نصيبي أتى بك

الحلقه الاولي

روايه نصيبي أتى بك ✨
للكاتبه :ويسي المسماري
مرحبا جيتكم بروايه جديده وحقيقه وان شاء الله تعجبكم 💗
الحلقه الاولي
في مدينه بنغازي سنه 2017حوراء في جامعه القانون هي وصحباتها كانت اول سنه لهن في الجامعه .
حوراء /مش متخيله وصلت الجامعه ونبي نحقق حلمي
ندي /نعلي حتي انا تصدقي
حوراء/ان شاء الله انتخرجو ع خير
منار/يقولو سنه ثانيه واعره
حوراء /ان شاء الله نحنا قدها ي بنات
ندي/ ان شاء الله ايش رايكن نطلبو نفطرو
حوراء/ شوفي الكافي متاع الجامعه مش سمح نطلبو من برا
ندي /تمام ديري جوك
حوراء /فتحت التلفون وخشت ع الفيس ع صفحه مطعم اقريب من الجامعه طلبت مسجات وردو عليها وطلعت دايرين اليوم مجاني
ندي /عليك حظ عندنا يارب يكمل حظي هك فتره
منار / ماعندكش تفائل
ندي/لالا عارفته اصلا 😂
وشوي ووصلت الطلبيه طلعت حوراء خذتها من الشاب متاع الطلبيه وركزت فيه اشوي وعدت 😂
( قصقصه بنات 😂)
خلاص وروحن للحوش
حوراء اول ماوصلت للحوش مشت حكت لخواتها ع جو الجامعه وفرحانه ومشت غيرت دبشها وتغدت
وتمددت ع سريرها وفتحت الفيس وخشت ع طلبات المتابعه لقت من بيناتهن الي جاب الطلبيه انصدمت وفي عقلها مايصدقو بسم الله توا نفتح احساب وهمي نقعد نطلب منه وخلاص
واشوي فكرت في عقلها ووافقت ومشت رقدت .
____________
اساعه 8:00 حوراء ترجا في خوها يشيلها للجامعه يسخن في السياره
ناصر /هي ي بت انشطي
حوراء /انت الي هي بسرعه وطلعو وصلت
لقت ندي ومنار قعدو يحكو وطلبت نسكافي من الكافي وصوراته جنب الشجر ردت قعمزت جنب صحباتها الي كل وحده لاهيه في تليفونها نين جا وقت المحاضره وخشن وكملت محاضرتها ورحت دغري يومها هذا ماكنش مليان احداث المهم بعد وصلت للحوش كالعاده كملت حاجاتها وفتحت الفيس نزلت استوري صوره النسكافي الي صورتها ورقدت
اساعه 4.30 امها صبي ي حوراء خواتك دارن قهوه تعالي اشربي
حوراء /تمام ي ماما توضت قبل وصلت العصر وطلعت لخواتها في الجنان
حور /وينك راقده تعالي احكيلنا ع جو الجامعه اليوم
نور /في شباب
حوراء/فكيني من المياعه انتِ حتي كان في مايهمويش
نور /بسم الله كنك اتهزبي شن قلت انزرفي
حور / خليها اتموت عانز
حوراء / كان كملت نومتي خير
حور /اي اتكملي راقده من الواحد
حوراء /قالتها الي ماتنوض بكل
نور /عليك نقاش فاشل خلاص سكوت 🙂
حوراء /ريت الي ادير في روحها كبيره
نور /اننن
حوراء /خاشه لداري نقرا
حور /بسم الله ايش خذيتي
نور /فوتيها اتموت في القريا
______________
خشت حوراء لي دارها وفتحت التليفون وحطت شيت جديد جنبها وخشت ع الفيس شافت صاحب الطلبيه قرت اسمه منذر معلق ع الستوري كاتبلها صحه شافتها وماردتش بعدين خشت ع صفحته مشطتها عجبها راقي وطلع هوا صاحب المطعم انصدمت تحسابه يشتغل فيه .
المهم واول شهر لها في الجامعه كانت تقرا وتبي اتجيب معدل وكل يوم تمشي للجامعه وتروح وتشوف في منذر وهوا يعلقها وتعلقله وبس
عند منذر قاعد في داره وخاطره يخش علي حوراء خاشه عقله بس مش عارف كيف .
____________
حوراء كملت قرايتها وجت قعمزت مع خواتها بعد العشاء.
حور/كملتي اقرايه
حوراء/كملت وانتي قريتي
حور /مازال ماخذينا حاجات واجد
حوراء/اقري اول بأول شهاده راك
حور / ان شاء الله
نورتحكي في التليفون وفي عالم ثاني
حوراء/فيش اديري ي نور
نور /شي نحكي مع صحباتي
حوراء/اها
___________
حوراء ثالث يوم عدت للجامعه وكسدت مع صحباتها وحكتلهن قصه منذر الي تابعها
ندي /حيحي شكله كبد
منار/كذاب مافيش واحد يموت في لحظه تلقيه مكسد بس
حوراء /بلكي مع انه ماخشش يدحنس
ندي /عليك نكد جيت نبي انعيش الدور اشوي
حوراء/ ريحي روحك
روحت حوراء وكسدت مع امها وخواتها وبعدها رقدت اليوم الي بعده كان جمعه وعدت لقت منذر ناشط اشوي وبعثلها مسج انصدمت
منذر /اهلين
حوراء /اهلا
منذر /معليش لو مافيهاش ازعاج نسئلك
حوراء /تفضل
منذر /انتِ نفسها البنت الي خذت الطلبيه
حوراء/اي نفسها
منذر/ربي يحفظك
حوراء شافتها وفاتته

رايكم يهمني اول حلقه ان شاء الله تعجبكم ❤️

enas_almsmire