جـمـرات نـارهـم

البارت الثالث

مساء الخير يبنيات ليش هيج التفاعل شبه معدوم بالفيس والواتباد يعني البنات اليعلقن ويصوتن معدودات كلش ميصير هيج ليش تروحون تعبي والله صار يومين صداع موتني ورغم هيج جبرت نفسي اليوم وكتبت بارت واعرف شوية قصير بس انتم ما تسون واهس والله يعني تفاعلكم فد مره صاير

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الـثـالـث

--------------------------------------------------

الأجزاء المتبقيه مني تتأكل ، ولكن في صمت وثبات هائل...!

--------------------------------------------------

مـيـسـم ::-   هذا نفس الشخص اي والله هو نفسه معقولة ما عرفني بسرعة درت وجهي عنه وابتعدت رحت وگفت بصف وجدان ما اعرف ليش جسمي كله صار يرجف خفت يعرفني او عرفني

وبعدين تذكرت هو يعرف فرح لان ساعدها بيوم حادث الاغتصاب باوعت الولد ما موجود رحت ادور على فرح حتى احذرها فرح هم ما موجودة

وين راحت فرح بسرعة وجدان انتبهت على فرح ما موجودة تخبلت عبالها شردت طلعت برا وصارت تسأل الحراس

اطمنا من گالو هنا بهذا محل الاحذية يصير گدام محل العطور دخلنا لمحل الاحذية المحل كلش جبير ضليت افتر شفتها واگفه

فرح ليش طلعتي بدون متگولين وجدان صارت عصبيه غير تحچين بسرعة اختفيتي سمعت وجدان تحچي ألتفتت جانت تخزر فرح وترزل بيها

فـرح ::- عيني وجدان ما اقصد اول مشفت المحل والاحذية وجمالهن اخذتني رجليه للمحل ونسيت اگلج

وجـدان ::- والله وكبر راسج وطلع لسانج بعدج ما رحتي لبيت الاعور اتعلمي يا غبيه عرفتج ذكية اني شبيج من وصلت لهذا الشي صرتي قمت الغباء

مـيـسـم ::- غمتني بحرگة وراحت وفرح تضحك بخباثه هزيت ايدي عليهن ثنينهن ورحت گعدت وحدي وبعدها رجعنا واول ما دخلنا وجدان اخذت كل شي يخصنا

وصارت مشكلة بينها وبين فرح وهددتها ورجعت الملابس والاحذية للبنات اني ما اخذت شي ولا لبست شي كلها البنات طايرة من الفرح بجمال الملابس ولبسنهن نامن بيهن

بس وجدان منعتهن يطلعن بيهن الصبح بدلن الملابس وطلعن كل وحدة لشغلها واني للمطبخ الشغل بالمطبخ كلش متعب بس اهون من ذلة الشوارع

فرح كشخت من الصبح وطلعت لصالون رجعت العصر جانت كلش حلوة گاصة شعرها تدرجات ومغيرة لون شعرها واللبس والمكياج خلاها شخص ثاني