دخل آدم على نزول لؤلؤة من الدرج
لؤلؤة ابتسمت ولا كانت متوقعه جيته:انا شفت الصباح لكن الخير توني اشوفه
آدم تنحنح وقال:صباح النور فيصل موجود؟
لؤلؤة جاوبته و ابتسامتها تتوسع:لا مو موجود
لؤلؤة شافت يده وقالت بِشهقة:يدك وشبها؟
وقربت تمسكها بِحنية
آدم قال وهو يوخر يدها:كسرت عطر و انجرحت معليك
لؤلؤة عقدت حواجبها و قالت بِهدوء:تعورك؟
آدم قال:لا معليك خفيف ألمها
لؤلؤة همست:سلامتك آدم
آدم هز براسه:الله يسلمك
كمل كلامه:ناديني لي معن و لينا بالله؟
لؤلؤة همست:تمام
كانت بتروح لكن آدم وقفها:لؤلؤة
لؤلؤة لفت وهي تقول:سم
آدم ما كان يدري كيف بتطلع منه ولا يبي يكون متوتر و من اخته:انا باخد اجازة عشان يدي و بروح فرسان و خبري فيك تحبين البحر قلت باخذك معاي تغير جو
لؤلؤة ما صدقت انه الي قدامها آدم وقالت:احلف!
آدم ما استغرب صدمتها وقال:والله و اذا تبين ممكن تاخذين من البنات الي تبين
لؤلؤة حضنته بِقوة وقالت:ما تدري وشكثر نفسي بالبحر
آدم رفع يده المصابه ويده الثانيه تشيل الكيكه الي مسويها غسان رفع يده بِهدوء و طبطب على ظهرها
وخرت لؤلؤة عنه وهي متحمسه:ثواني ويكون معن عندك
و ركضت للدور العلوي آدم هز براسه و راح يجلس بالصالة
دخلت هيفاء وهي تنادي للؤلؤة
لكن تفاجئت بآدم وقالت:لايكون عيوني فيهم شيء آدم
آدم قام وقال:فيفي عيونك ما تكذب انا قدامك
هيفاء ضحكت وسلمت عليه آدم بعد عنها
وجلس مقابلها وقالت له:الاوادم قاطعين؟
آدم تنحنح وقال:مو قاطعك عنك بس يا فيفي قاطع عن الحياة بِكبرها
هيفاء مسحت على خده وهي تقول:الله يقطع من قطع وصلك بين اهلك يا حبيبي
آدم عقد حواجبه:لا تفتحين الموضوع عشاني انا جاي عشان اشوفك و اعطي معن ولينا الكيكه و امشي
هيفاء عقدت حواجبها وقالت:ونورة يا آدم و نورك مالها خاطر من جيتك؟
آدم همس:نور آدم و سلطانه موجودين بعيونه لكن
قاطعت هيفاء حكيه:كذاب آدم امك تتعذب كل ليلة ما تنام إلا ودمعتها على خدها و سلطانك ما صار يحب يروح المستشفى عشان ما تصده ما يتحمل صدعك له اهلك ما يبون يذوقون الفقد و ولدهم حي
آدم تنهد وقال:سمي يا فيفي ومالك إلا الي يرضيك
هيفاء ابتسمت وقالت:اهلك يا آدم تكفى لا تزعلهم ولا يذوقون مُر فقدك وانت تذوق مرارة اليتامى
و اهلك يتنفسون دام الوصل وريده يمر به الدم لا تقطعه!
آدم هز براسه وقال:بحاول بحاول
دخل معن الي ماكان مصدق لؤلؤة ابدا
ابتسم من شاف آدم وقال:نورت البيت
آدم بادله الابتسامة و كان معن بحالة صدمة لكن هيفاء ابتسمت
لبست لينا جلالها ودخلت:اهلا آدم
آدم ناظر فيهم ولا عارف وش يقول بذي المناسبة:الكيكه ذي عشان بكون عم الجنين انا ما اعرف جنسه لكن الله يحييه
معن ضحك وقال:خيرك سابق يا اخوي
آدم ابتسم و طبطب على كتف معن
لف للينا:ترا غسان الي مسوي الكيكه و تعرفينه
لينا ضحكت وقالت:تعلمني فيه
هيفاء لمحت الشاش وقالت:يمه آدم يدك؟
كلهم انتبهو ليده لكن آدم حطها ورا ظهره:لاتخافو كلها جرح بسيط و بيطيب ويلا استاذنكم
و معن قول للؤلؤة بكره بنمشي
هيفاء عقدت حواجبها:على وين يا الاوادم؟
آدم ابتسم لها:البحر يحتاج لؤلؤته
و خرج على وصول نورة الي ماصدقت عينها و ركضت له:آدم يا بعد روحي
آدم حط يده ورا ظهره عشان ما يخوفها
حضنته نورة تبي تروي شوقها آدم كان يحاول يكسر الحاجز الي سواه طوال السنوات و يبي ينفذ كلام اديم وهيفاء رفع يده و طبطب على ظهر امه باطراف اصابعه نورة من حست باصابعه على ظهرها ابتسمت بِحنين
وخرت عنه وهي تضحك:آدم كيفك يا امي؟
آدم رد عليها بإبتسامة:الحمدلله كيفك انتِ؟
نورة قالت بِحزن:على حالك لكن عيني ارتوت من شوفتك يا ولدي
آدم هز راسه وقال:تامريني على شيء
نورة عقدت حواجبها بِحنية:وين رايح ما بعد رويتك شوقي؟
آدم تنهد وقال:عندي شغل
نورة وخرت عنه وهي منزله راسها:فهمت الله يسهلك
آدم ما كان يبي يضايقها من كلام هيفاء وهو يعز جدته ولا يبي تروح لها نورة وهي بملامحها المتعكرة
قالها بِهدوء:بكرة انا بجي بعد و بتشوفيني انا ما ابي اقابل فيصل و ذا موعد جيته
نورة ابتسمت:والله بتجي بكره آدم تكفى لا تقسي قلبك علي آكثر من كذا انا امك مو عدوتك و على لؤلؤة و معن هم يحبونك و ابوك بعد يموت ويحيا عشان اتصال منك
آدم تنهد:انا ما قسيت قلبي إلا من قساوة ما عاش و انا من حقي اعيش بِقلب مو من حجر
امسيتي نور لعيون آدم و صرتي عماية لعيونه
نورة نزلت دموعها وقالت:آدم ما كان المفروض تذبحه انا
آدم قاطعها:ما كان المفروض اشوفه يحاول يتحرش بامي و اسكت كان لازم يموت احمدي ربك ابوي ما شافه ولا كان ابوي قاتل ما شافه غيري ولا تعامله معه غير فيصل و صار يتمنن علي و انه ستر علي و انا لو انسجنت ما همني يمه انتِ ما تدرين انا وش عشت كنت انام واقوم على كابوس الله بياخد حق صقر مني ما فيها كلام لكن الله لا يسامح فيصل على عمى عيونه عن تحرشات صقر
نورة قربت منه وهي تحاول تتحكم بدموعها:اشش لا يسمعون اخوانك تكفى يا آدم انا اعرفك انت آدم قلبي ما تقتل يدك ما تقوى
آدم تنفس بِحدة وقال وهو يهمس له:الي بيقوى يمس اهلي او مبسم القمر بيقوى على فصل جسده عن راسه
نورة وخرت عنه وعقدت حواجبها:من مبسم القمر؟
آدم تجاهل كلامها وقال:مسحي دموعك انا ولا قسيت من فراغ قسيت لانكم اعتبروني قاتل منجد و وخرتوني عن عائلتكم الي فيها قاتلة جالسه بينكم لكن محد فيكم يتكلم
