᷂الباقيات،الصالحات
- ᷂سبحان،الله.
- ᷂الحمدلله.
- ᷂لا،اله،الا،الله.
- ᷂الله،أكبر .
- ᷂لا،حول،ولاقوة،الا،بالله.
ـــــــــــــــــــــــــــــــــــــــــــــــــــــــــــــــ
قيـام الـديـن: خالي الفو يصير ابن رضيعتك سدر
لـُجام: نصدمنه ما توقعت ابد يطلع ابن عمتي سدر اصلا ما خطر عله بالي اباوع عله ابوي كعد ع تخم ومصدوم محجه ابد
مرت شكم دقيقه وابوي كام بسرعه وضل يصيح عليةة
معتصم: اطلع برا اطلع من بيتي يله براا
قيام الدين: كتلك ما أطلع منا اذا مو مرتي وياي
معتصم: حلم ابليس بجنه تنوش اضفر منهه كتلك برا اطلع
لـُجام: حيل انهار ابوي ما اكدر اوصف الي صار ولا احد يتخيله هواي امور وكلام دار ما اكدر احجي
صار مشاده بل كلام بينهم وصلت با ابوي يدفع بي ويضرب يريد بس يطلعة برا البيت عله صوتنه دخلت عمتي للاستقبال تريد تهدئ الوضع هسه انتبهت الشبهه الي بينهم العيون الخشم حاد ملامح عمتي سدر بس عله شكل رجولي وحاده
من دخلت بينهم انسحب قيام الدين ليورا وبقه يباوعلهه وعيونه مغرغره دموع ماحسيت اله وهوه شامر نفسه بحضنهه ويبجي بصوت كسر كلبي وهوه يعاتبه وعمتي متفاجئة
قيام الدين: ولج يمه وينج عني ليش عفتيني يمه انه ابنج باعيلي يمه ابنج وحيدج عاينيلي يمه باعي الوجهي ليش عفتيني يمه
سدر: منو انته
قيام الدين: ولج يمه انه ابنج ما عرفتيني ما رف كلبج عليه شلون عفتيني
لـُجام: ما اعرف شنو اوصف الي مر علينه بهل يوم عمتي الي من سمعت كلامه طاحت علينة ابوي حار بيهه وقيام الدين موضوع ثاني شالهه بدون اي كلام وما انتظر اي احد وطلع يركض بيهه للسياره وابوي لحكة طلعو مستعجيلن ضليت وحدي بل بيت وبقلق وخايفه عله عمتي لا يصير بيهه شي كل هل سنين تتحصر عله شوفت ابنهه وتالي يطلع يندلهه ويعرفهه ما كلف نفسة يجي يشوفهه ويريح كلبهه
ضل بالي يمهم اتصل محد يرد عليةة
اقل الساعة حسيت باب البيت انفتح طلعت عبالي همه طلع اباذر
اباذر: شكو شصاير ليش هيج شكلج وشكو تبجين
لـُجام: عمتي تخربطت
اباذر: شبيهه وينه هسه
لـُجام: اخذهه ابوي للمستشفى
اباذر: بيا مستشفى
لـُجام: ما ادري طلعو مستعجيلن واتصل محد يرد
اتجاهل كلامي وطلع تليفونه واتصل
اباذر: ها يابه وينكم شبيهه عمتي
بيا مستشفى انتو خوش اجايكم.
