سداد وبنت العرب

البارت السادس والاربعون

سردار/ طبعًا سلام ما اسلم عليچ لان حتى السلام حرام بيچ بس آني اجيت ابري ذمتي گدام رب العالمين وهاي گدام جدچ وبعدها اذا رفضتي اي كلام بينه ماكو وتحملي الي راح يصير بيچ

الق/ تفضل احچي اسمعچ

سردار/ شوفي يا بنت الناس هاي آني گدامچ وگدام الله قبلچ مستعد أعقد عليچ واخليچ في بيت وحدچ ومصرفچ جاري وابنچ أسجله بسمي وعوفي القضيه  يعني هي بالعقل من تجيبيني آني وسداد نوگف بالمحكمة سداد راح ياخذ ابنچ بالاحضان او راح يرحمچ

الق/ ما اعوف القضيه أبد وأبنه يسجل بسمه أنت شعليك

سردار/ شوفي ألق اني كل دليل ماكو ضدي لهذا القضيه ضدي اعتبريها ساقطه إما سداد ترى بسهوله يگدر يثبت أنه انتي اجيتي ويا بأرادتچ وبدون ضغط بس هو راح يعوفچ تفترين بدائره فارغه ولو آني أعرف سداد ترى يموت وما يسوي شي غصبن عليه

الق/ بس آني جوابي ويا چان قاطع إنه ما أتنازل عن القضيه أبد وهو راح وجدو ظل يغلط عليه وهو يگلي اوف لو بيه حيل گبل إلا اگطع الكاله على راسچ شنو الكاله ما أعرفها 

وبوقتها ظليت أفكر بكلام سردار وگلت أحسن شي اسأل المحاميه لان اكيد سردار مستشير محامي وعرف هاي المعلومات وأتصلت بيها ورجعت عدت الكلام كله مال سردار على المحاميه  وهي جوابها چان صادم إلي

المحاميه/ هذا الكلام صح اذا عدهم محامي يگدر ينفي انه إنتي اصلا تم النصب عليچ بالعقد بس بعد الولاده عن طريق التحليل DNA نثبت انه هو ابو الطفل

الق/ يعني شنو اني بس راح اگدر اثبت نسب الطفل وبس
وهي رجعت أكدت إنه بس نگدر نثبت على نسب الطفل وفقط
وبوقتها متت قهر وللعصر من اجتي رغد عليه وحچيتلها الموضوع كله
رغد/ لا تزعلين مني ألق راح اواجهچ بشي آني منتبه بي عليچ انتي تردين ابنچ يحمل بآسم ابو  لو تردين تكسرين خشم ابو وتردين تفرضين وجودچ عليه لكون رفضچ

الق/ لا بس أريد أبني يسجل باسم آبو

رغد/ لعد شبيچ محترگه من عرفتي انه بس راح يكون إثبات نسب فقط راح اگلچ شي وراجعي بداخلچ كلامي انتي تحبي لأبو ابنچ بس لكونه رفضچ تردين تقنعين نفسچ والناس المحيطه بيچ انه ما تحبي بدليل ابن خالته عرض عليچ أحسن عرض وترتاحين بي وما قبلتي بي

الق/ ورغد ذبت بنتها يمي وراحت وخلت دماغي يفتر صحيح اني ليش هيچ محور حياتي سداد حتى سردار كذلك گال نفس كلام رغد بس بغير صيغه معقوله كل الناس منتبه عليه الا اني ما منتبه على نفسي  وليش أحب سداد هو آني شنو شفته من سداد حتى احبه

ومر على رفعت القضيه 10 أيام وراح جدو جاب ورقة أستلام التبليغ وبقى بس انطيها للمحاميه حتى تدرجها ويه أوراق القضيه وعلى ثاني يوم سمعنه جدو يهلي ويرحب بوحده بس منيه ما نعرف