الاوغر

part 36

بسم الله الرحمن الرحيم

#الاوغر

بقلمي: ملاك محمد

عسلات لا تنسون التصويت+التعليقات بين الفقرات+متابعه للحساب

مشاهده ممتعه
__________________
مشهد من البارت السابق
__________________

خلصنه ردت اغسل المواعين اوغر زمخ بيه

:- روحي امير يغسلهن

- امير باوعله وجراه بزيج ضليت صافنه راحله اوغر وسحله من ياخته

:- تغسل مواعين لو تسوي جاي ؟؟

امير: انجب ولك وين هيبتي شنو اغسل مواعين

اوغر: سوده عليه يا حبيبي منو جان قبل يطبخ ويغسل مواعين

امير: اي هاي قبل هسه اجت مرتك هيه تسويلنه

اوغر: تنجب وتشتغل ومرتي كلشي متسوي فاهم ؟

امير: وعلي بس هل مره ونوب اذا كلتولي اعوفكم واهج

اوغر: خفتا وراحه

- راحو ثنينهم للمطبخ واني صافنه مصدومه رحت وراهم لكيت امير لابس صدريه المطبخ ويخلي زاهي بالليفه واوغر يخدر جاي

مدري اضحك مدري ابجي ع حالهم وتصرفاتهم الغريبه

سدين: روحو كعدو اني اسوي

اوغر: روحي طلعي معليج احنه نشتغل

سدين: ياااا شبيكم روحو معليكم اني اكمل هو شنو بس جاي اصب واغسل مواعين واصلا قليلات

- ما ردو عليه امير يغني يدندن بصوت ناصي ويركص واوغر يحضر بالاستكاين

عفتهم ورحت اخذت الجهال شغلت التلفزيون وخليتهم بحضني طلعت طيور الجنه الهم وهمه مكيفين واني اغني وي الاغينه احفظهم بيها...
___________________

- دخل امير ينشف بأيده واوغر وراه شايل الجاي منظرهم يضحك بس سكتت خاف اترزل..

شويه واجو اهل اوغر والبنات هم وياهم بقو كم ساعه وراحو ، راح اوغر وياهم يجيب كم شغله من البيت

وامير دخل لغرفته واني هم رحت لغرفتي قفلتها واخذت ملابس واغراض العنايه ودخلت سبحت سوييت عنايه بالجسم باجر عندي دوام
خلصت وشسورت شعري وخليت عطر وحمره فتحت الباب مال الغرفه ونمت واوغر بعده ما جاي غفيت..

سمعت صوت الباب واحد دخل عرفته اوغر من طكطكته يضل يشمر ع الميز اغراضه اجه دحس روحه يمي عبالك ماكو مكان

:-اففيييش شنو هل ريحه

:- اسكت اريد انام

:- شسوين بالنوم ما تشبعين

:- وراي دوام شبيك

:- نوم العوافي نامي

- درت وجهي اله وحضنته ونمنه كعدت الصبح ابدل وهو هم يبدل يروح للدوام نزلت بسرعه سويت ريوك خدرت جاي وطلعت جبن وصحتلهم هو وامير كعدو ياكلون واني صعدت اكمل خليت مكياج خفيف لان الاخ ميقبل لفيت شالي عدل وسحبت جنطه ونزلت لكيتهم مخلصين وغاسلين المواعين !