عشق الرعد

عشق الرعد الجزء الثاني

سيلا بهدوء : الحمد لله يا دكتور أحسن بس جنبي بيوجعني اوي

قلب في الورق الذي بين يديه ثم قال : ما للأسف المفروض تبدأي غسيل كلى من بكره لأن عندك فشل كلوي ومش هينفع نتأخر

سيلا بصدمة : أنا! بس أنا مكنتش ...

قاطعها يوسف قائلا : يا دكتور انا اتكلمت مع دكتور عمار وفي تطابق انسجة بينا وبإذن الله هنعمل عملية زرع وانا هتبرع ليها، ملوش لازمة تعمل غسيل

سيلا بصراخ غاضب : وأنا من امته عندي فشل كلوي، أنت بتخبي عليا يا يوسف

يوسف بحدة : المفروض اقولك ايه يعني! عندك فشل كلوي واتفضلي نكدي وازعلي وآثري على نفسك وابنك

سيلا وهي تمسك جرح بطنها : دا مش مبرر تخبي عليا وبعدين انا مش واخدة منك حاجة ومش عايزة جمايل من حد فاهم! مش هتكسرني بدي

يوسف بصراخ : هي مش ناقصاكي من نحية والتانية لو ملكيش كبير فعملك حاضر، والعملية هتتعمل غصب عنك وبعدين مكان ما تروحي روحي

سيلا بغضب : أنت بتزعق كدة ليه! هو انا بشحت منك ومش عارفة، اتفضل امشي وانا مش واحدة منك نقطة دم حتى

اعطى كرم ابنه ثم خرجت يعود حيث رعد، انفجرت باكية وهي تقول لكرم : شوفت اسلوبه يا كرم

كرم بتفكير : تقريبًا والعلم لله عشق بتولد وهو خايف عليها، رعد كان قالي إنها ف السابع

تفهمت سبب ضغطت يوسف وحزنت من نفسها لأنها قامت بالضغط عليه اكثر، في حين جلس يوسف بجانب ابنه وآدم الذي أتى مع والده ..

★٭★٭★٭★٭★٭★٭★٭★٭★٭★٭★

اطلقت جايدا تنهيدة متعبة وهي تجلس مكانها، القت الهاتف بعشوائية فور رؤيتها اتصال من ياسين، أتت جمان وجلست بجانبها ثم وضعت يدها على بطنها قائلة : أنتِ كويسة؟

جايدا بتعب : لا مش قادرة يا جمان، أنا بموت من بطني وحاساها كبيرة صح؟

جمان بقلق : لا يا حبيبتي لا كبيرة ولا حاجة، بعدين بطلي تفكير يا جايدا بترهقي نفسك

انسابت دموعها وهي تقول : أنا تعبت، حامل في السادس ومش عارفة حاجة عن زياد ولوحدي وهم زيادة على أهلنا، انا حاسه إني هموت في يوم

ربطت جمان على كتفها قائلة : متقوليش كدة، بعيد الشر عنك

كادت جايدا تتحدث لولا دخول والدتها التي قالت بإبتسامة : عشق بتولد يا بنات، يلا قوموا اجهزوا هنروح ليها المستشفى ...

★٭★٭★٭★٭★٭★٭★٭★٭★٭★٭★

بعد عدة ساعات
وبعد اصرار كبير من عشق قام رعد بحجز جناح اكبر وقام بتزينه بطريقة جميلة، وجمع فيه عشق مع سيلا التي كانت تتابع يوسف بضيق، يتجاهل النظر لها حتى وهي تكاد تسبه أمامهم