مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
زهـراتي ضروري اتصوتون وتعلقون ♡♡
بسم ﷲ الرحمـن الرحـيم
ــــــــــــــــــــــــــــــــــــــــــــــــــــــــ
ـــــــــــــــــــ
تره اليكتل نفس يتحاكم اعدام اشو تمشي اعله طولك وانتَ كاتلني.
ــــــــــــــــــــــــــــــــــــــــــــــــــــــــــــ
ـــــــــــــــــــ
روح
هزت راسها وراحت مشيت شوية وانا اباوع للناس بدون لا انتبه
اندعمت بشخص طاحت جنطتي بالكاع عفتهة ورفعت نظري الة شفتة يخابر بالتلفون اجيت انزل اجيبها بس رفع ايدة مانعني انزل
نزل هوا جابها سد تلفونة وخلاه بجيب البنطرون ونكثها من الكاع وانطاني اياها وكال بصوت خشن وهوا مبتسم
... اعتذر
هزيت راسي واخذتها منة ورحت مشيت شوية والتفت ماشفتة لأن منطيني ظهرة ويمشي
اجت ترف وبأيدها قطعة كيك
ترف.. تردين؟
روح...لا شكراً
اشترينة الي نريدة وترف لزكت بمحل الكوزمتك ما انشلعت منة الة لمن طلعت بعلاكة بكد راسها
اتصلنة على علي وكنالة يجي وطلعنة برة التفت على اليسار وشفت نفس الشخص الي اندعمت بي بس هوا ما شافني
اجة علي وصعدنة وحرك السيارة بنص الطريق وقبل لا نوصل باوعلي على بالمراية واردف
علي... جابر وحازم جاي يحومون عليجن شكلهم ما ملو
روح... شلون عرفت وليش اتذكرونة هسة؟
علي... امس اجو الي للمكتب وكعدو يحجون بالاصول مدري منين جايبيهن والله لازم مايكعدن عدكم ابوك غريب وما اعرف شنو والله وبالله ناس فارغين
روح... خلي يرحون ينامون لو يموتون ما انروح وياهم
علي... مو بكيفهم ايجبروجن انتِ جبيرة وبالغة السن القانوني ومسؤولة عن نفسج وعن ترف مادامج موجودة وية ترف مايكدرون حتة ياخذونها
سكتت بس مو مطمئنة ضليت ماحاسة براحة الحد ماوصلنة للشقة ونزلت بسرعة
•••••••••••••••••••••••••••••
ترف
نزلت روح من السيارة اجيت انزل وصاحلي علي
علي.. ترف
YOU ARE READING
ثعلب الحبتر
神秘 / 惊悚إمرأةٌ قَويةٌ لا احتاجُ أحدً لكِ يسنُدني فاِنني أنا القوهْ وأنا الكَيدُ وأنا آخر وصيهْ لـرسول ﷲ تعَلمتُ القوهْ من خِذلانِ أقربِ الناسِ لي الذي يجب أن يَكون مصدرً لـِ أماني وهَل يوجد أمانٌ بجانبهِ ؟ تاهت أقداري وقَد اتعبتني الحياهُ ، لـكن ! لازلت...
