التفت الة واردفت بحدة
ترف.. نعممممم؟
علي.. شبيك صديقي ماتحن شوية شويتين
باوعتلة بأسهتزاء وهزيت ايدي ونزلت
مرت الايام و ورة العيد بأسبوع جان اول يوم الي بالمعهد فرحانة ومتحسمة كعدت من وحدي غسلت وبدلت لبست فستان صيفي قصير وبسيط ولفيت شعري اخذت جنطتي وطلعت من الغرفة لكيت علي هم جاهز لأن هوا الي راح يوصلني شافني جاهزة وكام طلع قبلي من دون لا نحجي وية بعض لحكتة ونزلت وراه وصعدت بالسيارة نص الطريق ومد ايدة فتح الجكمجة وطلع لعبة على شكل دجاجة ومن يضغط على بطنها توصوص قدمها الي من دون ما يباوع
علي.. شفتها وجبتها الج ادري بيج تحبين هيج شغلات
سكتت مارديت بس خلاها بحضني باوعتلها اريد اضغط بطنها حتة توصوص بس قلبي ماينطيني خاف تروح كشخة الزعل
علي.. اخذيها ترتر وضلي زعلانة عادي ترا
اتجاهلتة على ما وصلنة للمعهد اخذت جنطتي ونزلت دخلت للمعهد وسميت بأسم الله ان شاء الله بداية خير
دخلت للقاعة وشفت بيها كم طالب وطالبة مو هواي اتوجهت للرحلة الاولى يم الشباك وكعدت واباوع لليطب ويطلع دك الجرس واجة الاستاذ عرفنة عن نفسة
كريم...بداية جديدة نسمي بأسم الله بالبداية وياكم استاذ كريم مدرس اللغة الانكليزية ابوكم او اوخوكم الكبير اعتبروني اقدم الكم نصيحة ماطول ببداية السنة انتم اليوم كطلاب سادس شنو هدفك؟
رفع ايدة طالب
كريم.. تفضل ابني شنو اسمك بالاول؟
زين.. اسمي زين وهدفي النجاح والمعدل العالي
كريم.. اتفضل بابا زين مثل ماسمعتو هدفة النجاح والمعدل وهذا الشي كلكم انتم تردونة اتأكدو يا بابا ماكو انسان انخلق ضعيف انتَ اليوم بهذا المكان غيرك يتمنى يصير بمكانك كُل ثانية من عمرك وكُل دقيقة وساعة تستغلها حارب وجاهد واتعب علمود حلمك لأن انتَ تستاهل التعب وحلمك يستاهل والي دزك هنا علمود تدرس مايستاهل تفرحة؟
حجينة كلنة... لا يستاهل
ضل يحفزنة ويحجي ويانة
اندك الباب
كريم.. اتفضل
دخلت طالبة وكالت بصوت هادئ
... استاذ عادي افوت؟
كريم... اكيد بابا اتفضلي
دخلت الطالبة تجنن هيج تنكرط ناعمة وملامحة مريحة للعين
يعني اني اتمنيت اكابلها واكعد اباوع الها مو مبالغة بس مرات من تشوف شخص ترتاحلة وتحبة كعدت ثاني رحلة بالوسط وضل الاستاذ يسئلنة عن اسمائنة وصل الها وكال
أنت تقرأ
ثعلب الحبتر
Mystery / Thrillerإمرأةٌ قَويةٌ لا احتاجُ أحدً لكِ يسنُدني فاِنني أنا القوهْ وأنا الكَيدُ وأنا آخر وصيهْ لـرسول ﷲ تعَلمتُ القوهْ من خِذلانِ أقربِ الناسِ لي الذي يجب أن يَكون مصدرً لـِ أماني وهَل يوجد أمانٌ بجانبهِ ؟ تاهت أقداري وقَد اتعبتني الحياهُ ، لـكن ! لازلت...
part ••9••
ابدأ من البداية
