- في رأيي بصراحة يا دكتور إن احنا نتكلم بصيغة دكتور والمريضة اللي عنده أحسن من أصحاب، أصل دي اول مرة آجي وأشوف حضرتك فالتعامل كصحاب مش هيكون ألطف حاجة وكمان بما إن دي اول مرة فطلب إن نتعامل كصحاب وقعُه غريب شوية فأنا بفضل نتعامل كدكتور ومريضة والتعامل كأصحاب هيكون في وقته المناسب
نظر لها محمد بهدوء يصاحبه شيئًا من البرود وابتسامة متصنعة يحاول أن يجعلها طبيعية محاولًا إخفاء دهشته من ردها بعد هذه النظرة التي رمقتهُ بها جاعلةً إياه يشعر وكأنه طلب شيئًا مريبًا قائلًا:
= تمام يا صُدفة مفيش مشكلة نتعامل كدكتور ومريضة عادي لحد ما تتعودي ع الأمر
ثم أشاح بنظره عنها ممسكًا بقلمه ثم دفتره الذي يدوّن به حديث مرضاه ثم قال:
= أولًا في كام حاجة هكلمك عنها قبل ما نبدأ، المفروض في أول مقابلة بيكون معاكي رفيق، حد من عيلتك مثلًا صاحبة ليكي قريبة منك عشان تكون عرفاكي كويس بحيث أسمع منها وجهة نظرها الخارجية عنك بالإضافة لوجهة نظرك الشخصية بردو أكيد، وثانيًا دلوقتي هسألك كام سؤال كدا وتجاوبي عليهم
- تمام مفيش مشكلة اتفضل
= إي هي جميع الأدوية اللي بتاخديها في الوقت الحالي لمرض القلب؟ دا اول سؤال السؤال التاني مرتبط بيه فهسأله هو كمان، هل أخدتي قبل كدا أي أدوية نفسية؟ ولو أخدتي ياريت تقوليلي إي هي
- الأدوية بتاعت القلب هوريها لحضرتك دلوقتي وكان معاها حقن للأعصاب وبالنسبة للأدوية النفسية ف لا مخادتش قبل كدا، بالإضافة بردو لأدوية القلب باخد مهدئ ومنوّم دكتور القلب كان كاتبهم ليا لإن بيكون عندي توتر شديد وأرق في النوم شديد بردو
عند انتهائها من حديثها قامت بفتح حقيبتها ثم أحضرت منها الروشتة الخاصة بأدويتها وأعطتها لمحمد حتى يكون على علم تام بما تتناوله مريضته ثم أخذ قلمه مرةً أخرى وقام بتدوين التفاصيل حتى تساعده في التشخيص ثم قال:
= تمام يا صُدفة، دلوقتي قوليلي هل عندك اي مخاوف طبية؟ وإي هي؟
تنهد صُدفة وهي تنظر إلى يدها التي ظلت تفرك فيها من التوتر منذ أن دخلت الي غرفة الطبيب ثم نظرت له قائلة:
- أيوا يعني هو أنا اساسّا بخاف خوف بسيط من الدكاترة وزهقت من الأدوية كمان بس لازم أخدها زي ما حضرتك عارف عشان متعبش
لاحظ محمد توترها وفركها في يدها فرسم على وجهه ابتسامة بسيطة لتوحي لمريضته أن تهدأ وأنه لا داعي للتوتر ثم قال:
= تمام مفيش أي مشاكل أنا عايزك بس تهدي وتاخدي نفس عميق وتخرجيه بالراحة، مفيش أي داعي للتوتر خدي نفس عميق وطلعيه بالراحة عشان تقدري تتحكمي ف أعصابك وتفكري كويس
نفذت صُدفة ما قاله محمد بابتسامه بسيطة قائله:
- تمام، في أي أسئلة تانية؟
YOU ARE READING
عِندما يتبَدد الظَّلامْ
Romanceالى متى سيظل الظلام هو سيِّد الظروف؟، متى سوف يتبدد وتشرق الشمس مرةً أخرى وتضيئ الطُرق في الوجوه!، كونوا على الموعد مع • عِندما يتبَدد الظَّلامْ • ~صُدفة المصري~ ~SèVéN~
