#الدب
بقلم يحيى إدريس
البارت الثاني
وعيت نسمع ف امي تهزب
فتحية نوض ياولد امشي لصلاة جمعة مع خوتك
وانت متمرقد هيا صبي
فتحت عيوني بالغصب ومشيت غسلت وجهي
لقيت مرت خوي احمد
صباح الخير
قصي . خير خير
فتحية . خير شنو توا ظهر
قصي . ياامي طيرتي النيه من فطور بكل
فتحية . احسن بالك تنقص
قصي . مش واكل هي ان شاء الله نموت خذيت طاجين دحي وبراد شاهي وكبايه لمربوعه وسيبتهم
فتحية . يارب صبرني ع العيل
قصي تربعت ف مربوعه نفطر لقيت ابنخييني كلهم يبحتو فيا
قصي . ياامي يامي
فتحية . تندب كنك كنك تعيط فضحتنا بين جيران
قصي . لعيال هذوم فطرو
فتحية . من صبح
قصي . خوذيهم من قدام وجهي
ومزالو يبحتو في
قصي معدلتش ومسحت طاجين وصبيت كبايه شاهي
فتحية . هاك جلابيتك امشي صلي جمعة
قصي . لبستها وطلعت لنقنه حمو ونوو مش وقت نمشي بكل قعدت ف داري كسدت ع نت بعدين سمعت صوت خوتي فتحت باب زرقت راسي ونمشي ع روس صوابعي
فتحية . واخيرا جيت هي بنحط غداء
قصي . حطولنا ف مربوعه
احمد . يرا بلا حركات مرتي كيف اختك نتغدو مع بعضنا
وحطو الغداء وبدينا ناكلو ف صمت تام
فتحية عقبال سنة جاية مرت عادل ومرت وقصي يساعدني ف جمعات
قصي . نا مزال
وصبي بنخيي الحانط خالي قصي يبي بنت اسمها رو
مسكته وحطيت يدي ع فمه اسسسس
عادل ماسك ضحكته بالغصب
وبعد الغداء اتكيت ف مربوعه ورن تليفوني
الو
البنت هاي صيصو
قصي . صيصو من صيصو
البنت . انت صيصو لك وحشه يابيبي
قصي بيبي انتي دمك ثقيل
البنت . قلت حاجه
قصي . لا حتى نا رايفت عليك واجد
البنت . صححح وينك رايح لا تنشد لا شي
قصي بكذب . امي مريضه نعالج فيها مره ف تونس ومره ف مصر
البنت . ياروحي لاباس على عميمه
قصي . عنك ماتراعي باس
البنت . عطيني رقمها نطمن عليها
قصي. لا امي عجوز كبيرة مش بتاع تليفونات
البنت . اها
ونحس ب يد ع ضهري نبرم نلقى امي ماسكه المعصده وتفنص فيا
عزقت تليفون وتشهدت و
للحديث بقية
