روايه نصيبي أتى بك ❤️
للكاتبه : ويسي المسماري
الحلقه الثالثه ❤️
حوراء تبكي ع سجادتها يارب ايكون بخير يارب مش متحمله بلاه وينك ي منذر وتبكي يارب يرد عليا يارب مايطلعش كذاب يارب ماتخذلنيش حطيت امل فيك يارب
.
.
كملت قيام اليل ومشت لي تليفونها فتحاته لقت مسجات من منذر قلبها يدق وعيونها دمعو
منذر /فاضيه نحكي معاه
حوراء ارتبط لسانها ومعش عرفت شن اتقوله في كلام واجد في بالها /عادي
منذر /عطيني رقمك كان ماغيرتيش
حوراء /لا نفسه خمس ثواني ورن عليها
منذر /اسمعي ي بنت الناس معش ترجيني كملي حياتك وكان جاك النصيب عدي نا هلك مستحيل يوافقو عليا وعدي طريقك بيضا وماتوقفيش عليا
حوراء /شن تحكي انتَ مش منجدك صح ليا سنه نرجا فيك اتجي اتقولي هكي
منذر /معليش سامحيني حوراء
حوراء /ليش انسامحك وينك منذر وين عديت ولا مش قد اخر كلام قلته ليا ولا مش قادر اتقول نا عيل
منذر /حوراء صارولي ظروف
حوراء / شن هما الظروف الي مش قادره ادزلي مسج بس اطمني عليك ونا نرجا فيك وعارفني نرجا فيك
منذر /انتِ مش عارفه شي راك
حوراء /احكيلي معناها توا نوقف امعاك
منذر كانه كان يرجا فيها تسئله حكالها
حوراء /وفي بالك يعني نبي انسيبك عشان هك
منذر / مستحيل هلك يعطوك
حوراء /انت شن عرفك نا نوقف امعاك ونقعد جنبك
منذر /كل شي انتها حوراء وسكر
حوراء سكرت منه وقعدت تبكي ليش هكي ليش ورقدت ع مخدتها وهي تبكي لين غفت ووعدت ثاني يوم واول شي خطر ع بالها انتها كل شي حوراء وحست روحها في حلم يعني ترجا فيه سنه كامله يجي يقوللها هكي
وكلمت صحباتها منار وندي وقالتلهم وكانت الجامعه اسبوع وتبدا
.
.
ام حوراء /حوراء صبي عيت جدك جايين وخالاتك
حوراء في عقلها يييه/باهي يمي ومشت للحمام وحست روحها مازالت في الحلم ومش حلم عادي حلم يخوف وماتبيش تقعد فيه تمنت انها ماردتش عليه اصلا
ووصلو خالاتها.
خالتها نوره /شخبارك ي حوراء
حوراء/تمام
خالتها/حالك مش عاجبني
ام حوراء/من القرايا ياريتها ماخشت لهل قانون
خالتها نوره/غير قولي خير مش مفكرين تعطوها
حوراء اتقول حد حطلها موس في قلبها تذكرت كلمه كملي حياتك وكان جاك نصيبك عدي
ام حوراء شافت لبتها بعدها قالت /تبي انكمل اقريتها قبل ويجي صاحب النصيب زاد
كمل اليوم عادي ثاني يوم في العشيه طلعت حوراء هي وخواتها للسوق اختها حور اول سنه جامعه 2019تشري واختها نور زيها مدرسه ثانوي وحوراء كذالك
خشو للمحل حور ونور وحوراء عجبتهم لبسه قعدو يحكو عليها ياخذوها ويشوفو في الرقم حوراء لمحت حد يشبه لي منذر وخاش بي ولده انصدمت بحتت لقاته مش هو
نور/يبت كنك سرحتي
حوراء /هاه
نوره/تبي تاخذيها
حوراء /لالا هي نطلعو المحل مش حلو
حور /انتِ الي مش حلوه
وكملو تسوق وبدت الجامعه سنه ثانيه قانون وحوراء كانت مش مهتمه بقرايتها واجد وكانت اتجيب في معدلات ضعيفه وفي بالها اتسيب القريا
وكل يوم ترجا في منذر يخش عليها وخايفه يطلع ازوج ومش قادره اتسمع عليه اي خبر وكذالك منذر الي كل يوم ايفكر هل سمعت كلامه وعدت وتزوجت وخواته اثنين ازوجو وهوا وخوته وامه وبوه مأجرين في اجدبيا
.
.
.
رايكم يهمني ❤️
