ذات العيون البني

ذآتَ العِيَوُن البَنُيِ (20) 🤎

ذآتَ العِيِوَُن البُنَيِ
بقلم :- 〘 ☆سـيـمـانـدرآ☆〙

                      البارت الــ ((20))

                🤎 ✨✨ ⭐✨✨🤎

قراءة ممتعه 🫶🏻🤎✨
_________________

مُلهـَم = تباوعت لعيونها الاحبهن الغرگان بيهه تعبانات ذبلانات من البجي ونظرتها الجريئه الية وكلمتها الصارمه بالقرار وياي بلعت ريقي وتقدمت ثلاث خطوات

حرة = كتلك مااأريد اشوفك .. !

مُلهـَم = وكفت مكاني ... غمضت عيوني حرة ..

حرة = ماجاوبته ودرت وجهي عنه والعبرة خانگتني وعيوني متروسه دموع اجه لزمني من وجهي دفعت ادية وصحت بوجهه لاتحط ايدك عليه مااريد اشوفك

انته هم قتلتلك روح ما الها ذنب وبسببك صارن روحين مو روح وحدة هزلي برأسه بلا وأيدة ترجف گتلة ايييي هذا الصدك ... راد يحجي وياي

سكته بسرعه ماريد اسمع اي صوت منك رجع لورا وتلمس بصدر سلمان ونفسه عالي حيل ينسمع مد ايدة بجيوب سلمان وطلع فلوس خذاهن ورجعله محفظته

سليم = مُلهـَم وين وين اخوي ؟

حرة = ماجاوبة ومشه سريع ويحس على صدرة ويدنك ياخذ نفس لزمه سليم ويحجي وياة بس ماجاوبة ودك على كتف سليم ثلاث مرات وطلع تباوع عليه سليم وتقرب بعصبيه مركز بعيوني

سليم = أذا صار شيء لأخوي وروح امه الا اسگطچن انتي واختج خوش خليها بالج !

حرة = شهكت ولزمه سلمان اشر عليه بعصبيه وصاح بوجهي

سليم = گلب المستشفى گلاب عليييج وهسه طردينه ماتردينه يشوف وجهج وهوة صارلة ساعتين ساجد الربة ويبجي علمود طلعين سالمه

دفعت سلمان ودنكت ليها واني النار بروحي شوفي ولج حسبتج اختي بس اذا صار شيء لأخوي راح امحي هل اخوة هاي كلها مستعد اذبح همه ولايصير الـ مُلهـَم شيء .. !

سلمان = اسكت ولك اسكت سد حلكك

سليم = ميت نعال اكطعه على راسج والله

حرة = دفع سلمان وراح طلع ركض ورة مُلهـَم تباوعت السمان يسمح بوجهه ويستغفر دار تباوع عليه حجه وياي بهدؤء

سلمان = ليش تلچمين گلب اخوي ؟!

حرة = هل كلمه خلتني اسكت رمشت والدمع بعيوني

سلمان = لو تعرفين شنو سوة وشصار وياة بس علمود يحصلج جان ماتحرأتي تنطقين حرف واحد كبالة

حرة = مسحت عيوني ودنكت

سلمان = اخوي يحبج لاعبالج من ساكت كبالج يعني ضعيف بس هوة مايطلع غضبه يخاف يبزج بحجاية وحدة لو طيح دمعه وحدة منج بسببه

منطي وعد الرب العالمين ماراح يأذيج بحرف واحد وراح يخلصج من الوجع البيج كلة لان يعرف بيج شلون عشتي حياتج بصعوبة وهسه شسويتي انتي