نصيبي أتى بك

الحلقه الرابعه

روايه نصيبي اتى بك
للكاتبه: ويسي المسماري ❤️
الحلقه الرابعه
_معليش بنات الاحداث يمشو بسرعه لان البطله ماتبيش  تفاصيل واجد وانا مانبيش نكذب عليكن وان شاء الله يعجبكم سرد القصه لانه يختلف اشوي ع سرد قصصي سابقاً ❤️

بدت جامعه وحوراء يوم تمشي وعشره لا رنت عليها صاحبتها ندي تسئل عليها :
ندي /ي بت وينك رايحه كنك معش اتجي راك اتقوليلي عشان موضوع منذر
حوراء بدت تبكي /معش عندي نيه للقرايه بكل اتصدقي
ندي /معقوله واحد كيف هذا يضيع مستقبلك احلامك معقوله اتسيبيهن قوي روحك مش نهايه العالم
حوراء / والله كل يوم نرجا فيه مش قاعده حوراء الي تعرفيها الحب واعر ازعمه تزوج وجاه عيل خايفه يطلع نساني ومايطلعش يفكر فيا
ندي /وسعي بالك ي حوراء مش هكي 
حوراء /نبي نسيب ونخش نقرا معهد اداره اعمال وخلاص
ندي /مش من جدك صح تبي تسيبينا
حوراء /هذا الي يريحني معش قادره نقرا حتي لما نقرا نفكر فيه
ندي /وسعي بالك ي روحي ربي يفرجها عليك
حوراء /اوكيه توا نبي نمشي هلي يعيطولو ع العشاء
ندي /امتي ماتبي تلقيني قاعده تمام اوكيه
وسكرت من نديي ومشت لهلها قالتلهم انها تبي اتسيب القانون انصدمو بس احترمو قرارها وهي خشت تبكي في الدار انه حتي حلمها مش قادره اتحققه
( ربما ذره نافعه وعسى ان تكرهو شيئاً وهوا خيراً لكم )
طبعن مشت غيرت تخصصها حوراء وخشت اداره اعمال
تسريع للاحداث
طبعن بدت حوراء تقرا في تخصصها الي كان ثلاث اسنين وكان اتجيب في معدلات اكويسه اول سنه لها كان في 2019 السنه الثانيه كانت 2020 السنه الثالثه تخرجها 2021 وطول الفتره هذي ماطلعش من بالها منذر وزادت اتحبه بزياده وتخش عليه بس مافيش اي رد ( الممنوع مرغوب)وخايفه يطلع كمل حياته وتنصدم وخايفه تسئل حد عليه يجيبلها معلومات مايريحوش بالها وكملت اقريتها وقعدت في الحوش وهلها يبوها تزوج وتكمل حياتها لانهم يشوفو في بنتهم تذبل كل يوم قدامهم
وفي بالهم انها لما تزوج توا يتريحو عليها
________________
ام حوراء /خشي خشي تفضلي ي نورا
نورا/خير كيف حالك شخبار حوراء والبنات
ام حوراء / الحمد لله كيف حالك انتِ
نورا/جيتك فجأه
ام حوراء/مش بيناتنا فجأه كنك ان شاء الله خير
نورا/اسمعي معاي صاحبتي في المصحه النفسيه ادور الخوها في عروس ما شاء الله عليه الراجل كامل مكمل هبله كان رفضاته بنتك هذا
ام حوراء /والله الشور شور بوها وشورها ي خيتي لكن توا نقوللها ونرد عليك
نورا/تمام المهم ردي عليا بكره لان العرب مستعجلين
ام حوراء /عليش كيف في عيل يبو يطلعوه معاه
نوراء/لا غير يبي يلحق ع موضوع العشرينات الي يعطي فيهن ادبيبه
ام حوراء /اي فهمت ان شاء الله خير
وشربت نورا قهوه وسلمت ع بنات اختها وهدرزت عليهن اشوي وطلعت
_____________
ام حوراء /حوراء ماما نبيك في موضوع
حوراء قلبها نغزها /نعم ماما
ام حوراء /خالتك نورا جت اليوم جايبتلك عريس وافقي ديري مقابله ماعجبك ارفضي
حوراء /توا نشوف ي ماما
ام حوراء /قالو اكويس وما شاء الله عليه ماترديش خالتك عيب كل مره جايه عريس عشان خاطرك
حوراء/اسئلي بابا ونا نمشي ع شوره
ام حوراء فرحت /ان شاء الله ي بنتي ربي يفتحها في وجك ي ربي
.
.
.
الحلقه الجايه نار 🔥
رايكم يهمني + لُطفا حبيباتي ياريت اتفاعلن لانه تفاعلكن يفرحني ويعطيني الدعم والقدره ع الاستمرار ❤️
وقولكن شن بيصر مع حوراء عطني توقعاتكن ؟❤️
enas_almsmire