صحى من النوم على اتصال : هلا
ذياب : لمتى وانت راقد !
بعد وسام الجوال عنه و شاف الساعه ، فز من شافها 6 المغرب : ولله راحت علي نومههه
ذياب : تراك مستلم اليوم امش
زفر وسام ب ملل و هو يقفل ، التفت حوله ولا لقاها ولا لقاء عايض ، دخل الحمام " الله يكرمكم " عشان يبدا يتجهز ل الدوام ، طلع و لبس بدلته و حط سلاحه بخصره و اخذ اغراضه و طلع : فيه احد !!
ام حامد : تعال وسام مافيه احد
دخل وسام و ابتسم و هو يسلم على راسها : ارحبي ارحبي ارحبيييي
ضحكت ام حامد بخفه : ابطيت ياولدي
ضحك وسام بخفه : حقتس علي يايمه وين فطوم
ضربته ام حامد بخفه : مافيك طب انت راحت ل ام سلطان عازمتها
وسام : وين البنات !
ام حامد : مع ابوك ب الحوش
باس وسام راسها و طلع للحوش : يا مرحبااااا
قامو البنات يسلمون عليه و يحضنونه مشتاقين له حيل ، تقدم وسام و سلم على ابوه : وين روح و عايض !
ريحانه : عند عمي محسن
ابو حامد : ممداك ترتاح الا بتداوم
ضحك وسام بخفه : الشكوى لله يا يبه حتى اجازتي خلصت امس بس ممداني اداوم ولازم اروح
ابو حامد : الله يوفقك يابعدي ، دخل وسام للمجلس و سلم على جده و طلع ل بيت عمه محسن ، دق الباب و فتح ابو رسن : يا هلا
ابتسم وسام و تقدم يبوس راسه : شحالك ياعم
ابو رسن : ابد الحمد لله شنوحك انت
وسام ببتسامه : على ما تحب
ابو رسن : ادخل ادخل ياولدي ، دخل وسام مع عمه و اتجهو لصاله و لقاها جالسه و تلعب عايض ب سبحة ابوها : ارحبب
ضحكت روح من شافته : اخيراً قمت ، تقدم وسام و باس راسها و جلس جنبها و اخذ عايض لحضنه : ولله من التعب ما حسيت ليه ما قومتيني
روح : حرام عليك !! حتى عايض ما خلا شي و تقول ليه ما قومتيني
ضحك وسام بخفه : ولله ما حسيتتتت
روح : مداوم صح !
هز وسام راسه ب ايه و نطقت : بتطول !
وسام : ولله مدري يمكن
روح : عادي تاخذني معك !
هز وسام راسه ب ايه : بس وين ؟
روح : عند ديمة
ضحك وسام بخفه : يليل يا هديمههه ذي
روح بضحك : حرام عليك
وسام و هو يقوم : اجل باخذ الشيخ معي و ننتظرتس بالسياره
طلع وسام بعد ما سلم على عمه الي كان يكلم ب الحوش و اتجه لسيارته ، ركب و عايض بحضنه و شغل السياره و رجع ل بيت عمه محسن ينتظرون روح ، طلعت روح و ركبت معهم و اتجهو لنجد
قام بانزعاج من صوت الجوال : نعم
عبدالرحمن : نعامه ترفسك يا تبن وينك فيه سنه عشان ترد
وخر أمجد الجوال عن اذنه : صوتك مزعج ترا
عبدالرحمن : امش للمركز بس لا اجي افجر راسك يا تبن
قفل عبدالرحمن و ناظر أمجد لساعه ، فتح عيونه بصدمه و التفت ولا لقاها جنبه ، دخل للحمام " الله يكرمكم " عشان ياخذ له شور يصحصحه ، لبس بدلته و اخذ اغراضه و نزل ، لقاها جالسه ب الصاله و تكلم ب الجوال و واضح انه ابوها ، ابتسمت من شافته و قفلت : مبغينا
ضحك أمجد بخفه و هو يتقدم لها : ولله من التعب لا تلوميني
ضحكت أمل بخفه : حاسه فيك ولله ، مداوم !
هز إمجد راسه ب ايه و نطقت : اجل خذني للبنات
أمجد : وينهم
أمل : ببيت ديمه
قام أمجد : انتظرتس بالسياره ، طلع أمجد و راحت أمل تتجهز و نزلت له و اتجهو لبيت فيصل ، نزلت أمل بعد مليون توصيه من أمجد و اتجه للمركز .
وسام : اذا ودتس تشوفين رسن ترا بيتهم ذا
هزت روح راسها ب ايه : بتجي هي لا تحاتي
وسام : زين اجل اذا احتجتو شي دقو علي
روح ببتسامه : ابشر
باس وسام يدها و باس عايض و نزلت و انطلق للدوام .
YOU ARE READING
الروح إذا آوت دأوَت و إذا أَحبت أحيت
Poetry" الروح إذا آوت دأوَت و إذا أَحبت أحيت " القصه : قريه يجمعها الحب و الموده هاديه جداً بعيده عن المشاكل لكن في يوم و ليله تصير مشكله بين اعز الاصحاب " سيف " و " محسن " بسبب مشكله يجهلها الكل تقريباً و ينصدم الكل بان كيف سيف و محسن يفترقون بعد ما كانو...
