ဂျောင်ကုတစ်ယောက်အခုဆို ကျောင်းတက်တာတစ်လကျော်လောက်ဖြစ်လာတာကြောင့် ဆော့ဂျင်တို့အုပ်စုနဲ့လည်းတော်တော်လေးရင်းနှီးနေပြီဖြစ်သည်။သို့သော် သူရင်းနှီးချင်နေသည်ကဆော့ဂျင်တို့မဟုန်ပဲ အစ်ကိုသေးသေးလေးကိုသာ။သို့ရာတွင်အကုန်လုံးနှင့်တည့်သလောက်အစ်ကိုသေးသေးလေးကဘာလို့မှန်းမသိသူ့ဆိုတွေ့တာနဲ့မျက်စောင်းတခဲခဲနှင့်။
အခုလည်း ကန်တင်းထိုင်နေရင်းနှင့် စကားတပြောပြောလုပ်နေကြသည်။ အစ်ကိုသေးသေးလေးကသူတို့စကားဝိုင်းထဲတွင်အာရုံမရှိပဲ သူ့အာရုံသည် စားစရာတွင်သာဝေ့လည်လည်။
အစ်ကိုဆော့ဂျင်တို့စကားကောင်းနေတုန်း သူအစ်ကိုသေးသေးလေးနားကိုကပ်ကာ
"အစ်ကို ဒီတစ်ပတ်ပိတ်ရက် ခေါက်ဆွဲသွားစားရအောင်"
အစ်ကိုသေးသေးလေးက သူ့နားမှခွာကာကိုယ်လေးစောင်းကာ မျက်မှောင်ကြုံ့ပြီးပြန်ကြည့်လာသည်။
"စားဖူးတယ်"
စားဖူးမှန်းတော့သူလည်းသိတာပေါ့။အခွင့်အရေးလေးရတုန်း၂ယောက်ထဲဒိတ်ချင်လို့ခေါ်ပါတယ်ဆို။
"စားဖူးလည်းသွားစားရအောင်ပါ အဲ့ဆိုင်ကreviewကောင်းတယ်တဲ့"
သူ့အားမျက်မှောင်ကြုံ့ပဲပြန်ကြည့်လာသည်။
"မအားဘူး"
"အစ်ကိုကလည်းပိတ်ရက်ကြီးကို"
သူစူပုပ်ပုပ်ဖြင့်ခေါင်းလေးငုံ့သွားကာ မကြားတကြားပြောလိုက်သည်။ တိုးတိုးလေးပြောမှမဟုတ်ရင်ဒီသေးသေးလေးလက်သံကတော်သေးရုံမဟုတ်။တစ်ခါက သူအစလွန်သွားတာကိုအစ်ကိုသေးသေးလေးကကျောကိုချလိုက်တာ အီစိမ့်သွားပြီး၃ရက်လောက်မှောက်ခုံအိပ်လိုက်ရထဲကသူမှတ်သွားတာ။
ထယ်ယောင်းသည် စကားပြောနေရင်းဖြင့် အစားငုံ့စားနေသည့်ဂျီမင့်ကိုကြည့်လိုက် အနားသွားကပ်ပြီးပွစိပွစိလုပ်နေသည့်ဂျောင်ကုကိုကြည့်လိုက်ဖြင့် အခြေအနေကိုသုံးသပ်နေသည်။
YOU ARE READING
ဂလည်အူကြောင်တင်းမ် (ဂလည္အူေၾကာင္တင္းမ္) (Ongoing)
Romanceသုံးကောင်ပေါင်းလောင်းကျော်မဟုတ်ဘူး ငါတို့ကတစ်ကောင်ပိုတယ်ကွလေးကောင် သုံးေကာင္ေပါင္းေလာင္းေက်ာ္မဟုတ္ဘူး ငါတုိ႔ကတစ္ေကာင္ပုိတယ္ကြေလးေကာင္