دخلو البيت و هم ميتين من التعب ، رما وسام نفسه على السرير حتى بدون لا ينزل ثوبه او يبدل ، و للاسف انه غفى من جد ! ضحكت روح بخفه و هي تبدل ل عايض الي كان نايم تقريباً ، سدحته جنب وسام و نام على طول ، نزلت اغراضهم و طلعت من الغرفه ، استغربت من الجو الهادي و كان البيت فاضي ، دخلت لصاله ولا لقت احد رجعت للغرفه عشان ترتاح شوي من تعب الخط .
فتح الباب : تعالي
أمل : أمجد وين جايبنااا
مسك أمجد يدها : تعالي يا بنت الحلال
دخلت أمل مع أمجد الي شغل الانوار و نطق : تدرين ان تو ما نور البيت !
ابتسمت أمل : بيت مين
أمجد : لا عاد شدعوه وش الغباء ذا ! بيتنا طبعا
أمل : كيف ؟؟
ضحك أمجد بخفه : بيتنا الي بنملاهه ورعاننن كم تبين عشر ولا عشرين !
فتحت أمل عيونها بصدمه : حشى !! ارنب مب ادميه
انفجر أمجد ضحك : تعالي اوريتس
أمل : يعني ما بنسكن عند عمتي ؟؟!
هز أمجد راسه ب ايه ، و عبست أمل : ليهه
أمجد : ودتس تسكنين معهم !
هزت أمل راسها ب ايه و نطق أمجد : يناس يناس انا شسوي فيها يناس
تقدم لها و باس راسها و نطق : اجل نرجع الديره لعيونتس و نسكن هنيه ل نقل وسام
أمل : وسام بينقل ؟
هز أمجد راسه ب ايه : بيته الي قدام بيتنا بس لا تزلين قدم روح ترا بيفاجئها فيه
ابتسمت أمل بهدوء و طلعو يتمشون ب البيت و يشوف اذا عجبها ولا لا ، دخل أمجد الاغراض الي كانت معهم و بدلو و نامو عشان يرتاحون و يمشون لديره لما يصحون .
دخل عبدالرحمن البيت و رما نفسه على الكنب بتعب ، دخل يدينه بشعره و هو يرجعه لورا و صرخ : رنيمممم
فزت رنيم : بسم الله
التفت عبدالرحمن و شافها ب المطبخ : ول ما شفتس
رنيم : كم مره بقول لا تصرخ !
ضحك عبدالرحمن و هو يتقدم لها و يبوس راسها : حقتس علينا يا ام لليث
رنيم : الحين ليه لليث ! ليه مو عبدالله
عبدالرحمن : لاني انا ابيه لليث
تخصرت رنيم و نطقت بعناد : ولاني انا ابيه عبدالله
عبدالرحمن : تخسين
ضحكت رنيم : خير !!
ضحك عبدالرحمن من ضحكتها : شوفي السنه ذي لليث و السنه الجايه عبدالله
رنيم : ليه مو السنه ذي عبدالله و بعد خمس سنين لليث !
فتح عبدالرحمن عيونه بصدمه : ايش ! خمس سنين
رنيم : ليه وش شايفني ؟
عبدالرحمن : خل نتفق اذا جاء و سميتيه لليث عندتس مهله سنه و نص
ضحكت رنيم : يا خوفي ماهو لا لليث ولا عبدالله
ضرب عبدالرحمن راسه بخفه : لا تكفين .
دخل سلمان للمركز و هو يدندن و يرقص بسلاحه الي بيده : ولا كانك متصاوب قبل كم يوم
سلمان : طس عن وجهي لا اثور ذا براسك
سلطان : تدري انك مريض !
سلمان : تدري ليه ؟
سلطان : ليه
ضحك سلمان بسخريه : لاني خاويتك ، ما سكت سلمان الا ضغط سلطان على كتفه ، دقه مع بطنه بخفه : مريض انت
سلطان : لاني خاويتك اجل !!!
عبيد : سلطان ، التفتو ل عبيد و دقو التحيه : فيه تطور ب موضوع سالم !
هز سلطان بلا و نطق : لا كان الارض انشقت و بلعته
عبيد : ماني مستوعب للحين انه صاوب سلمان و بالمركز !
سلطان : المسافه بعيده شوي و السلاح عليه كاتم لان حتى الكمخه ذا ما درا الا و الرصاصه بكتفه
ناظر فيه سلمان بطرف عين : كانك تسبني !
جاء ذياب الي ضرب راس سلمان ب الملف : اخبارك
حك سلمان راسه ب اللم : صرت بخير ابشرك
ذياب : وسام جاء
سلطان : لا تكفىىى يليل
سلمان : ابك ذا وش جابهه و التبن صدق
ذياب : و لازم نعلمه دقيت عليه ولا رد شكله غاطس
عبيد : متاكد انه جاء !
ذياب : ايه ابوي قال لي و حتى أمجد ارسل لي انهم وصلو
سلمان : وين التبن دحوم
سلطان : كان مناوب بالليل قبل شوي بصم و طلع
تنهد عبيد : هلك نفسه ولله
ذياب : مريض قسم ، تفرقو العيال و كل واحد اتجه لشغله .
YOU ARE READING
الروح إذا آوت دأوَت و إذا أَحبت أحيت
Poetry" الروح إذا آوت دأوَت و إذا أَحبت أحيت " القصه : قريه يجمعها الحب و الموده هاديه جداً بعيده عن المشاكل لكن في يوم و ليله تصير مشكله بين اعز الاصحاب " سيف " و " محسن " بسبب مشكله يجهلها الكل تقريباً و ينصدم الكل بان كيف سيف و محسن يفترقون بعد ما كانو...
