قهر الأرواح

البارت 20 الجزء الثاني

ريمار :- طول عمري ما تدنيت ل العيب والحرام
طول عمري اربي ب الناس محد رباني ومع ذلك ما انحرفت عن طريقي
خلي يگولون الي يگولون
ريمار عمره وحياته تبقه عفيفه والي عنده اعتراض يجي هنانه گدامي ويحجي مثل الكلام الي يگوله وره ضهري.

ماجد :- الناس ما راح تفهم.

ريمار :- عادي خليهم جهله لا يفهمون
ما دام اعرف طريقي ما مهتمه الهم حته لو الكل ما يصدگي بيه المهم اني مصدگه ب نفسي..​

ماجد :- مو بس انتي اني هم مصدگ بيج واعرف اخلاقج بنتي انتي الله شاهد معزتج معزه بناتي وثقتي بيج اكثر من ثقتي ب بناتي حته
بس هذه واقعج الي عايشه بي تضررتي.

ريمار :- الله كريم.

ماجد :- ماكو أكرم منه كملي شغلج بابا كملي ومنا ل باجر يصير خير..
تنهد ب قله حيله
تركني وطلع من المحل.
عمو ماجد اكثر من مره جاي يدورلي على احد يتزوجني جنت أرفض أفعاله.
بس دائما يكلي.

ماجد :- المره اذا جانت ب ضهر رجال راح تأمن من كلام الناس
راح تعيش ب راحه
راح تحتفظ ب الأمان وراحه البال.

بس اني رافضه
الي شفته من جنس ادم لا يحسد عليه.
راد يطلع بس.
استوقفته ب جملتي خليته يلتفت من جديد عليه.

ريمار :- عمو راح تكوله ب رفضي مو؟

ماجد :- ما دامج ما تردي ما اجبرج اني لان ما عندي حته السلطه عليج بس انتي لازم تتزوجين لان بقائج هيج مو زين وانتي تعرفين انو جاي
الناس تنهش ب لحمج.

تركني وراح
كلامه ينطيني تلميح

الناس تسمعه حجي.
ليش تشغله ب محلك
هيه مطلگه.
شايفين على أخته سوالف
اكيد هيه مثله
اطرده اجوز يزيد رزقك وهيه جاي تبوكك.

وكلام تلفق عليه من كُل مكان.
تعبت.

ألقيت ب جسمي على الكرسي الي صاير ورا الطبله.

تدمرت حياتي.
سنوات مرت
ولحد الان ما متناسيه الموضوع.

رجعت ب جسمي لِوره على الكرسي ولفيت نفسي ب العبايه.

الجو حار
محرم
الزياره قربت ما بقه اله شي.
تخرجت من الكليه.
بس بدون حفل تخرج
بدون تباركات
بدون فرح.

قضيته معتكفه على نفسي.
وحيده
بدون سند ولا أهل
حته الأخت الي تمنيته تكبر وتصير سند
اكتشفت نفسي اني الي جنت ساندته.

طلعني من شرود بالي
صوت اشعار رساله جديده.

سحبت التلفون الي جان على الميز.
توقعت المُرسل كَلعاده
منو غيره.

:- عود تشوفين وما تردين تستشرفين براسي بت صباح.
ورساله الوخ كاتب.

:- والله وتسوي روحه ثگيله يابه شنو فرقجن كلجن سوه.