#الدب
بقلم يحيى إدريس
البارت الثامن
لايك قبل ماتقرا تعليق بعد القراءة
وعيت 6 صبح صبيت ف الكوجينه فتحت تلاجه
طلعت 8 دحيات وطماطم وفلفل وثوم وجبنة شرايح حطيت زيت ع نار وقرضت الخضره وخليتهم يتشوحن بعدين قليت دحي وحطيت فوق جبنة شرايح وبعدها سخنت شاهي شفت جو برا سمح ليش ماندير حركات اتراك ونفطر ونصور كي ه العرب شفت طاقم عوايز امي "المواعين "
اللي من اول ماانخلقت ماكلينا ولا شربنا فيهن
قاعدات منظر انضني يهش فيهن العجاج امي مخليتهن ف بوفي منظر وهن موضتهن طاحت من 1900 وبلوكه خذيت طاقم كامل حتى من فنجال شاهي وحطيت تبسي فيه دحي وتبسي فيه زيتون وجبنه ونشوف لأنجازي لنقني فتلاك مفروض نفتح مطعم ونا جاي نطلع من باب كوجينة كان ف درجتين تنزل بيهم للحاجر شفت كلب طبعا نسيت
نقوللكم نخاف من الكلاب وباب كوجينة تصكر عليا
ومن برا مافيش مانيليا يعني ضروري حد يفتحلك من جوا قلبي قعد دوف دوف دق دق ومنصدم
والكلب كان خاش ف بعضه فتح عيونه وبدا يقرب
قصي عليك حظ اسود امشي امشي هو هو
والكلب ينبح معاه ويقرب من قصي
قصي بخوف الله يربحك امشي الله يربحك ويستر عليك
والكلب حشاكم يزيد يعوي ويقرب من سروال قصي
لعند قصي تما يرتعد كله " يرعش " وطيح سفرة ياللي فيها ويتكسر طاقم فتحية العزيزة والكلب ياكل ف الوكال
قصي . شاف لصفره بحزن انعن سم ان شاء الله تعبت روحي عشان تاكل انت ونزلت من دروج مشيت نجري خايف من كلب ومشيت من جهة قداميه شفت خوي عادل طالع لابس متأنق
قصي . انت واعي ونا صكر عليا باب
عادل . شعرفني بيك باب مصكر عليك وكنك ماجيت من هنا
قصي . لقيت كلب من حيوان اللي جابه
عادل . نا ياحيوان هذ يحمي الحوش
قصي . عليبوك ع اساس الحوش فيه حاجه تنسرق تي اللي يخشله يحط 100 جنيه ويطلع زعلان على حالنا
عادل .مش فاضيلك عندي شغل
قصي . باه قتلك وانت جاي جيبلي معاك كريب وبريوش وسنترا
عادل . متبيش كبده ومشروب بالمره
قصي . والله ياريت غير قلت مانبيش نثقل عليك لكن
عادل . اقلب وجهك وطلع
قصي . فقري طول عمرك فقري
خشيت لمربوعه لقيت عيال خواتي خوه على بوه
قصي اندلشت حذاهم ورقدت وعيت ع اصواتهم
يديرو ف اتفاقيات
مجد . نا نا خذ تليفون وانت مفتاح سيارة
جهاد . لكن تخيل وعا
وكمل ابنخيي الذي يصغرهم سنا وقال هذا دب
حتى كان وعا نحنا نجرو مش هيطق فينا ..
جهاد . لا يا شباب هذي فيها مخاطره
شفتو اللي يحكو هذول وهذا يقوللهم يا شباب عارفين كم اعمارهم
مجد 8 سنوات
جهاد 6 سنوات
واخيرا ابنخيي الصغير الذي قال عني دب وطحن خاطري اسمه عبدالمهيمن عمره 4 سنوات
مجد . باه نخلوها بعدين نحطوله منوم ف شاهي ديما يزقح فيه
جهاد . ليش مانحطوله سم ونفتكو منه ونورثو سيارة وتليفون
مجد . لا ياغبي خوته قاعدين بعدين حرام مزال مااجوز وفرح
تبا له رقت عيناي من حنية ابنخيي مجد
مجد . نحطوله منوم يرقد 5 4ولو مات الاعمار بيد الله ونحنا مننحبسوش
جهاد . تمام اتفقنا
نشهد بالله اني خفت منهم هذم اطفال تي هذم شياطين والله شياطين وف الاخير بعد نضربهم
يجن خواتي يقولن ملايكه فرقت حال ملايكه تندب حذاهم تي شيطان واخذ زاويه ف تركينة ويبكي من فعايلهم وعيت من النوم
قصي . صباح الخير
مجد . ابتسم خير
قصي خفت من ابتسامته لكن درت روحي عادي
جهاد . نقوللهم يعطوك فطور
قصي . لا منور نمشي بروحي
صبيت طلعت من حذاهم ونسمع صغيرهم يقول
شكله سمعنا وذانه كبار بعدك اجلو العملية
ضحكت يلعن جد اجلو العملية تما الا تهريب
بعد طلعت من الحمام خشيت لكوجينه لقيت امي تهزب وتخبط
فتحية . طبعا متريحات ونا نعاني ف فروخهن
قصي بتصنع عدم الفهم كنك ياامي
فتحية . فروخ خواتك مكسرينلي عوايزي لجدد خايفه عليهم اللي محرومين منهن اللي ماعمري كليت وشربت فيهن دايرين حاجات فطور ومكسرينهن ف الحاجر ولقيت كلب اخرى تنظر من جايبه ناقصني معاناه وطياح سعد نا
قصي بتصنع كذب . معقول كسرو العوايز اللي من قبل مانجي نا ع دنيا معروضات ف البوفي
فتحية . تهزا تهزا طبعا هذا جبته من ايطاليا ف 93
قصي . واو
فتحية . قهروني فيه
قصي . ياخذ سوك يمي بس من كلب اللي فيهم دارها
فتحية . ماني عارفه كلهم نكرو ويحلفو
قصي . لنقنه لازم يمشو لهلهم اليوم كسرو عوايز
بكرة يعقبو على ذهبك
فتحية . يانعلي زعمك بعد طال تفكيرها بس نا ماعنديش ذهب شن تفترش يااولد
قصي . اللي هو كلام من سياق الحديث
فتحية . اطلع اطلع ديو حاجه على حالك
قصي . ماينفعش فيكم الخير
🍟🍟🍟🍟🍟🍟🍟🍟🍟
روميساء . هههه يحسبني نحبه غبي
صهيب . اشفطي اللي قدامه واللي وراه خليك مستمره
روميساء . بس تخيل لو خطب وصار نصيب جديات
صهيب . ف الف حل تقدري حتى تفسخي
روميساء . صهيب لازم ديرلي حل نحبك نا
صهيب . حتى نا نحبك ياعمري بس لازمنا فلوس
روميساء . حاضر ياقلبي متخممش
صهيب . توا تشاو بنمشي عندي موضوع مهم
روميساء . تمام باي ربي معاك
صهيب . ان شاء الله بعد مصكر مثقل امك
غسان وهو يلف ف طرف الحشيش من هذي
صهيب . ثقيساء
غسان . اسمها روميساء
صهيب . من ثقاله دمها مسميها هك
غسان . عطك الخير
صهيب . لف لف
روميساء مشت لدولاب فتحاته طلعت منه لبسه
جديده ابتسمت وهي تشوفلها رن تليفونها
روميساء . هلا عبوره
عبير . وينك غاطسه
روميساء . قاعده ف ه دنيا
عبير . شن صار معاك مزلتي مع دب
روميساء . مزلت متحمله عشان خاطر صوبي بس
عبير . صهيب لو يحبك صح مستحيل يرضى انك تحكي مع غيره
روميساء . هو مستحق لفلوس
عبير . يشتغل يدبر راسه لكن دام انه مغارش عليك ويعامل فيك معامله هذ دايرك كيف ماانتي دايره لقصي
روميساء . كنك انتي بعدين نا نفرق شن جاب لجاب قصي دب وشين نا سمحه وصهيب يحبني متأكده مليون في الميه انتي غايره مني
عبير . عليش نغار منك عبيطه خلك هك
روميساء . صكرت تليفون عزقاته ع سرير تفلسفي ع راسي
🍟🍟🍟🍟🍟🍟🍟
قصي ناكل ونشوف لعيال خواتي ال 8 كانو ياكلو
ونا مش متريح ابدا عيوني معاهم
عادل . خطرها ياامي ديري مانيليه لباب كوجينة من برا
فتحية عليش وبعدين هذي شوركم انتو
عادل . اليوم عادل صكر عليه باب وهو ف الحاجر
قصي نعض على فمي بمعنى نسكت
فتحية . وشن يدير هو ف الحاجر
عادل . منعرفش المهم زره الكلب بتاعي و
فتحية . قصدك انت اللي كسرت عوايزي
قصي . ابتسمتلها
فتحية فنصت و
للحديث بقية
الاستمرار اضغط لايك وتعليق
