ذآتَ العِيِوَُن البُنَيِ
بقلم :- 〘 ☆سـيـمـانـدرآ☆〙
البارت الــ ((4))
🤎 ✨✨ ⭐✨✨🤎
قراءة ممتعه 🫶🏻🤎✨
_________________
حرة = درت وجهي عنه مااحبة ابد ولااحب نضراته ولاكلة ولا اي شيء بيه شكد حاولت مااحكم عليه شكد حاولت اتقبلة بس من الشفته منه مستحيل اتقبلة بعد ... يفشل مرته يفشل نفسه وحجيه كلة تمخرط ماعندة شي صاحي ومايهتم ابداً ام شي ء نفسه ورغبته وبس هاي حقيقته ... وهيج شخصيه الحجي وياها مثل الحجي وي الجاهل مايستوعب !
غصباً عليه رحت وياهم وامي وخالتي يسولفن بينهن واني دايرة وجهي وتباوع لطريق شيوصلنا وشيرجعنه وشوكت نخلص هسه ماريد اروح بس امي بعد تحسرت وغمضت عيوني حاولت انام بس ماكدرت صوتهن هنه يبسبسن ومنا صوت رجل خالتي وهوة يحجي وي السايق وصوت أنهار تسولف وي بت خالتي ...
درت وجهي وغمضت واجه بروحي احساس عزف افصل عنهم كلهم واسمع عزف جروحي عزف الحجي المكتوم بسط روحي المحد يعرف عنه الحروف التبجي دم وتكول ارحميني مالي ذنب اعيش بداخلج متحملة كلشي الحجايات الحلوات اليكولن ويامن تعيشين وتسولفينيهن وشوكت احساسج يطلع وتحجينه ودموعي المكبوته وحاجزتهن عن لايطلعن ليش ماتخلينه نطلع مالها ذنب العين تبقى محتركه بملحنه ...
ابتسمت وفكرت صدك هسه ليش الدمع مالح بس بنفس الوقت اجاني تفكير غميج حيييل ... ليش من واحد يصفن على سالفه مضوجته حيييل وتجي باله وروحه محتركه منها ومن تنزل دمعته على خدة الدمعه تنزل حارة من تصب تحس بيها تجوي خدك ؟ لأنُ طالعه من گلبة !
صح اي لأنُ الدمعه هاي مو قطرة ماي حالها حال الدموع البقيه هاي قطرة دم من الگلب لان من هاي الدمعه تنزل الكلب نحسه صار نار جمرة بصدرنه فتحت عيوني تباوع لطريق هم يجي يوم وهاي دمعتي الحارة تمسحها ايد حنينه انسان صدكي مثل حنان ابوي بآخر لحظاته وياي .. لو ابقى على الخيالي الوكت مالچمت جروحي واحس وصلت افقد عقلي يجي بالي واكلة تعبانه ويلمني بحضنه ؟ !
سكتن وعم الهدؤء البنات نامن وخالتي وامي نايمات همه ورجل خالتي مايحجي هم نايم وبس السايق غمضت عيوني وبلكت انام وعقلي ضال يسولف وحدة وتجاهلته لحد مانسيت روحي ونمت وفزيت على صوت امي وخالتي يتهامسن اتعصب من صوت الهمس اذا اسمعه واني نايمه يزعجني حيل ... يتفقن يشترن بس صمون علمود الريوك وصدك لمن كعدو بالتسعه تريكنه واني ماكلت قليل وشربت شوي جاي من كلاص امي واطتيه الها ...
لمن نوب وصلنا نزلنه زرنة وصلينه وامي وخالتي كل وحدة عيونها حمر ويتباجن كل وحدة الله العالم شنو بكلبها صليت وهنه بعدهن كاعدات سجدت وغمضت عيوني أحس براحه رااااااحه عضيمه ودي أنام هنا بهل مكان ماادري سوالف البروحي وين راحت كلها كلها اختفت وعقلي هدأ وروحي سكنت واني كلما أخذ نفس أشم بخور الامام ...
STAI LEGGENDO
ذات العيون البني
Mistero / Thrillerمُهيم بالأوتار مُلهَم بالألحان الموسيقيه والرقص لخروج كل مايؤلمه وهي أول حرفاً من أسمه وموجعته حرة هل ستنكشف الحقيقه ؟ هل يعود كما كان ؟ نظرت اليها يابُنية العين لـ مُلهـَماً مثلي غارقاً بكِ كيف أقنع عقلكِ بأن البشر هم أخطر من الفايروسات والوحوش...
