سدر: شوف وسام حاب يصير عنده اخو
حيدر: موبيدنة سدر رزق ربج هذه لا اعتراض عله حكمتة شوكت ما الله يرزقنه نحمدة ونشكره مانعترض
سدر: ماعرف شصارلي بجيت من كل كلبي بذاك اليوم تمنيت يصير عندي. بعد طفل حيدر مل مني ونام ضليت وحيدي جزعت روحي من البواجي استغفرت الله ونمت
لثاني يوم كمت نفضت البيت وسويت الغده وحضرت غراض الكبه وكعدت الفنهه كملته وضميتهه بلفريزر
مرت ايامنه بسلامه ليوم اجتنه مروج هيه واباذر ابن اخوي وكالت تعبانه اريدن ارتاح شكم يوم يمكم هلينه ورحبنه بيهه اول يومين مروج مثل البلسم وهادئه مرن اليومين وبلشت طلاباتهه تجاهلته وجفيت الشر مرن العشر ايام مثل جرعه السم مشت البيتهه بلش عام دراسي جديد والسنه وليدي صف ثالث ابتدائي راح ابو جهزه من كلشي جان وحيدنه ونحير شلون ندلل بي جان ابو متكفل بدراسته ومن يروح هل اعرفنه اعلمه عليه
مرت ايامنه حلوه مابيهه مشاكل ومروج ما جتنه عله طول هل ايام جان الحمل متعبه وهيه شهر ل٤ كمل وسام امتحانات نص السنه وطلع اول عله صفه ومشت العطله با اسرع ما يمكن رد وسام للدوام وجان حيل شاطر وما يفوتله يوم ما يداومه ومروج ابد ما مرت علينه جانت عمتي هل يومين وثالث تطلب مني اسويله اكلات وشنو تشتهي وتاخذه وتروحلهه انه مارحت لهلي ملتهيه بوليدي وامتحاناته كربت مرن الشهرين بلمحه بصر وجانت مروج داخله بشهر ٧وماتطلع ابد وسام خلص امتحاناته ونجح للرابع باخر شهر لمروج اجت يمنه كعدت حمله ثكل
داريته وداريت وليدهه مثل وليدي ما عفتهم ابد بس مروج ما عافتني بحالي تضخ سمهه وتوز بعمتي صار بيتنه ما ينجرع من النكره والمشاكل وردن سحبن وسام مني وكام ما يطيق يباع الوجهي مر الشهر ولدت مروج بنيه مثل فلگه گمر جمالهه بابلي ملامحه بريئة بقت للاربعين يمنه وردت للبيت بس عمتي ما عافتني ناشبتني كلش وانه متحمله
وره شكم يوم واجت مروج بطرك رويحته وتبجي طبت كبل لحجرتي وتجر بشعري وتضرب بية وماني مفتهمه شكو حيدر مو بل بيت وعمتي بس تباع ماتحجي ولا فكته عني جنه شامته بيهه لحد ما تعبت ورخرت من نفسهه عني
ـــــــــــــــــــــ
معتصم: كافي مروج خبلتيني متحملج هل سنين عله عصابي ولخاطر اختي وصديق عمري خليني ساكت وجفي شري
مروج: ما يخصك انه اريدن اسافر ويه صديقاتي
معتصم: اسكتي كح...... تسافرين لو تك...... و
مروج: احترم نفسك وغصب عنك اسافر
معتصم: مروج جفي الشر وروحي عني
مروج: اشو اشوفك شسوي اذا مارحت اذا بيك خير كرب وضربني
معتصم: صدك. مابيه خير لان لفيتلي وحده لاعبه لعب وهيه بت واخذتج وانتي ملعوب بيج وما ادري ويامن لاعبه وسترتج
