Play Pretend

Chapter 54

I couldn't imagine what his relationship with his mother currently looks like, and I could only guess how their conversation went.

What did his mother say? Ano ang dahilan niya? Alam ba ng Papa niya ang totoong nangyari?

Hindi ko matanong ang mga gusto kong malaman. Ayaw ko na ring panghimasukan pa dahil pamilya nila 'yon. I was already out of that picture a long time ago when I ended us.

"Paano ang mga kasabwat niya?" tanong ko na lang.

Kahit na mukhang wala na akong dapat alalahanin kay Mrs. Dela Vega, hindi pa rin biro ang mga kasabwat niyang mababangga ko.

"Do you think they can still defend themselves once my mother confesses her crime?" Nagtaas ng kilay si Xaiver saka dumiretso nang upo. "My mother was the one who orchestrated everything. Lahat ng ebidensya, nasa kanya. And if they still try to turn things around, sisiguraduhin kong sa huli ay sa kulungan pa rin sila babagsak. Hindi sila magtatagumpay, Chantal. I'll make sure of that."

Natapos ang meeting namin sa ilan pang paliwanag nina Xaiver at Atty. De Alban. Hindi ko nagalaw ang pagkain. Xaiver asked the waiter to pack the food for takeout. Bitbit niya 'yon habang palabas kami ng hotel.

Sa driveway, nakita ko ang pamilyar na lalaking nakatayo sa harap ng itim na SUV. My eyes widened when he smiled and opened the door for me.

Nilingon ko si Xaiver. His face was stoic as he extended his hand to give me the takeouts.

"Take these home with you. Hindi ka kumain kanina." Sinulyapan niya si Manong na siyang naging driver ko dati. "The driver will take you home."

Umiling ako't hindi kinuha ang pagkain. "May pupuntahan pa ako. Ikaw na lang ang mag-uwi o kaya ibigay na lang kay Manong. Magbo-book na lang din ako ng Grab."

"Why bother booking a car when a driver's already waiting for you?" he asked, sounding a little sarcastic. "Magpahatid ka na lang kung saan ka mag-go-grocery. He'll also drive you home once you're done."

Kinuha ni Xaiver ang kamay ko. Mabilis lang 'yon para mailipat niya ang hawak na takeaways, but the shockwaves were almost electrifying. Agad din niya akong binitiwan na para bang naramdaman din niya 'yon.

"I have other things to do. Just reach out to Atty. De Alban once you've already decided," paalam niya at agad din akong tinalikuran.

I watched him walk with fast strides to the sports car parked behind the SUV. Pinatunog niya iyon at hindi na ako nilingon ulit nang pumasok. He then drove past the SUV para mauna nang makaalis.

Nang ibinalik ko naman kay Manong ang tingin, ngumiti siya at tumango sa akin. He pulled the door wider for me. Napabuntonghininga ako at nagdesisyon na magpahatid na lang sa grocery.

To: Macy
Tapos na ang meeting. Nasaan kayo ngayon?

"Saan po tayo, Ma'am?" tanong ni Manong.

Nag-angat ako ng tingin sa kanya. "Ah, sa supermarket na lang po malapit sa bahay."

"Sige po, Ma'am."

From: Macy
We're on our way to have lunch sa BGC. Ang bilis ng meeting ninyo. What happened?

Ngumuso ako. Magla-lunch pa lang sila. Hindi ako nakakain ng tanghalian. Maybe I should just join them for lunch, lalo na't mukhang madaming tanong si Macy. At sa totoo lang, gustong-gusto kong makita ang anak ko pagkatapos nang nangyari.

To: Macy
Saan doon? Papunta na rin ako.

"Manong, sa BGC na lang po tayo. May kikitain po ako," habol ko dahil kakalabas pa lang naman namin ng hotel.