حلقة 04:
أمل مينا ❣️
في ليل 12:00 تحديد هي راقدة تسمع في اصوات في دار صوت تكركير في كولوار وبكاء طفل صغير مبعد يحبس صوت طفل صغير تسمع صوت كي واحد لي لابس بشماق يمشي ويكركر فيه قدام بيتها خافت بزاف غطات جسمها وشعلت فيوزتها شعلت تيليفونها ودارت قرآن وهي هكاك تسمع حتى تسمع في صوت تكرير يزيد يقوى وصوت بكاء صغير مقرب من بيتها ولات ترجف ودموع في عينيها ماجاتها في بالها ولو من غير انها تشغل بيسي فيه قرآن وتعيط ماماها بلاك تلحق عليها
شغلت قرآن حس زاد صوت تكسير ماعن وصوت بكاء يمشي ويزيد
قدمت طاقة تشوف في جيران رجال يشوفو في دار لي ساكنة فيها نجاة : اسمعي نقزي من طاقة قبل ماتتأذاي
اليكس : لالا علاه وش كاين هنا
نجاة : مكان ولو هذا جارنا مهبول كل يوم يدير حس هذا
اليكس : اااا هيا معليش تصبحوا بخير...اوووف حمدلله توسوست برك رجعت حترقد وصلت 3 تحس في حاجة تسحبلها في غطاء بشويا هي ترجعو وغطاء يزيد ينزل حتى قلقت وخلاتو كملت رقادها ناضت على صوت تيليفون 9 دايمن تنوض حتى تخرج تجري شويا وتدوش وتدير اشغالها
خرجت من بيتها تشوف في دوح لي شافتو بارح في سكالي بابا دوش محلول وهي متأكدة غلقاتو راحت هزت دوح طلعاتو وراحت لبست سيرڤات وخرجت مع خرجت طلو عليها نساء يشوفو فيها كيفاش صبحت بعد ما باتت في هذيك الدار
مدتهاش فيهم فاتت تمشي مبعد لبست كاسك وناضت تجري
خلصت جرات رجعت دارهم
لقات حالة عكس لي خلاتها تقول كانت تكذب كلشي مفروز ودار تبرق حتى بقعة نضيفة استغربت وقش مكانش محطوط قدام باب دار هزت تيليفون وعيطت مول دار سابق
- نتا تتمصخر بيا وش دار هاذي داري ولا دارك نتا على دخلت وديت قش بلاما تقولي بصح لاعلينا على عموم درت فيا ربي وكثر خيرك على تنظيف لي درتو بعد روينة لي كانت صباح
سمير تلبك و توتر بقى يطلع و يهبط في راسه بصح انا مرحتش زعما راح يتكرر معاها لي صار للي قبلها !! سمع صوتها عالتلفون رد عليها :ااا بلاواجب ومتخمميش مفتاح اني طيشتو مع قش هذاك ايا سمحيلي ضرك عندي شغل
كوبات عليه و حطت تلفونها
اليكس : اووف جعت من بارح ماكليتش راحت لثلاجة تاعها لقاتها فيها شويا اكل طايب وفيها خضرة مصوفة باينة بلي قديما وقراعي شراب هزتهم ديراكت طيشتهم طيبت غداء وهي تغني حطت كلات وخبات باقي حتى تجوع تاكلو
خرجت توجهت صالو حتى تتفرج شعلت تلفاز لقات مسلسل صيني اوتار قلوب تفرجاتو وهي تبكي على بطلة كي خلاها حبيبها هزت تيليفون حبت تصور وهي تصور صورة صورة وزوج وثلاثة حتى تڨلبت كاميرا تع تيليفون تاعها وياريتها ماتڨلبت زهڨت بأعلى صوتها وتغشات من شيء لي شفاتو
ماحستش بروحها حتى تسمع في صوت باب يطبطب
شافت ساعة لقاتها 10 ستغربت ومافهمتش اذا شيء لي شافت صح ولا كذب
نجاة : جبتلك بربوشة عندنا عادة كلما يجي ضيف لينا نمدولو حاجة بروك دار
اليكس : شكرا هذا من ذوقك نخلفهالكم نشاء الله دخلت سحينة تع بروبوشة حطتها في كوزينة وريحت حابة تزيد تتأكد وهي خايفة لاتكون حقيقة ميش حلم
هزت تيليفون مالقات ولو مرة هاذي حمدت ربي كي ظهرت حلم ميش حقيقة
