روايه نصيبي اتى بك
للكاتبه : ويسي المسماري ❤️✨
الحلقه السادسه ✨
.
.
في اليل حوراء خايفه يرن عليها رجب لانها ماعندهاش مزاج تحكي معاه وماتبيش اتخون منذر الي مش جايب منها علم المهم .
وعت حوراء في الصبح لقت مكالمات فائته من رقم غريب ع تليفونها تعوذت من الشيطان وصبت صلت صلاتها وقعدت ترجا في الغداء وهي ترجا في الغداء رن تليفونها لقاته نفس الرقم تأففت
امها /كنك ي حوراء
حوراء /شي صاحبتي سكنت
امها /عدي احكي معاها مازال الغداء راه
حوراء /باهيي
امها /كنك رايحه قليله ادب ي بت
حوراء /ما كني شي وعدت رجت المكالمه نين كملت وجت تبي تطلع رد رن
حوراء /الو
رجب /الو صباح الخير معليش ازعجبتك
حوراء /لا مافيش مشكله غير وقت غداء
رجب /اي معليش املا توا نعاود عليك بعدين
حوراء /تمام اوكيه
__________________
مر اسبوع ع حوراء وبدت تحكي فيه مع رجب نوعاً ما اطمنتله بس مره مره اتحس انه مش طايقها ولا مايبيهاش :
رجب /اسمعي ي حوراء نبي ندير تلبيسه راه
حوراء /بسم الله خلينا انتعرفو ع بعضنا اكثر اشوي بسم الله
رجب /لالا تعرفنا خلينا انطقو في العشرين
حوراء/لدرجه هذي محتاجهن
رجب /اها محتاجهن
حوراء مضايقه /باهي ع راحتك
رجب /تمام اختي توا تجيك اتفاهم مع هلك بكرا
حوراء /مرحبا بيها
رجب /تمام اوكيه توا عندي شغل
حوراء /اوكيه
حوراء سكرت منه وهي مضايقه مش هكي هوا خبط لزق وكانت قايله لهلها انه فتره خطوبه طويله بعدين تلبيسه وفاتحه كان وافقت طلعت ع امها
حوراء /ماما راه رجب بكرا جايه اخته
امها /يييه مادرت شي عليش جايه
حوراء/يحددو التلبيسه
امها /باهي مبارك نمشي ندز خوك ع حاجات
حوراء /اصبري ي ماما
امها /نعم كنك
حوراء /مش ع اساس كنا متفقين انه فتره خطوبه
امها /وكنك ما قلتيها له انتِ خطيبك وتحكي معاه
حوراء / ي ماما ماعطانيش فرصه ونا معش نبي الميز هذا كله
امها /كيف هذي بعد عطينا الراجل كلمه
حوراء /عادي مافيها شي الناس كلها تخطب وتفسح مش كارثه
امها /عدي قوليها لبوك نا مانقدر اندير شي بعدين ي بنتي يهديك ربي الراجل اكويس وعطينا كلمه والعرب ايش تبي اتقول علينا بعدها غير صلي استخاره قبل صدقيني ربي توا يسعدك
حوراء سكتتت وعدت وهي معش عندها نيه ادير شي
_______________
ثاني يوم في الصبح ام حوراء كريمه (نسيت انقول اسمها ي جماعه 😂) المهم لمت الحوش ونوضت بناتها يساعدنها ودزت ع حلو ومالح من برا عشان التقديم وحوراء مضايقه وتهزب :ليش الطروح هذن ي ماما قصه راه جايه مش مطوله
كريمه /شن تبيني نحطلها عصير وشوكلاطه مثلا
حوراء /اه عادي تمشي تروح مش فاضينلها
كريمه /ايواه عدي تحركي من قدامي حتي نوره العروس مافيك نكديه
حور / الي كيفها توا ادير في استشوار
نور /والله هي حوراء نديرلك شعرك
حوراء /عدي روحي حتي ايديا مانضفتهن زمعتها تبي تزوجني هي
كريمه /هييييي حي عليا نا توا اتروح عليا هذي كان اعمرت يوم بحق
نور/ من توا حاقده ع حماوتها والله ماتعمر
كريمه /تفائلي خير حتي انتِ نعلي نبي ننجلط وعدت تندب في حظها
____________
رايكم يهمني وتوقعاتكم ع القصه بنات ؟
معليش طولت كان عندي ظروف ومش قادره نركز نذكر الاحداث ❤️
enas_almsmire
