#الدب
بقلم يحيى إدريس
البارت 1
اسمي قصي مواليد 2002 نقرا ادارة وتخطيط
مهم ياسيدك بن سيد مشيت لجامعة ونتلاقى
بنبض القلب روميساء بنت جميلة بياض ايش
وطول ايش ورقيقه كي عود المصاصه لكن سمحه
فيها حناطه وتلبس ف ازرق طبعا نا نا نسيب ف
المحاضرات ونبحت فيها ونخش معاها محاضراتها
هي متعلمش عني لكن نعلم عنها كل حاجه كبيرة
وصغيره طلعت وتلاقيت ب الكباني
حمزه . الدب تعال تعال
قصي. جيعان وعطشان ومش وقتك ياحمزه
حمزه . لكن تلحق ف ر من مكان لمكان لا تعطش لا تجوع
قصي . اسكت اسكت اسكت
مروان . قصي قولولنا نكته
قصي . الجو نو مش وقتك
مروان . نكته وحده بس بس
قصي . مره ف جولاطي طاح من فوق سطح شوي قال الحسوني ههههه
حمزه . قويه قويه
مروان . معجبتنيش
قصي . عدي ملح يرا نمشي نروح نا
حمزه . لا وين خليك بعدين نبيك توصلني لحوش
قصي. جيعان
حمزه . هي كافيتيريا وانت ديما همك ف بطنك
مشينا كافيتيريا لقينا روميساء تاكل ف كريب وتشرب ف حاجه بيضه وفوقها رسمه قهوية
ونا نبحت فيها
حمزه . شن تبي
قصي . نبي كيف اللي عند روميساء
حمزه . هذ حلو مش هيشبعك
قصي . نبي نا ايش دخلك انت
خذيت طلب وشفتها شيرتلها شفتها شقلبت عيونها
قلت هذي كنها وجعتني روحي لكن قلت يلا نشرب
وناكل ونعبي بطني بعدين نحزن على كيفي روحت
من جامعة لقيت العزوز دايره مبكبكه ف ه النو
الله يسامحك ياامي مشيت مربوعه ولعت مكيف
ومسكت تليفون حطيت ع تيك توك يجيني مقطع
ونا مواعدك ناكل مغير حلال
قصي انفعلت كذاب كذاب هههه يبيع حشيش ف شوكه ومنزل ونا مواعدك ناكل مغير حلال
عادل . تي بوه ياما سارق ايام ثورة عيشتهم كلها حرام
قصي. يلا ربي يهديهم ان شاء الله استغفر الله منبوش نحكو ع ناس
جت العزوز حطت صفره المبكبكة
نسيت نعرفكم امي فتحية مواليد 1966 بوي متوفي
وبنات متزوزات من زمان ونا وخوي عادل وخوي احمد هذ متزوز حتى هو توا نحكيلكم
قصي . الله يسامحك ياامي مبكبكه ف ه الحمو
فتحية . الله غالب ياوليدي شن ندير انفحمنا من شرموله
قصي . مافيش نيه تاكل حاجه ساخنه بكل
عادل . متبيش لحمتك يعني
قصي . نبيها لحمتي وكليت لمبكبكه ولحمه ومسحت صونيه اخر واحد صبيت نا
وبعدها دقيتها نومه للعصر نسمع ف صوت هرجه
حذاي قالت ياساتر شكله قامت ثورة اي ثورة هلبناها ثورة لا مش ثورة هذول لجنون زرق عيال ابنخياني
اللي يتراقعو واللي يتخابطو واللي راكبين فوق صالون واللي تليفوني
لقيت بنخيتي لصغيره عمرها سنتين ماسكه
تليفوني اللي كان معلوق ف شحن كسرت
شحن ف المدخل مسكتها من ماليتها وعاملتها
معامله سقيطه خشيت عليهن قارن حواجبي
ولقيت الامة المتحده كلها عندنا وامي فرحانه
دايره عداله عزقت الفرخة لصغيرة عند امها
بسم الله كنك شن دارت
قصي . كسرت شحن ف تليفون
تاخذ سوك تاخذ سوك دير خير منه
قصي فنصت فيها
وهي خافت
امي هاك ولدي طاسه هذي دور ثاني غالي عليك انت
اخته الكبيرة غالي عليه دور ثاني حتى ف الامتحانات ديما ف دور ثاني مش بس شاهي
خزرت فيها تخزرطت
وجتني اختي الوسطيه قصقاصه وحشيشتها زبد
رايح متسمح وناقص قوللنا سر الخلطه
واللهي جد
اها
نبحت يمين ويسار تعالي معاي ومشينا نا وياها لدار
قولي
نا معجب ف وحده
شن اسمها
روميساء
اممم اسم سمح وهي سمحه
سمحه صاروخ طرف
باهي حاولت تحكي معاها تعترف بمشاعرك
مش قادر بس نعزقلها ف نظرات
شنو نظرات هذين ضروري تعترف البنت تحب الراجل اللي يجي دغري
صح بس هيا ترضى في ونا هك
وكنك ايش ناقصك
يعني دب
فنصت في اسمع لازم تخش لصاله بعدين انت راجل وعادي وكان قعدت دب اهم حاجه اخلاقك وتحبها وراجل فزاع وحانط
ابتسمت ونفشت ريشي صح نا صح نا حانط وشخصية وفزاع ونحبها والله
خلاص توكل على الله واعترف
ع المغرب طلعت مع الكباني وقلتلهم بنشري
طرحات خشينا لمحل وقال ماعنديش مقاساتك ياشاب ونا عجبني القميص وسروال وصاحب المحل
يكر فيهن مني خذوني لمحل اكس اكس اكس الارج
لقيت مقاساتي غادي ماغايب ولا شايب من شباب
اللي نعرفهم ودبش كله ف اجواء استاذ رياضيات
خذيت ونا خنقتني العبره وطلعنا خبطنا كورة بعدها العشاء مثرودة ورز امرجع بعد دقيتها هذك دقه
روحت رقدت لقيت اغلب الامم المتحده عندنا بايتين طبعا صيف والمدارس عطلن ولقيو حوشنا
منتزه حتى مكان ف المربوعه ماعقبولي طلعت
للحاجر ولعت سبسي واتكيت ونا نخمم ف روميساء
جا صبح لبست دبشي جديد ونا فرحان عاد
اكيد روميساء تقول عطبك عليه زويل انيق العطيب
مشيت لجامعة وصلت ونشوفها وعيوني قلوب
اااه ياروميساء شفتها تضحكي الله تضحكلي تضحكلي مشيت لكافيتيريا خذيت شاورما
وبيبسي وشوكولاطات وحركات وقعد نبرم ب شكاير
عشان لما تعترفلي نفطرو مع بعضنا
حمزه . ايامك ياصقر
رضوان . يغمز الوجه ناير باقصي عريس طالع
قصي . شكرا شكرا اهي جت امشو امشو
حمزه . خبطه ع كتفه ومشى
روميساء لو سمحت
قصي انا
روميساء انت اها
قصي لحظة بس لقيت زهرة دوار شمس البيضة خذيتها وبرمت قلتلها تفضلي
روميساء وهي تضحك بنقولك حاجه بس مش عارفه انا منحرجه
قصي متقوليش انا نقول انا معجب فيك حتى انتي معجبه الله لقلوب عند بعضها حسيت والله اكيد من لبس جديد
روميساء لا كنت بنقولك كواغط اللبس جديد مزالن عليك ياريت تفكهم لان من صبح ونحنا نضحكو صراحه عطك الخير لي زمان ماضحكت منظرك عار
وسمعتها تحكي لصاحباتها يحسبني معجبه فيه
وع اساس اعترفلي انه يحبني تخيلو ونا مرتبطة بيه وووه عار
قصي كان اول مره نحب بصدق اول مره نزعل اما حد يبصر ع سمني ديما اصحابي يقولولي يادب
وكنت نضحك ونمشيها فستري لكن هذ اول اول مره ننكسر فيها يقولك اكسر عظمي ولا تكسر خاطري
مهم روحت للحوش وعزقت لشكاره كليتها نا وابنخييني البطن قبل وطن يلعن بو اللي بكاهن
للحديث بقية
