني لو الف شغله فوگ راسه
انوب يگولن تبينين اخته مو بنته صرت اكره طولي
من وره هالشغله
صعدنه السياره جان ابويه يسوق ويدندن
اول مره بحياته هيج فرحان ومنطلق
شغل اغنيه جوبي ويغني وياهه
عساف :مثل الرمد بالعين احه عشگ الگصيره
دموع :استغربت وضعه
مبين صاير ويا شي مفرحه بس شنهو
يالله المهم هوه مكيف
شفنه سبع عالشارع وگفله ابويه
وجان يجي فكره اني احدر ويصعد گدام
ظليت معنده ما حدرت
عاد ركب وره مثل الخوش
ضحك ابويه على مناگرتنه
اجا تلفون جاوب وجان يمر عالمعرض ماله
حدرنه كلنه اول مره اشوف مكان شغل ابويه
حلو ونظيف السيارات تبرج
فات ابويه عالمكتب طلع اوراق ومشينه
ركضت گبل سبع صعدت گدام
عيبلي وصعد وره اني ما احب الفيكه بس احب اداهر سبع بكلشي
سبع : يابه هاذ المعرض بس لك
عساف : لا ويايه شريك
سبع : امت تعلمني اشتغل وياك
عساف : من اتعلم تركز بدراستك عود اجيبك يمي
دموع :التفتت اضحك واطم بي
كسول مابي خير سنتين بنفس الصف
جتف ادينه وصد بصفحه يدردم
وصلنه بيتنه ونشوف جدي واگف بالباب
مرتاج عالسياره وعاگد الحواجب
دحگت على ابويه انبهت صد علينه ويسولف
عساف : عود افزعولي خاف يصير جتل
دموع : ليش شمسوي
عساف :ما مسوي شي بس مبين ابويه عاگدها
دموع : گالها وحدر من السياره
يمشي بخوف ويمتمت
عساف : الله حيو ابو النشمي
دموع : قلص عيونه جدي وسالمه بدون ما يحجي
كمش ايده وصد عليه دنگ باسني براسي
وسلم على سبع
صياد : فوتو جوه هسع نجي
دموع : رحت عالبيت فتحت باب السياج
وادحگ على ابويه يبلع بريجه من الخوف
هاذ شمفين يربي وهيج يرجف من جدي
راح سبع عالبيت واني وگفت وره الباب اتصنت
أنت تقرأ
انا العذباء
Actionقصة حقيقه باللهجه العراقيه الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
الفصل 57
ابدأ من البداية
