الـكاتـبه (ضحـئ)
في ظلامي13
........ . •
شهالضياع الماله تالي؟
أني من ياوڪت صاير ما أبُالي
أني أول تالي أفز ماعندي غالي
هذا من يمتى البرود
بروحي هيچي؟
شغيرج ياروحي أحچي ..
..... . •
....
طـيف: كعدت الساعه بـ 4 العصر على صوت امي كعدت لكيتها تمسد على شعري كالتلي بصوت مملوء بلحنيه والدفئ
لميـاء: حبيبتي صح النوم يله كافي اكُعدي يبعد امج علمود تنامين بليل ماضلين سهرانه
طيـف: كعدت واني مبتسمه ورفعت شعري عن وجهي حجيت واني ابوس بخدودها
افيـشش مو خـدوودد عسـل
ضحكت بخجل ولزمت ايديهه
لميـاء: يمهه شلون بهل لسان الحلو
كومي يله سويت كيكه بـ الكاكاو راح تاكلين اصابعج وراها وتشكريني عليها
طيـف: رجعت خصلات شعري ورا اذني
يمه هوه المفروض اسويلج محل مال كيك على هذا شغلج الي يخبلل اتمنه اجيبها نفسج الكيكه تهبلللل تهبللل
لميـاء: يايمه لعد انتِ مقصره اشو اكلاتج ترد الـروح
طيـف: ههههه وينها الكيكه ههسه
شفتها كامت من فراشي ووكفت يم الباب دارت وجها عليه وكالت بنبرتها الهادئه
لميـاء: بره خليتها بلطارمه
طيـف: طفرت من مكاني وطلعت مشت كدامي هيه طلعت للطارمه واني غسلت وجهي ولفيت شعري بقراصه كبس.
طلعت لكيت مخليه صنيه بيها كيك وچـاي وصوت العصافير كعدت يمها صبتلي چـاي بـ الهيل اكلت لمن كلت بس بست راسها وهيه ضحكت
يمهه عااشت ايدجج تخبللل كلعاده عساني مانحرم لا من الكيكه ولا من صاحبة الكيكه
لميـاء: الف عافيه يروحي قابل شمسويتلج اني هسه ياريت اسويلي شي يوفي الي مسويتليا
طيـف: جججج شهل حجي يمه غصبن ماعليه هذا واجبي لعد اني مو بنتج لو مو بنتج
لميـاء: لا بنيتي وسنـدي
طيـف: كمت عنها دخلت للغرفه رتبت فراشي بدلت لبست بجامه عريضه وتشيرت عريض لفيت شعري خليت
مرطب وطلعت بديت احظر بلعشه وامي كلعاده فاتحه على موبايلي حديث الكساء ومخليته اعلى شي ماعرف ليش
هيج تحبه لو اطلعه بلتلفزيون لو اطلعه بموبايلي ماحسيت على الوقت غير يأذن صلينه وخلصنه وبدينه ناكل بهدوء خلصنه وغسلت المواعين دخلت للصاله لكيتها متربعه واسبح تقربت يمها بهدوء ومددت على رجلها فتحت موبايلي حسيت عليها تمسد على راسي وتحجي وياي بهدوء سديت الموبايل ورفعت عيوني الها
