- ᷂لآ ᷂آلهَ ᷂الا ᷂الله
- ᷂سبحَان ᷂الله ᷂وَبٓحمده
- ᷂سبحَآن ᷂الله ᷂العظيم
- ᷂استغفرالله ᷂واتوب ᷂إليه
ـــــــــــــــــــــــــــــــــــــــــــــــــــــــــــــــ
مسلم: ها يل حبيب وين مختفي هل ايام
ابو طبره: مشغول مو تدري
مسلم: يخوي ما مليت بعدك تركض ورا هل سالفه
ابو طبره: ما امل لحد ما اعرف الصار كله
مسلم: وشنو ستنتجت خلال هاي الفترا
ابو طبره: كل خير ما بقه شي واعرف الصار كله و اخذ حقي بيدي
مسلم: الله يهونه عليك يخوي
ابو طبره: مشكور حبيبي مسلم
مسلم: ما بينه رسميات ضلعي
يله امشي هسه جدتي تكلب دنيا علينه عرفت بيك راد للديره هسه تلكاه بل باب
ابو طبره: عاد هيه جدتك بس تريدله سويلفه حته تكظ الباب
مسلم: ما جذبت ابن العم
توجهنه للبيت ونفس الروتين كلما يجي قيام الدين للديره هذه ملكه جدتي الهه وما تخلي يطلع من حجرته لحد ما يرد لبغداد
ابو طبره: انه اترخص اروحن اريح شويه تعبان من درب
ترخصت وصعدت سبحت ونمت لليل يلة كعدت فتحت النقال لكيت لــُجام دازه صوتيات سمعتهن وما رديت
لحد الان ما حجتلي معلومه تفيدني وما واصل للصار بذاك الوكت
نزلت جوه لكيتهم كاعدين ترخصت وطلعت افتر بشوارع تكريت مدينتي محل ولادتي ومراهقتي وشبابي
تركتهه حته ارجع حقي النسلب مني وطفولتي النحرمت منهه وحلفت ما اعيش بيهه مرتاح لحد ما ارد وانه ماخذ حكي من كل بني ادم شارك بصار وياي
بعدني بدرب واجاني اتصال من شخص سياره مجهولة داكين بيتهم عرفت من شغل ابوهه لان عداوات هواي ويا حسب ما عرفت اتصلت عليه اكثر من مره ما ردت
غيرت مسار طريقي وتوجهت للعاصمة
حل الفجر يلة. دخلت بغداد مباشره رحت لمنطقتهم هدوئ بس بيتهم مزرف ولباب مكسور
ضليت بسياره انتضر تطلع للجامعة حته اطمن
ـــــــــــــــــــــــــــــــــــــــــــــــــــــــــــــــ
لــُجام: رهبه خوف قلق قامت القيامة خلال هل نص ساعه البيت انكلب رمي تكسير اريد اتحرك ما اكدر
مرت شكم دقيقه ونزلت جوه لاكتني عمتي ع درج
سدر: ولج يمة كلبي عليج خفت حيل عبالي واكفه يم شباج وصارلج شي
