جـمـرات نـارهـم

البارت الرابع

رغم اليوم ماعندي وقت هواي بس من طلبتو مني بارت وشفت توقعاتكم وحماسكم للقصة غصب عني خصصت وقت وكتبت بارت قصير شوية عذروني 😁

وسألتوني عن الفيديو بنات موضحة ألكم الفيديو يخص فرح كاتبة اسمها فوگ الفيديو

لا تنسون التصويت تفاعلو

#جـمـرات_نـارهـم

#بــقــلــم_بـتـول_حـسـيـن

للتواصل حساب الانستا 7bt_5y

يوزر وحساب الواتباد Batol99Hussein

#الـبـارت_الـرابـع

-------------------------------------------------

#فرح

انـه المالي كـل احباب
انـه الماينفگد لو غـاب

---------------------------------------------------

فـرح ::- ما اعرف شلون غفيت بس فزيت واني مختنگه ما اگدر اتنفس اكو شي بمنع الهوى عني لمن گعدت وستوعبت جان الاعور قريب مني كلش وضاغط بأيدة على رگبتي ويخنگ بيه بقوة حسيت روحي تريد تطلع وما گدرت ابعده عني ضليت ارافس جوه ايدة وروحي بدت تطلع مني

من وصلت لهاي المرحلة تركني حاولت اتنفس بكل قوة باقية عندي صرت اتنفس واگح بقوة بنفس الوقت وهو گعد على الجرباية ومخلي رجل فوگ رجل ومبتسم بمنظري

كل خليه بجسمي صارت ترجف حلگي نشف دموعي ما تقبل تتوقف نبضات گلبي يصارعن بقوة حتى يضلن ينبضن وما يتوقفن

ضليت احاول انظم انفاسي واهدء نبض گلبي وخوفي وهلعي من هذا المجرم الگاعد قريب مني عيونه تراقبني بدقة وحذر

وعيوني تتفحصة وبيها هواي تساؤلات ليش هيج سوه بيه يريد يقتلني معقولة كشفني او يريد يعذبني او يريد يعرف شي او اووووووو هواي تساؤلات

گام من مكانه واخذ گلاص مي تقرب يمي ومد ايدة بيها گلاص مي

الاعور ::- اكيد تعبتي بعد صراع طويل ويا روحج حتى ما تخليها تغادر جسدج

فـرح ::- زاد خوفي من كلماته الينطقها بكل برود وابتسامة وزادت نبضات گلبي وكأنما صارن يتمردن عليه ويگولن شنو جابج لهذا المكان

مديت ايدي حتى اخذ گلاص المي منه بس بحرگة سريعة شمر المي على وجهي شهگت بقوة وتراجعت واني ازحف لنهاية الجرباية

الثواني والدقائق والساعات العشتها بهذ البيت ويا هذا المجرم مستحيل راح انساها بكل ثانية احس روحي تتوسل بيه حتى تطلع من هذا الجسد وتخلص

دب الرعب بگلبي وبكل خلايا جسمي وقشعر كل جسمي بسبب الرجفة الصارت بكل جسمي واني اشوفة يضرب طرف الگلاص بتاج الجرباية ويتقرب مني والگلاص بيدة