حلقة 08 :
أمل مينا ❣️
تاكسي تاكسي حبس تبكي وتحكي مع روحها حظ ماعنديش ياربي ولا شيء ضابط معيا ومبعد حطت يديها على كرشها نتا وحيد لي باقيلي
نتا فرحتي من يوم مستحيل نخليك ولا نفرط فيك
مسحت دموعها ومشات شويا وقت جاء فايت مول طاكسي حسباتو حبس ركبت مدتلو عنوان حطها قدام دار ونفس نظرت ناس كامل ليها
اليكس : شحال نمدلك خويا
مول طاكسي : مممديلي غير 20 الف ميش بزاف
اليكس: وش بيك خويا كشما كاين وش بيك ترجف
مول طاكسي : مكان ولو تعبان برك ختي الله يسهلك مع نزلت مشى تقول طاير
اليكس :وش بيهم تقول هبلو ناس هذو ههه لي نحكي معاه يولي خايف ههه ممكن من شكلي غريب يوم ههه لاحت مفتاح في باب دورت زوج مرات تفتح سمات بسم الله ودخلت حطت صاكها توجهت لفريجيدار هزت باط نوتيلا تاكل وتحكي مع باطة زعما كون نجيب طفل وش نسميه اممم نسميه أسامة ولا أحمد
وطفلة اسماء ولا توليب لا علينا كلات حتى شبعت طلعت رقدت وهي راقدة تحلم في روحها في مكان مظلم كي قبو ومربوطة بسناسل حديد وعلامات ورموز بززاف على حيط فجأة تحول مكان لبيتها هذا لي تسكن فيه وهي راقدة تشوف في ناس يتقتلو ومرا تتفرج في شوكة وتعيط هي وولد صغير
