လုရှန်းကျစ်က ပြောသည်။
"ထျန်းကျန့်က ဘာလို့ အဲ့ဒီမှာရှိနေတာလဲ"
ယဲ့ကျန်းက ထိုလူငယ်၏နာမည်ကိုထည့်ပြောခံရသဖြင့်မေးလိုက်သည်။
"ထျန်းကောကလည်း ဝင်လောင်းထားခဲ့သေးတာပဲ၊ ဒီတော့ သူကိုယ်တိုင်ငွေပြားတွေ လာယူတာပေါ့၊ မင်းရဲ့အစ်ကိုက တကယ်ကံကောင်းသွားတာ အာ"
သူမ၏ ယဉ်ကျေးမှုမရှိသော အခြေအနေကို ပြန်တွေးမိပြီးနောက်တွင် ထျန်းကျန့်နှင့် ဆက်စပ်နေသည့် အကြောင်းအရာခေါင်းစဉ်ကို ပြောနေခြင်းကို ဖယ်ခွာလိုက်ကာ ပြောသည်။
"မင်းသားငယ်ကလည်း ဒီနေ့ရောက်လာခဲ့တာလား"
"မလာဘူး၊ အစ်ကိုကြားထားတဲ့အတိုင်းဆိုရင် တော်ဝင်မင်းသမီးက မနက်မိုးလင်းတာနဲ့ နန်းတော်ထဲအရင်ဝင်ပြီး မယ်တော်ကြီးကိုသွားရှာတယ်၊ မင်းသားငယ် မော့ရုန်ရီကတော့ သေချာပေါက် နန်းတော်ထဲ ဆင့်ခေါ်ခံရတယ်"
လုရှန်းကျစ်က ပြောပြီး စားပွဲပေါ်သို့ ငွေပြားများပါသည့်အထုပ်ကိုတင်သည်။
"သူ့သမီးက လောင်းကစားစလုပ်ပြီး ရှုံးသွားတယ်၊ တော်ဝင်မင်းသမီးအနေနဲ့ သေချာပေါက် နန်းတော်ကိုသွားပြီး မယ်တော်ကြီးရဲ့ရှေ့မှာ ငိုနေတော့မှာပေါ့၊ ဒါက "
သူက ငွေပြားများပေါ်တွင် လက်ချောင်းများပြေးလွှားပြီးနောက်ပြောသည်။
"ငါ့ညီမ အနိုင်ရထားတာတွေပေါ့"
ဖေးရှီက ထိုစကားများကိုကြားသောအခါ သမီးဖြစ်သူနှင့်သားဖြစ်သူကို အသိအမှတ်မပြုလိုကြည့်သည်။
"မင်းတို့ကတော့လေ လူမိုက်ဆန်ဆန်ပြုမူနေကြတာပဲ၊ မင်းသမီးတွေကိုတောင် ဒီငွေပြားတွေရဖို့အတွက်နဲ့ ရန်စခဲ့သေးတယ်၊ မင်းတို့ကတော့လေ မင်းတို့ရဲ့အဖေနဲ့ ဒီအကြောင်းအရာကို သွားပြောမှ ဖြစ်တော့မယ်"
မိခင်ဖြစ်သူထံသို့ သွားဖြဲကာပြုံးပြလိုက်သည့် လုရှန်းကျစ်က သည်တစ်ကြိမ်တွင်မူ အနည်းငယ်ထိတ်လန့်စွာ ပြောလိုက်သည်။
"ဒါက မင်းသမီးက အရင်ရန်လာစမှတော့ ရန်စတယ်ပဲထားပါတော့၊ အရင်ဆုံးအရှုံးကို လက်မခံနိုင်လူက ဘာလို့ လောင်းကြေးထပ်ခဲ့တာလဲ"
Part 138
Start from the beginning
