Chhingkhual thalenghera

Chhingkhual thalenghera-4

     Ka chho leh chu, ka U te hmuh phak loh tih velah chuan ka biru a, duhlo viau mah ila an thhusawi chu ka ngaithla ru ta a.

U Zoa : “Engtin nge kan tih ang, kan nau hi! apa in a hriat chuan a thinrim dawn emmai.”

U Tetea : “Nichiah e, apa pawn kan kawmthlang tuai, hmusit lo mahse hmuh a hreh em em kha.”

Ni tak e, Muana kha, tuai anih tak kha, kan khhua ah pawh sawi ti hnem tu ber ni tawh in, inthah hial trum hnih alo tum tawh kha, mahsela inthah em chu tilo in, a chhungte chuan zah luat ah, khhaw dangah chuan an pem bo pui ta a, chubak a chanchin chu hriat ani talo.

U Tetea : “Kan kawmthlang pa pawh tihtawh nak alaiin, Apa in kan nau, kan unau zing a naupang ber tuai ani tih a hriat chhuah chuan a rilru ana dawn em asin.”

U Zoa : “A, engpawh chu nise, Bawiha pawh hi ava rawn thleng har vele.”

     Ka mittui chu hru zeuh in, tuikhur atanga chho ang chiah chuan thhaw hawk hawk chung chuan tui chu ka pe a, ka taksa chu a na vek thei in ka hria, thha chak leh harh vang em em kha tunah chuan ka sil in ka chau zo vek ta si, rilru na hian mihring ava thlak thei chiang tak em.

     Ka U te chuan ka hmel ah chuan hlimna reng an hmulo ani ang chu, êm phurin kawng sira ka kal lai chuan, “Bawiha tinge iva nguai ve?” tiin ka U Tetea chuan min lo zawt ta reng a, “Nfuai lo ve.” tiin ka kawng kal chu ka kal hna hna a, diktak a sawi chuan mipa nihhi ka duh ve lutuk, mipa pawh ka pian tirh atangin ka kawm, mahse tinge midang laka ka danglam bik nachhan hi ka hre duh ani.

     Ni e biologically in tuai anih theih mahse, tinge kei kher englai nge dik lo chu niang le.

     Reilo te hnu ah chuan in chu kan thkeng ve maia, dar 10 lo ri thhuak tawh in, chaw chu min lo ei san tawh hlawm avang chuan, kan unau a kan ei tur chu ka siam ta mawlh mawlh a, kan mikhual te leh apa leh anu te eina zawng zawng chu anlo la dah hram, heiha, nun hichu ava wow lo ve.

     A u te nen a kan ei zawh chuan ka sengin ka sil ta vek a, hun pawh min duh rei ngang mai, insiam sawt sawt in, school lam chu ka pan nghal a, ka hmanhmawh loh nachhan hichu substitute ka ni a, class an tan har thho tiin ka hmanhmawh duh ta lem lo anih kha.

      School ka thleng chu staff room ah ka lut nghal a, ka present e tih chu ka thhai nghal a, substitute hi chu engvak mah tih tur a awm lo, chutia staff room a lehkha ka chhiar mawlh mawlh lai chuan student pakhat chu rawn lang hlawl in, luh chu rawn dilin ka hnenah chuan a rawn kal nghal a. Pawl 10 a nih thhu leh a math a hriatthiam loh thhu chu min rawn zawt a, substitute teacher mai mai ni mah ila, a question ka han en chuan ka thiam hnu tawh anih avang chuan tha tak chuan hrilh chungin ka zirtir a, ka zawh chuan hlim tak chuan a room ah chuan akal leh maia.

Sir Paula : Kha math iva thiam ve.

“Ah, thiam pawh nilo, kan zir hnu ania ka hre rei zawk ka ti mai.”

Sir Paula : Full time in i duh lo ami, math lam hi pakhat chiah kan nei si a.

“Duh thho e mahse kala naupang sia, chulo bakah 12 pass chauh kala nisia ka insit, kan Principke pawh in a phal ka ring lawve.”

Sir Paula chu a class la tur chuan a chhuak ta daih a, keimah chuan ka staff room ah chuan ka awm a, ka phone chu rawn ri thut in, no. hlang chu anih avang chuan ka la a.

“Enge ni ta, tunge aw?”

“I bialpa tur Hmingsanga mawle.”

“Awww, i ninawm dah rawh.”

“Lawk, i nu in, i rawn haw pah in sa rawn lei rawh ati.”

“Awle, ka dah.”

“Muah, ka duat Bawiha.”

“Tenawm.”

Ka thutna ah chuan ka khi vur vur mai, Miss Zikpuii chu rawn lut thutin, “Enge i khik vur vur a?” min rawn ti chu ka thlawk lo chauh. “Engmah mawle.” tiin ma chhang ta vel mai mai a.

Miss Zikpuii : “Bawiha, class 10 saw min va lak chhawk teh, ka chau emmai.”

“Awle, eng exercise nge in thlen?”

Miss Zikpuii : “Class tak chu lak angailo, mahse ex 3.A kan thleng tawh, Q14 last na tur kha.”

“Awle” tiin ka chho ta nghal a, class room ka luh chuan an lo bengcheng khawp mai, ka luh leh rual chaun min lo wish nghal hlawm a, ka khi nghal ver ver mai, thut tirin, class chu a vawi khat nan ka la ve ta nghal a. Q14 ngei chu tihpui in, ka thiam tir nghal a, a pawimawh dawn tih ka hriat vang zawk ani.

     Students hi 38 vel an kai a, an tamthham viau, classroom ti phhawk lek turin, an thiam hnu chuan mut tirin, a then in drawing an draw a, a then duhthhaw deuhin lehkha an zir a, a then a ruk te a tawngin an in biru a. An hmuhnawm ka ti hle. Students kan nih lai min ti ngai vawng vawng mai.

     Dar a rik chuan staff room ah chuan kal in, Miss zikpuii chu a nui hmel min hmuh sâng a, keipawh chuan nuih lêt ve in, mak ti tak chuan ka table chu ka pan ta nghal a.

Sir Lawma : Iva zirtir thiam ve

“Engchu maw?”

Sir Lawma : “Math kha mawle, kha tunah pawh Miss Zikpuii a hlim em kha.”

Aww khavang animaw alo nuih tiin ka ngaihtuah ta nghal a.

“Ka lawm e.”

Sir Paula : “Teacher full time ah rawn tel ve rawh. ”

“Nia kan la in ngaihtuah ang chu.” tiin ka chhang ta vel mai mai.

Dik taka sawi chuan, ka thheih ka ring lo ani, chulo bakah nun hlim awm ka hmang hman nang. School hour chu a zo tawh a, inah chuan ka kir vat a, in ka thleng chiah ka thheihnghilh ka hre nghal.

Pawi lutuk...

To be continued...