ယဲ့ကျန်းက မင်းသားငယ်၏ အဆောင်တော်မှ ထွက်လာသောအခါ မော့ရုန်ရီက အပြင်သို့ ထွက်ပြီး သူ၏ဝမ်းကွဲ လျိုဟွားက ငွေပြားများ ပြန်ပေးရန်အတွက် ယဲ့ကျန်း ပြောသော နည်းလမ်းအတိုင်း လုပ်ရန် ပြင်ဆင်လိုက်သည်။ ရုတ်တရက် သူ၏မိန်းမစိုးဖူပင်းက အခန်းထဲသို့ အလောတကြီး ဝင်လာပြီး ပြောသည်။
"မင်းသားငယ် တော်ဝင်မင်းသမီးနဲ့ သမီးတော်လျိုဟွားတို့က တော်ဝင်နန်းတော်ထဲကို ဝင်လာပါတယ်"
မော့ရုန်ရီ၏ မျက်လုံးက တောက်ပသွားသည်။
"တကယ်လား"
"သူတို့အားလုံးက အခု စစ်နင်နန်းဆောင်ကို သွားနေကြပါတယ်။ ကျွန်တော် သူတို့ကို တွေ့တော့ ဒီကို အပြေးအလွှားလာပြီး လျှောက်တင်တာပါ"
ဖူပင်းက ဂုဏ်ယူစွာ ပြုံးလိုက်သည်။
"အချိန်ကိုက်ပဲ။ ဒီမင်းသားကလည်း လျိုဟွားကို ရှာနေတာ"
မော့ရုန်ရီက ရယ်ရင်းနောက်မှ စိတ်ထဲသို့ အတွေးတစ်ခုက ဝင်ရောက်လာသည်။ ထို့နောက် ဖူပင်းကို ကြည့်လိုက်သည်။
160 02
"မိန်းကလေးလုက အခုလေးတင် ထွက်သွားတာ ဆိုတော့ သူတို့နဲ့ မတွေ့လောက်ပါဘူးနော်။ သူတို့ကသာ လုယောင်ယောင်ကို တွေ့သွားရင် ဒီနှစ်ယောက်က တစ်ခုခု လုပ်လိမ့်မယ်"
ယဲ့ကျန်းက စစ်နင်နန်းတော်သို့ ပြန်ရာလမ်းတွင် တော်ဝင်မင်းသမီးနှင့် မင်းသမီးလျိုဟွားတို့နှင့် တိုးတော့သည်။
"ရပ်လိုက်စမ်း မိန်းကလေး လုယောင်ယောင်"
မော့ရုန်ရီက အော်ဟစ်ပြီး အပြေးထွက်လာသည်။
ရန်သူများသည် လမ်းတွင် ဆုံတွေ့တတ်သည်ဟူသည့် ဆိုရိုးစကားရှိသေးသည်။ ယဲ့ကျန်းဟာလည်း တော်ဝင်မင်းသမီး၊ မင်းသမီးလျိုဟွားတို့နှင့် တွေ့ရမည်ဟု မထင်ထားမိပေ။ ကောလာဟလအရ တော်ဝင်မင်းသမီးက ခေါင်းမာပြီး အာဏာပြလွန်းသည်ဟု ဆိုကြသည်။ သူမက ဧကရာဇ်ကို အာဏာရအောင် ကူညီပေးသည့် အထဲတွင် ပါဝင်ခဲ့သောကြောင့် သူမ၏သမီးကို သူ၏ကိုယ်လုပ်တော်အဖြစ် အတင်းပို့ပေးချင်နေသည်။ သူမက သူမကိုယ်သူမ အလွန်အထင်ကြီးနေဟန် ရပြီး မယ်တော်ကြီးကိုပင် လျစ်လျူရှုထားချင်ဟန် ရလေသည်။
Part 160
Start from the beginning
