مساء الخير زهـراتي
# ثعلب الحبتر
#بقلمي انا: زهراء
#حساب الانستا: zaii1_8
لا تنسون المتابعة والتصويت والتعليق بين الفقرات
بسـم ﷲ الرحمــن الرحيـم
ــــــــــــــــــــــــــــــــــــــــــــــــــــــــ
ـــــــــــــ
زهراتـي الاحبها قبل لا ابدي البارت طلب صغير منكم
لا تضلمون الرواية بالتفاعل مالتكم الجاي اقوى وانا استمر بدعمكم وبحبكم الي 🤎
ـــــــــــــــــــــــــــــــــــــــــــــــــــ
ـــــــــــــــ
ياعذاب جروحنه
يفت الگلب والصد كتلنه
ـــــــــــــــــــــــــــــــــــــــــــــــــ
ــــــــــــــــــــ
روح
باوعت للساعة اجة وقت استراحتي فتحت جنطتي واخذت الدفتر والقلم صرت اجيبهن حتة للمستشفى احسها افضل طريقة حتة افضفض واحجي عن الي بداخلي صح اتعب من اتذكر بس افضل من ان اكبت بداخلي رحت المكان معزول وكعدت اكتب احزاني
احدى الذكريات السيئة
جانت الدنية مغرب وصيف كاعدين نتعشة سمعت الجامع اذن و كال ﷲ اكبر صفنت عليهم محد يكوم يصلي نفس ماما اصلاً حتة ماكو قرآن بيتهم ولا سجادة
كلهم كاعدين واحد بصف الثاني يضحكون ويسولفون سوة الا انا وترف كاعدين بنهاية السفرة بعيدين عنهم وحتة محد يسولف ويانة ولو يمر يوم كامل بدون اكل محد يدري عنة كدامنة صحن واحد
والاكل البي قليل وحتة شخص واحد مايشبع بي لكن الحمد الله احسن من الماكو بالعادة انا اوكل ترف اول شي ومن تشبع اكل انا
وكلتها وشبعت ضلن كم بتيتاية بالصحن وطماطة بلعت ريكي وانا احس معدتي تتكطع من الجوع ماماكلة من امس بالعشا مديت ايدي الترجف عليهن اجيت اخذهن وفزيت من صاح ابن عمو جابر
حاتم... اريد البتيتة الي بصحن روح
روح.. بس هيا مالتي وانتَ عندك اكل بصحنك
نقلت نظري عمو جابر خزرني عرفت شنو راح يصير قبل لا يكوم بسرعة اخذت اصابع البتيتة وخليتهن بحلكي وبلعتهن بصعوبة حتة قبل لا امضغهن
هوا انا سويت هيج وهوا حاتم يشيل روحة ويركعها بالكاع للعلم ان هوا مو صغير عمرة 15 بس يتعمد هيج يتصرف ودائماً يستحقرني كام عمو جابر من شاف حاتم مايسكت اتقدم بخطوات سريعة يمي كضني من طرف البلوزة وجرني الة كمت وكفت على رجلية من حسيت ملابسي الداخلية راح تطلع
صاح بحدة وبظلم
جابر.. هسةةةةة تتقيئين الاكلتي كلة
هزيت راسي بلا وانا صافنة بالفراغ .. عاف البلوزة وجرني من شعري قوي الدرجة حسيت خصلات شعري صارت بأيدة سكتت ومانطيت اي ردت فعل... برود.. تعويد.. تعب.. كلشي صار وياي واتعودت عليه وعلى ظلمهم
YOU ARE READING
ثعلب الحبتر
Mystery / Thrillerإمرأةٌ قَويةٌ لا احتاجُ أحدً لكِ يسنُدني فاِنني أنا القوهْ وأنا الكَيدُ وأنا آخر وصيهْ لـرسول ﷲ تعَلمتُ القوهْ من خِذلانِ أقربِ الناسِ لي الذي يجب أن يَكون مصدرً لـِ أماني وهَل يوجد أمانٌ بجانبهِ ؟ تاهت أقداري وقَد اتعبتني الحياهُ ، لـكن ! لازلت...
