#حصريــا_لأول مرة
كرونيك رعب بعنوان #المنزل المهجور
ممنوع نقل من دون إذني ❌🚫
الكاتبة : أمل مينا❣️
حلقة 01:
وصلت للعنوان لي مدهولي مول عقارات نتمشى بخطوات ثابتة ڤاليزتي في يدي نشوف فيهم مكان لي مدلي عكس لي وصفتلو بصح معليش اصلا أحياء شعبية ماعنديش مشكل معاهم نسكن فيهم نورمال نتمشى ونشوف ناس مع بعضاهم جيران مريحين مع بعضاهم وصوت ولاد صغار و ضحكاتهم في كل شارع
نقرى في عناوين دار حتى لقيت دار لي مدهالي في عنوان مع جيت نفتح باب نشوف في مجموعة منع نساء يشوفي لعندي و يتهامسو : يالطيف بسم الله مسكينة ربي يكون في عونها
نجاة : شمدخلنا أكيد هو قالها كيف كل مرة يقولهم بصح مايصدقوش حتى تقتلهم تقطعهم طرف طرف تنشم غير ريحة جيفة تاعهم
سمعت تمتيمهم عليا تمشيت لعندهم حابة نفهم
اليكس : وش راكي تحكي وعلامن راكي تحكي وشكون لي يقولي !؟
نجاة : مادخلنيش فيك بصح باينة عليك ناس ملاح و الله تغيضي
اليكس جوبتها: نتي محتاجة شياخة وانا تعبانة جيت من مكان بعيد ..دخلت وخبطت باب بأقصى قوتي
