هل تتخيل نفسك ان تعيش بشخصيتين أحدهما الحقيقيه والأخرى مزيفه..... ماذا سوف يحدث ان احبك شخص بشخصيتك المزيفه وهو لا يعلم حقيقتك سوف تعيش في خوف من ان يعلم الحقيقه..... ماذا ان كان لديك ماضي يمنعك من ان تبادل حبك لهذا الشخص على خوف من ان يتركك
هم:أفض...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اما الوحش فنظر إلى عيون شمس وللحق فتن بهم عيونهم زرقاء كالمحيط الذي يغرق به فقال في نفسه حقا يجب على هذه العيون أن تكون تحت العدسات فهي فتنه خطيره فاق الجميع على صوت عمر وهو يقول: والله انكم جزم جيتوا وانا آخر من يعلم أمل: والله هو مش ياض بعتلك وقولت انت فين وانت قولتلي جاتك القرف مالك بذهول: هو انتي مصيبه هانم ياسين لاحظ نظرات الاستغراب على وجوه العصابه والوحوش فقال بعدم فهم:هو انتوا تعرفوا بعض سيف بهدوء: ايوه احنا اللي دربناهم في الكتيبه عمر: ايه ده بجد طب كويس علشان تبقوا تقولولي عملوا كام مصيبه هناك روان بزهق: هو محدش مقتنع ليه اننا معملناش حاجه ايه ده ياربي ياسين بغيظ: دلوقتي الكارثه اللي انتوا عملتوها دي ليه ها شمس: ايه يا ياسين لقينا الفرح دي كئيب شويه مصطفى بمرح: قولنا نولعه ياسين: انت ياض يا جزمه انت مش قولت هاروح الحمام وجاي وراك عمر: يعني انت بذمتك تأمن لابو طويله ده مصطفى: ايه يا حقودي منك ليه اكمني طويل يعني هتستقوا عليا زين باستغراب لاني مصطفى ليس بطويل: طويل ايه يا عمر مهو طوله زي طولي وكويس اهو ياسين: ليه انت فاكره عنده كام سنه زين: تقريبا 25 أو توأم البت دي وشاور على روان عمر بسخريه: 25 ايه ده 17 سنه زين بصدمه شديده: ايه مصطفى بضحك: اااااه وربنا 17 حازم: انت بقى درش مصطفى: ايه ده اتشهرت ياض يا عمر أدهم بمقاطعة:طب الفرح اللي باظ ده ياسين للبنات: حلوها شمس بمكر: بس كده عونيا الاتنين اتقسموا يا بنات لثلاثه ونحلوها مصطفى: وانا يا كبير مع مين شمس: تعالى معايا البنات اتفرقوا وقال عمر لياسين: اختك راحت مع مصطفى وأمل وروان مع بعض وحبيبه وآيات مع بعض انت عارف ده ايه ياسين وهو بيقعد: عارف وربنا يستر عمر بغيظ: أنت بتقعد هما جم امتا ياسين: رجعوا امبارح عمر قعد قدامه: يعني بقالهم اكتر من 24 ساعه في القاهرة وانا معرفش ياسين: بجد مكنتش تعرف دي مصر كلها عرفت انهم رجعوا وبعدين يا عم مكنتش اعرف انهم راجعين انا روحت امبارح لقيت البيت على غير العاده مترتب لاني متعود بعد ما ارجع من الشغل أرتبه انا روحت سمعت صوت ضحك ابويا مع صوت ضحك واحده عمر بصدمه: عملها عم حسن بعد العمر ده كله ياسين: بقيت بتتكلم زيهم على فكره عمر بمرح: من عاشر العصابه بقى ياسين: المهم دخلت لقيتها في وشي وما هي إلا نص ساعة ولقيتهم نطوا عندنا عمر: عادتهم ومش هيغيروها ياسين بحيرة: بس تعرف حاسس فيهم حاجه غريبه عمر بصدمه مصطنعه: لا متقولش عقلوا ياسين بزهق: لا يا اخويا زي ما هما مجانين الوحوش متفاجئين يعني عمر اللي كانوا البنات احيانا بيتكلموا عنه طلع عمر ده زين: انت ياض يا عمر مش قولتلي معرفش بنات وانت عارف 5 اهو عمر: يا ابني.......... قاطعه صوت آيات في المايك وهي بتقول: تس يا جماعه كله مكانه كده لاني النور هيطفي دلوقتى ومعلش يا عمه العريس تعالى على نفسك شويه العروسه بتحبه وابن اخوكي ادهول على عينه وبيموت فيها فهد كتم ضحكته على كلامها عمر: هي ناقصه شعلله يا ربي انا اصلا مش مطمن النور قطع لدقيقتين وبعدها رجع تاني وكان حماقي على المسرح وبيغني اغنيه( يا ستار) البنات اللي في الفرح جريوا يقفوا وراه وهو بيغني وقفوا قدام المسرح وكانوا عاوزين يطلعوله بس الأمن منعهم مالك: اهو ده اللي فالحين فيه زين بفرح: طب والله لو مكانش عيب لكنت وقفت مع البنات مالك: تقف مع مين يا دكتور دول بنات فاضيه أمل من وراهم: ااااه والله يا ابني بنات فاضيه الكل بص ولقيوا أمل واقفه وجمبها مصطفى وبياكلوا موز 🍌 مالك بغباء: انتوا بتعملوا ايه مصطفى وهو بياكل: بناكل موز وسند بايده على كتف أمل والحركه دي ضايقت مالك جدا عمر بضحك: واتلم القرد على النسناس أمل وهي بتاكل: مين النسناس يا عمر مصطفى: انتي طبعا يا أمل أمل ضربته بكوعها في بطنه وقالت بغيظ: ايه ياض الظرافه دي جايبها منين آيات : من اخته طبعا روان: وانا مالي انا هي اي بلوه بيعملها تبقى اخته مصطفى: تربيتك يا تونزي حبيبه وشمس جم وقالت حبيبه: حلت المشكلة زين: والله انتوا جامدين البنات بصوله في وقت واحد وبنظرات غريبه زين استخبي وراء زياد وقال بخوف: ياما هما بيبصولي كده ليه حبيبه بعدم فهم: مين ده عمر بضحك: ده زين اخو مالك أمل بذهول: اخوه مفيش شبه خالص ولا حتى تقريبا شخصيه عمر: صدمه انا عارف فاطمه: اااه والله نفس صدمه انك اخو المقدم سيف هو شخصيه تحترم وانت مهزاء الكل: ههههههههه عمر بغيظ: شكرا يا دكتره زين: انتي دكتوره يعني زماله شمس: كلنا دكاتره بس هو انت دكتور زين بابتسامه: دكتور زين الشناوي عمر بضحك: دكتور نساء وتوليد زين بغيظ: يكونش مش عاجبك يا هندسه سيف: ده بيزلك على فكره زين لمالك: مش هدافع عني يا اخويا مالك: ولا اعرفك زين: طب انا تخصصي ده انتوا تخصص ايه روان: لا احنا اصلا طب عسكري يعني التخصص دي مش موجود عندنا عدنان: ااااه والله ده لو كان فيه طب اطفال كان احمد دخله البنات: اااااه والله العظيم آيات: ولاه يا عمر عمر: يا نعم آيات: العيد كان من 5 ايام فين العيديه البنات: ااااه ياض فيه العيديه ياسين قعد يضحك وقال عمر: لا متقولش قشطوك ياسين بضحك: انا وخالد وجيه عليك الدور استلم عمر باستفزاز: وان قولت لأ شمس: المينى جلابيه الشباب باستغراب: ميني جلابية عمر: يا لهوووي ده كان عيد منيل بستين نيله ياسين اتكسف وخدوده احمرت وشمس قربت منه وقالت بضحك: ياسين خدودك احمرت كده ليه اوعي تكون اتكسفت عدنان: ايه الكياته دي شكلك حلو اوي يا ياسين ياسين بص بغيظ لأخته روان: هاااااا يا عمر تجيب العيديه ولا تلبس الميني جلابيه أدهم بصدمه: انت لبست ميني جلابيه يا عمر حبيبه بضحك: ههههههههه يا ريتها كانت ميني ده كانت لبعد الركبه هههههههه الكل انفجر في الضحك وقال عمر بغيظ: مش لوحدي على فكره ياسين برضو لبسها ياسين: اااه يا حيوان أدهم ضحك جامد وقال زين: لا لا لا انا مش متخيل خالص أمل: دول دخلوا الجامع من هنا والإمام نسي العيد والصلاه وفطس ضحك فهد بضحك: انتو صليتوا بيها مصطفى بضحك: ده كان حته عيد محصلش في مصر كلها هههههههههه ياسين حط ايده على وشه من الاحراج وعمر اندمج وقعد يضحك وقال: وخالد طويل فوصلت لقبل ركبته بكتير روان: ده شكله كان مسخره حبيبهقالت: ياض يا عمر هو المطبخ منين ياسين: ليه مصيبه ايه الجديده آيات: من هنا تعالوا أمل : إلى المطبخ عمر: انت يا بت منك ليها هتعملوا ايه روان: متخافش ياض مش هنقرب من تورته العريس والعروسه أمان وطلعت وراهم شمس كانت هتمشي ومشيت كام خطوه بس وقفها ياسين وقال: شمس استنى شمس لفت وقالت: والله والله تاني يا ياسين لو اتعصبت عليا او زعقتلي وطلعت غيرتك عليا لأقول لابوك انك بتلعب بديلك عمر بذهول: الشيخ ياسين بيلعب بديله طب مع مين ياسين: بلعب بديلي ايه انت التاني امتا ده شمس: ايه يا اخويا نسيت ريتا وقلدت صوتها وقالت مستر ياسين انا ريتا فاكرني عمر بضحك: ريتا العميله الروسيه امتا ده ياسين بغيظ: انا كنت في الحمام وهي اللي ردت على التلفون وبعدين انا معرفش جابت رقمي منين عمر بمرح: غبيه مش كانت تتصل عليا انا شمس :اسمك بتلعب بديلك وكمان هقولوا انك ضربتني ها ياسين بصدمه: انا ضربتك امتا ده شمس بحزن مصطنع: اشهد يا عمر انا نايمه الصبح في حالي وتعبانه وبقالي 3 شهور منمتش زي الناس يجي هو ويضربني علشان مش راضيه اقوم اكمني بنت وهو راجل يستقوي عليا زين بحزن وصدقها: يا عيني ليه كده يا ياسين ده حتى جايا من الجيش وتعب ياسين بصله بتشنج شمس بتمثيل: قوله هو علشان انا بنت وغلبانه ومكسوره الجناحين وأصغر منه يجي عليا ياسين بتشنج: غلبانه ومكسوره الجناحين يا عيني تصدقي انا اخ وحش قوي اما عمر فهو انفجر في الضحك وقال: برافو عليكي يا استاذه تعرفي لو مكنتش اعرفك من 8 سنين لكنت صدقتك ده الواد زين صدق ياسين بغيظ: بنت وأصغر منك ده انتي تضربي عشر رجاله في وقت واحد ومحدش يقدر يقول عملتيها ازاي حسستني اني جلدتك ولا اديتك علقه ده انا ضربتك بالمخده علشان تقومي تفطري وتاخدي دواء السكر شمس بغيظ: بس وجعتني ياسين مسكها من هدومها من وراء وقال: وجعتك طب والله لاضربك علشان يبقى بحق بقى شمس: ولاه يا عمر شيل صاحبك ده عمر: لا حاشه لله إلا خناقاتك انتي وياسين أو خناقات العصابه انا لو أدخلت هاخد نص الضرب على دماغي فماليش فيه شمس: يا جبان شيل التور ده ياسين بغيظ: تور ماشي أدهم بدون وعي وصرامه: ياسين متضربش اختك صمت عم المكان مع نظرات قلق من عمر والشباب وعدم فهم من زين وعدنان اما الثلاثى فمع نهايه الجمله تذكروا Flash back شمس كان عندها 7 سنين وبتجري وبتقول: ماما ياسين عاوز يضربني حياه: ليه يا ياسين متضربش اختك ياسين وكان عنده 11 سنين: اضرب مين والله ما ضربتها شمس: ضربتني ياسين بغيظ: طب تعالى علشان اتعاقب على حاجه عملتها أدهم وكان عنده 13 سنه بصرامه: ياسين متضربش اختك Back أدهم بتصحيح: يعني....... عيب وكده ابتسم ياسين وشمس ابتسامه أظهرت غمازات كل منهم وقالا في نفس الوقت: متخافش مش هضربها / هيضربني شمس باستفزاز لياسين: ميقدرش اصلا ياسين ضربها على قفاها بغيظ وقال: يتطلعيلي لسانك يا شبر ونص انتي شمس بغيظ: شبر ونص طب تصدق تستاهل اللي حصل في عربيتك ياسين بحذر: عملتي في العربيه ايه شمس ببراءة مصطنعه: ولا حاجه هو كام خدش على اليمين وخدوش كتير على الشمال واااه الفانوس اللي من وراء اتكسر عدي: دي العربيه راحت ياسين جرى لبرا: عربيتي شمس بضحك: اطلبلها الإسعاف يا اخويا عمر بشك: معملتيش حاجه فيها صح شمس: صح بس يستاهل بقى انا شبر ونص عمر: والله مش لوحدك انتي وباقي العصابه يا اختي شمس بتذكر: ااااه صحيح فين المطبخ ده لأحسن البت حبيبه تاكل حاجه غلط وبعدها نروح للمستشفى بدل ما نكمل الفرح قبض قلب عدي فهو لا ينسى شكلها وهي تجاهد للتنفس وكم تقطع قلبه لأجلها عمر: لا يا شيخه كفايه المره اللي فاتت ده انا قولت مش هتقوم منها وبعدين ده بدل ما تقولي يعملوا مصيبه في المطبخ شمس بمرح: لا مهو ده اساسي فين المطبخ بقى عمر: أعوذ بالله منكم عصابه ويا ستي المط..... شمس بمقاطعة قالت بغموض: تعالى وديني هناك عمر بصلها وقال: مش مطمن بس يلا شمس وعمر مشيوا وقال زين لعدنان: هو الكافيه فين هنا عاوز اشرب عصير عدنان: هناك تعالى عاوز أشرب انا كمان بعد ما مشيوا ضحك أدهم بصوت عالي سليم: يا عيني الواد اتجنن فهد: متعملش في نفسك كده يا ادهم سيف: مالك يا أدهم أدهم وقف وقال: متغيروش يا سيف كنت فاكرهم اتغيروا بس زي ما هما الحمد لله الحمدلله مالك: في ايه انا مش فاهم حاجه أدهم قعد وقال: واحنا صغيرين كان دايما ياسين وشمس يتخانقوا كأنهم مولودين فوق بعض مع اني الفرق ما بينهم 4 سنين وكمل بضحكه حزينه وعشق وملك دايما يتخانقوا مع بعض كنت انا اللي بحجز ما بين شمس وياسين اما عشق وملك احنا التلاته كنا بنحجز ما بينهم ولو شمس وعشق وملك اتخانقوا ابويا ذات نفسه ميعرفش يحجز ما بينهم الوحوش قعدوا وقال جاسر باستغراب: مين ملك وعشق دول؟؟؟ أدهم بصله وقال بحزن شديد: ملك وعشق توأم شمس سيف بصدمه: توأم شمس سليم باستغراب شديد: اختك عندها اخوات توأم طب هما فين أدهم بصله وقال بابتسامه مكسوره: ماتوا من 14 سنه ماتوا مع ماما وجدي سليم بصله بحزن شديد فاصعب شي هو الفراق وهو لم يفقد أمه وجده فقد بل اختيه الصغيرتين أيضا أدهم كمل: ماتوا قدام شمس انا مزعلتش اني شمس لما قابلتني اتكلمت ببرود انا زعلت عليها افتكرتها متطلعتش من الدوامه السوده اللي كانت فيها لسنين طويله دى شافت توأمها هما الاتنين وماما وجدي بيموتوا قدامها هي دخلت في غيبوبه ولما فاقت فضلت 3 سنين فاقده النطق عملت انا وياسين كتير علشان ترجع زي الاول بس معرفناش مسح دموعه وقال بفرحه: علشان كده ضحكت علشان هي رجعت تاني زي الاول حتى لو مش مع الكل ومع ياسين بس اهم حاجه انها رجعت تألم قلب آسر وبشده عليها لما مرت به مالك: طب هما ماتو ازاي؟؟! أدهم: مش عارف فهد: نعم ازاي؟؟! أدهم: لما حصلت الحادثة دي كانت شمس وملك وعشق عندهم 8 سنين وياسين 12 سنه وانا 14 سنه وانا وياسين كان عندنا إمتحانات وبابا عنده شغل كتير فشمس وماما وملك وعشق سافروا تركيا ومكناش قلقنين عليهم اوي لاني جدي عثمان كان معاهم بس بعدها بيومين جيه لبابا خبر موت جدي وامي وملك وعشق واني شمس دخلت في غيبوبه بابا لما سمع الخبر دخل هو كمان في غيبوبه لانه كان بيعشق ماما اوي فما بالكم بخبر موتها هي وبناته وانا وياسين مقدرناش نسافر لأننا تحت السن فضلنا على الحال ده سنتين لحد ما بابا فاق سليم بذهول: سنتين وشمس طيب أدهم: سنتين واحنا مش عارفين نوصل لشمس بس لما سافرنا مع بابا الدكتور اللي هناك قلنا اني شمس فاقت بعد دخولها في الغيبوبة 6 شهور ومش بتتكلم مع حد خالص ماما والباقي ادفنو في تركيا ومعرفناش ماتوا ازاي عدي : ومسالتوش شمس ليه أدهم بوجع: عملنا كده بس هي مكانتش بتتكلم ولما رجعت تتكلم وسألنها كانت بتعيط بهستريه وبتصرخ باسمهم فقدنا امل اننا نعرف خالص سيف: طب ومحاولتوش ليه بطريقه تاني غير من شمس أدهم بحيره: حاولت واللي اوصلتله حيرني اكتر الوقت اللي ماتوا فيه عربية جدي كانت عامله حادثه في طريق مقطوع في غابه في تركيا وفي نفس الوقت بيتنا اللي هناك اتحرق والكاميرات كانت متشفره اليوم ده كله حتى اللي على الطريق السلوك كانت مقطوعه وماما وجدي وملك وعشق ادفنوا وشمس كانت في غيبوبه لكن ماتوا ازاي وفين معرفش أسرار كتير ملقتش ليها اجابه مالك: والاجابه مع شمس ومتقدروش تسالوها ايه الغموض الشديد ده أدهم: معرفش يا مالك والمشكله اني الموضوع حصل في تركيا واحنا فضلنا سنتين علشان نعرف نسافر وملناش حد من عيله بابا خالص وعيله ماما كان آخرهم جدي عم السكوت قاطعه سليم وهو بيقول بمرح يكسر الحزن ده: بس ايه ده ياض يا ادهم انت عندك غمازات واخواتك هما الاتنين عندهم غمازات ايه العيله ده أدهم بضحك: لا وملك وعشق برضو كان عندهم فهد : يا راجل أدهم: بابا وماما عندهم غمازات ومزز هنطلع لمين يعني سليم بمرح: للحج والحجه أدهم بمكر: بس تعرفوا انا شاكك مين اللي رجع مكه لطبيعتها عدي: مين؟؟؟! أدهم بخبث: البنات صحاب شمس سرح كل واحد من الوحوش وظهرت لمعه عيونهم وابتسامه جميله على وجههم أدهم حط ايده على خده وقال: هاااا وايه كمان يا نحنوح منك ليه فهد بانتباه: في إيه ياض احنا قولنا حاجه أدهم بمرح: مش محتاجين كلام عيونكم فاضحنكم اساسا وقالت عدي: يا سلام وقالت ايه يا خفيف أدهم بغمز: قالت انكم وقعتو يا وحوش فهد: تصدق انك رخم اوي -لا تصدقوا انكم كلكم رخمين أوي مالك: في ايه يا زين مالك زين بغيظ: مالي ده انا بقالي ساعه بلف عليكم وانتوا قاعدين هنا سيف برفعه حاجب: بتعلي صوتك على مين يلاه زين بخوف: مش عليكم يا وحش ده انا على سليم وفهد فهد : بيانلي الهيبه راحت يا فوزي سليم بمرح: اااه والله يا صلاح أدهم قام: طب يلا منك ليه نرجع مكانا تلاقي عمر هو كمان بيدور .......................................... اما عمر كان قاعد وبيفكر في اللي قالوه البنات Flash back شمس دخلت ولقيت آيات ومصطفى بيتخانقوا على جاتوه بطعم الشكولاته وحبيبه قاعده بتاكل كيك بكل برود وأمل وروان بياكلوا وبيشجعوا أو بيولعوا ما بين مصطفى وآيات عمر ضرب كف على كف وقال: يعني مفيش فايده حبيبه: انت جيت عمر: انتوا كنتوا عاوزني ولا ايه أمل: اااااه انا مسافره الصعيد عمر: ايــــه أمل: ايه يا عم طرشتني عمر بصدمه: م ايه يا اختي مسافره الصعيد بعد السنين ده طب ليه أمل: ما انا افتكرت خلاص يا عمر عمر بصدمه أشد: افتكرتي أمل ونظرات عينيها أصبحت مخيفه وتحولت إلى الحمراء: خلاص يا عمر جيه وقت الحساب عمر بخوف: ناويين على ايه يا عصابه شمس ابتسمت بخبث شديد وقالت: على كل شر طبعا Back -عمررررررررر مالك عمر بفزع: ايه يا سيف في ايه أدهم: هو ايه اللي في ايه انت مش شايف نفسك بقى لينا ساعه بنادي عليك زين: في ايه ياض مين في عقلك عمر: ولا حاجه انا.......... اااااااه ايه يا ياسين ايدك يا جدع ياسين كان جيه من وراهم وضربه على قفاه بغضب وقال: مين يا حيوان اللي عطى ريتا رقمي ها عمر بغيظ: وانا مالي يا عم وانا اعرف منين ياسين بغيظ: ما هو مفيش حد معاه رقمي في الشركه غيرك انت وعمران بيه هيبقى مين يا هباب ها عدنان: يا عم انطق واخلص وقوله انه انت وخلاص عمر: اقول واخد علقه منه ده ايده تقيله اوي زين: خلاص يا ياسين اقعد واحكولي بالله عليكم ايه اللي حصل في العيد وقتها ياسين بغيظ: وليه الفضايح يا عم عمر بضحك: يا لهوي يا زين كان عيد مفيش منه اتنين زين بحماس: طب احكي احكي عمر: بص يا سيدي كنت بايت عند ياسين في الليله دي و........ Flash back الله أكبر الله أكبر الله أكبر لا إله إلا الله ياسين بغضب: شـــــمــــــس شمس: ايوه يا سنسن يا حبيبي مالك ياسين: مالي ايه... ايه ده ها شمس: أيه جلابيه بيضه ياسين: جلابيه بيضه بتاعه واحد في 3 اعدادي جلابيتي فين شمس: اسم الله عليك يا اخويا ما هي دي ياسين: يا سلام ماشي اروح احضر الصلاه بلبس عاد...... يا نهارك اسود الهدوم كلها فين شمس من وراه: في الغساله اصل لقيتهم متربين ياسين: اروح الصلاه بايه دلوقتي انطقي شمس: بدي طبعا ياسين: لا يمكن وبعد 10 دقايق الباب خبط وفتح ياسين وكان عمر وعمر لما شافه كده قعد يضحك ضحك السنين ياسين: بتضحك على ايه جاتك خيبه ما انت لابس زي عمر بضحك: بصراحه متخيلتهاش خالص ياسين زقوا لتحت وقال: طب قدامي يلا يلا عمر بضحك: طب متزوقش طاه نزلوا ولقيوا خالد ومصطفى نفس الحال وإذا بمصطفي وعمر ينفجروا في الضحك خالد: الكلاب ماشي ياسين: يلا الإمام خلاص دخل الكل الجامع وكل اللي هناك ضحكوا حتى مصطفى وعمر ضحكوا معاهم ياسين: ااااه يا كسفتك يا ياسين اااه وبعد الصلاه طلع الكل علشان يدبح وهناك البنات كانوا واقفين ولما شافوهم قعدوا على الأرض من كتر الضحك حسن بضحك: ايه اللي عاملينه في نفسكم ده عبد الرحمن: يا لهوي انتوا صليتوا كده جمال: عملتوا فيهم ايه يا مجانين آيات: بس يا جدعان نبدأ الدبح ياسين شمر ايده: صلوا على رسول الله وطلع يجري وراء شمس ياسين بغيظ: ياجذمه ضحكتي عليا الناس منك لله شمس بضحك وهي بتجري: ايه يا ياسين خلي خلقتك استرتش مش كده خالد مسك روان من هدومها من وراء زي الأرنب وقال: بقى انا واحده شبر ونص زيك تعمل فيا كده روان بغمزه: روق بس يا ابو الخوالد Back سليم بضحك شديد: يا لهوي هو في كده يا ناس ياسين: وحياتك وانقح من كده زين بضحك: شوف يا مالك علشان متقولش عليا مجنون بعد كده اهو هو ده الجنان اللي على أصله مالك: ما انا عارف يا اخويا سيف بغموض: بس انت يا عمر قضيت معاهم العيد ازاي طب وابوك وامك عمر: الكلام ده يا سيف العيد اللي فات ابوك وامك والعيله كانوا في الصعيد عند جدك وجدتك أما أنت وادهم كنتوا في الكتيبه أدهم: بس انت قولت انك معاهم؟؟؟! عمر: ما انتوا متعرفوش اني انا اول يوم قضيته مع العصابه وتاني يوم سافرت الصعيد ليهم فهد بضحك: بس انتوا ايه اللي خلاكم تصلوا كان بلاها العيد ده ياسين بغيظ: في ليله العيد عملنا رهان وهما كسبوا وقالوا نصلي العيد بكره مهما يحصل واحنا قولنا ماشي مصطفى من وراهم بضحك: اتاريهم كانوا ناوين على مصيبه من مصايبهم عمر: ده على اساس انك مش معاهم على طول في المصايب دي سليم باستغراب: انت يا ابني انت والأستاذ اللي قاعد جمبي ده طوال كده ليه عدنان ومصطفى في صوت واحد: خلقت ربنا هنعترض عدنان قعد يضحك وزين قال: بس بصراحه متوقعتش تكون 17 ابدا لا جسم ولا طول مصطفى بمرح: والله 17 زين بصدمه: يخربيت طولك مصطفى بمرح: خمسه في عينك عمر بص بمكر لادهم وقال: تعرف ياض يا زين انتي لازم تيجي الحاره هناك في مره والله هتموت على نفسك من الضحك زين بعدم فهم: حاره ايه؟؟؟ مصطفى وياسين بصوا لعمر وفهموا هو قصده ايه عمر: أصله البنات عايشين في حاره شعبيه بس معروفين هناك اوي الكل عارفهم من جنانهم ومصايبهم مصطفى: تعرف ياض يا عمر انت فاتك نص عمرك ده احنا جبنا من عم موريس سمك وشوناه وبعده التحليه والبت مكه كانت عامله بسبوسه بالقشطه وكيكه وكنافه والدنيا كانت هايصه ولا ايه يا عدنان عمر بذهول: أنت كنت معاهم عدنان بضحك: ساكن في نفس الحاره انا واخواتي وعزموني انا وتمنى وماهيتاب على الغداء وبصراحة معاه حق فاتك نص عمرك ههههههههههه عمر بتذمر: يا كلاب ومحدش اتصل بيا ليه ياسين: نور بعتتلك بس انت قولتلها عاوزه أين جاتك القرف علشان كده مرضيتش تقولك عمر: انا اصلا مكنتش اعرف انهم جم والله ده ظلم وانا برضو عاوز مصطفى وياسين: هههههههه عمر بتذمر: اضحكوا والله لأقول لعم حسن اخليه يظبتكم مصطفى: حد قالك زعل العصابه زين بانتباه: ايه انت قولت ايه العصابه مصطفى: اااااه البنات معروفين بالاسم ده وانا واحد من العصابه مالك: انت تعرفهم ولا ايه زين بتذكر:5 بنات في طب واسمهم العصابه ااااه افتكرتهم تصدقوا معاكم حق دول مجانين عدي: تعرفهم يعني يا زين زين: أصله وانا في آخر سنه ليا في الطب كانت فيه في سنه أولي 5 بنات بيقولوا عليهم العصابه وبصراحة كانوا باردين جدا مع جنس الرجال وعدائين مع اللي يقرب منهم ده حتى في مره Flash back زين كان بيشرب عصير في الكافتريا بس حس بهدوء عم المكان فبيبص حواليه لقى ترابيزه عليها بت وفي واحد بيحاول يجر معاها ناعم فهي قامت وهوب دوي صراخ الشاب بسبب كسر حبيبه لزراعه وقامت بمسك راسه وضاربه في الحائط وبشده واخدت ورقها ومشت ببرود Back أدهم بمكر: طب كانت أنهى واحده فيهم زين بتفكير: على حسب ما اتذكر كده البت اللي لابسه فستان باللون الأسود اشتدت ملامح عدي وبشده فكيف يجرا احد على المساس بها فهي ملكه فقد ولا يحق لأحد آخر النظر إليها وتحولت عيونه إلى الأحمر وضغط على يده بشده كي يتحكم في غضبه اما أدهم فابتسم بغموض زين: وبيكرهوا التنمر اوي تقريبا اكتر حاجه بيكرهوها تحولت وجه مصطفى من المرح للجمود وقال بجمود: محدش بيحب التنمر ابدا بصله الكل باستغراب من تغيره المفاجئ ماعدا عمر وياسين اللي بصوله بحزن وقلق في نفس الوقت مصطفى: ياسين انا عاوز اشرب قهوه ينفع تيجي معايا ياسين: تعالى يا مصطفى تعالى عدنان: ينفع اجي اشرب معاكم لاني حاسس بصداع ياسين ومصطفى وعدنان مشيوا أدهم: عمر انت تعرف ياسين والبنات دول من امتا عمر: من سنين كتير يا أدهم ليه؟؟؟ سيف: طب عرفتهم ازاي؟؟؟ ..........................................
Sabreen الفصل ده فيه كشف أسرار وأسرار جديده امشوا مع تيار الروايه وفي النهايه هتفهموا
