الي شجعني اكتب الي عايزه اقوله ليكم دلوقت هو كومنت كتبته بنوته ليا من يومين بتقول فيه
يا جماعه فريده بالنسبالي مش مجرد كاتبه دي احلي حاجه حصلت في حياتي
ردت عليها بنتوته تانيه و قالت
اه و الله انا يومي مش بيكمل غير بيها بحس انها امي
متتصوروش الكلام ده اثر فيه قد ايه و خلاني احس بالمسؤليه تجاه كل واحده فيكم
كلكم عندي بناتي و اصحابي و اخواتي مع اختلاف اعماركم
و ربي يعلم انا بحبكم قد ايه
و بحكم المكانه الي حتطوني فيها حابه انصحكم نصيحه من واحده شافت كتيييير في حياتها و لسه بتشوف
بس انا بعد كل حاجه مريت بيها طلعت باهم شيء في حياتي هو اليقين بالله و حسن ظني بيه
مهما كان الي بتمري بيه من وجع او ظلم او عذاب متفكريش فيه ....استغفري كتير و صلي علي النبي كتير
هتلاقي ربنا ريح قلبك و بعتلك الحل اصل ربنا رحيم و مخلقناش عشان يعذبنا
خليكي واثقه انك قويه من جواكي و اقوي من اي شىء او اي حد عايز يهدك
صلي و قولي دعاء سيدنا نوح
ربي اني مغلوب فانتصر
بعدها ربنا قال ...فاستجبنا له
اقري سوره البقره كل يوم و متقوليش انها طويله لو قرتيها مره واحده هتاخد ساعه و ربع و يمكن اقل احنا بنقعد بالساعات عالنت مش بنزهق
و انتي بتروقي البيت استغفري
و انتي واقفه فالمطبخ صلي عالنبي
ربنا لما قال ( و اصبر لحكم ربك انك باعيننا ) و لما قال ( لا تحزن ان الله معنا )
و لما قال ( ادعوني استجب لكم ) و لما قال ( قل يا عبادي الذين اسرفو علي انفسهم لا تقنطو من رحمه الله ..ان الله يغفر الذنوب جميعا ) دي كلها وعود ربنا لينا و حاشاه انه يوعد و يخلف
احنا لو دعينا ربنا صح و بيقين اكيد هيستجيب لانه رحيم بينا
و عارف ايه الي واجعنا
رحمته وسعت كل شىء
صدقيني انتي جميله من جواكي متخليش الدنيا تشوه جمالك ...انتي قويه متخليش الي حواليكي يضعفوكي...انتي تستاهلي كل الخير الي فالدنيا متخليش حد يقلل من قيمتك
و لو حد ميعرفش قيمتك العاليه يبقي العيب فيه مش فيكي ....اعرفي قيمت نفسك و حسي بالخير و الجمال الي جواكي و قلبك الطيب الي مبقاش موجود غير قليل حياتك هتتغير للاحسن
قربي من ربنا و احسني الظن بيه و هو عمره عمره عمره ما هايخذلك
عشان انتي احسن بنوته فالدنيا
كلامي ده موجه ليكم كلكم مش لحد معين بما اني بتكلم بصيغه المفرد بس عشان كل واحده فيكم تاخد الكلام علي نفسها
انا بجد بجد بحبكم اووووي عشان زي مانتو حبتوني
انا محستش اني عايشه غير بوجودكم في حياتي
ربنا يرزقكم راحه القلب و البال
و يجبركم جبر يتعجب له اهل السموات و اهل الارض
ربنا يسخر لكم ملائكه السماء و جنود الارض يقضو حوائجكم
قولو ااااااامين
بحبكم فالله
امكم ...و صاحبتكم...و اختكم ...فريده
ŞİMDİ OKUDUĞUN
أهتديت ب ( أيه )
Romantizmبطلنا ليس بطل اسطوري من الخيال و لكنه شاب مكافح من قلب الحاره المصريه تحمل مسؤليه عائلته الصغيره و معهم معشوقته الصغيره التي كتبت علي اسمه منذ مولدها و لكن بعد كل ما عاناه لاجلها تلقي طعنه غدر قويه اصابته في الصميم تري ما قصه بطلنا سنري تنويه هذه ا...
