مش هقول تفاعلوا عشان الأهتمام مش بيطلب 🙂
لا تنسوا الصلاة علىٰ الحبيب مُحمد ﷺ ♡♡
قراءة مُمتعة إن شاء الله ♡♡
__________________________
بعد مرور أسبوعًا كاملًا
دلفت لغرفة شقيقها بغضبٍ جم دافعةً الباب ليُفتح علىٰ مصرعيه صائحةً بِـ :
_بــــراء
أنتفضَ "براء" بفزع وتسابقت دقاتُ قَلبِهِ مع أنفاسِه بعدما تخلل الرعب ثناياه؛ فنطق لسانهُ بصعوبة مُحاولًا التحرر من قيد التوتر :
_خير يا ريم داخلة زريبة؟
_مش خير يا براء، أنتَ أيه اللي خلاك تلعب فـ حاجة فارس؟ أنتَ عارف لو رجع وشاف اللي أنتَ عملته هيعمل فيك أيه؟ هيعمل من فخادك شاورما، ولا دماغك البطيخة دي مش دريانة بالورطة؟!
تحدث "براء" مُغمغمًا بنزق :
_ال يعني هتبقا أول مرة يتعصب عليَّ ما أنا الملطشة بتاعته أتعودت
_بتبرطم بتقول أيه؟
تحدثتها وهي تعقد حاجبيها بحنقٍ شديد؛ فـ أبتسم "براء" نابسًا بهدوء :
_أختصري يا ريم ضيعت أيه المرادي
_ما هوَ أنتَ مضيعتش أنتَ بهدلت الأوراق اللي هوَ مرتبها؛ وكده هيعرف إنَّك لعبت فـ حاجته، إذا كُنت أنا لما دخلت أشوف الورق اللي قالي أتأكد أنه موجود عرفت أن في حد لعب فـ الورق عشان ده مش ترتيب فارس، والمرادي كده مش هعرف أدافع عنك؛ أنتَ عارف فارس أكتر حاجة بتعصبه أن حد يبهدل حاجة هو مرتبها ولو أتعصب هيضربني أنا وأنتَ ويعلقنا فـ النجفة، واللهِ ما هاخد فـ أيده غلوة لو أتعصب بجد
صَمتَ "براء" لبرهةٍ وهو يشعر بالذُعر مُتخيلًا جسدهُ مُعلق من أقدامه و"فارس" يجلده كما يرىٰ بالتلفاز؛ فتشدّقَ بخوف :
_هو كده بقاله أسبوع فـ المهمة صح؟ أكيد قرب يرجع أيه رأيك أروح أبات عند تيتة أسبوع لحد ما يجي ويمشي تاني
عقدت "ريم" ذراعيها أمام صدرِها ناظرتًا لهُ عينان ضيقة؛ لتُجيبهُ بأستفهام وسؤال آخر :
_أنا عايزة أفهم بس أنتَ ليه دخلت أوضته؟!
_عشان هو قبل ما يمشي أخد الرواية مني وبقالي كده أسبوع قاعد علىٰ أعصابي عايز أعرف اللي حصل فـ دخلت النهارده أدور عليها فـ أوضته بعد ما طفح بيا الكيل بصراحة وملقتهاش
ضَحِكت "ريم" ضحكةً ساخرة وتحدثت بأستخفاف :
_واللهِ!! هو ده السبب الخطير اللي ضحيت بنفسك عشانه؟ ما تقراها pdf
_ما أنا بقرأ pdf عادي بس الرواية اللي بدأت فيها ورقي مبعرفش أتعمق فيها غير لما أكملها ورقي زي ما بدأتها فهمتي
YOU ARE READING
حانَ مَوعدُ القَتل «قيد الكتابة والتعديل»
Actionلِكُلِ إنسانٍ هدف يسعىٰ جاهدًا لتحقيقه، وهدفنا الذي تربينا عليهِ وتنفسناه هو الانتقام، نعم لِمَ أنتُم خائفون؟! ها نحنُ ذا نمضي بلُعبة الانتقام التي ماتزال مُستمرة حتىٰ نقول نَحنُ بأنها انتهت، والآن سيداتي سادتي.....هاقد حانَ مَوعدُ القَتل . بدأت 16...
